1 Crón 6:39 - Kaqchiquel Bible

³⁹ Pa rijkiq'a' ri Hamán nik'oje' ri Asaf, ri jun chik aj-raqen pa kiwi' ri bixanela'. Ri Asaf ruk'ajol kan ri Berequías, y rija' ruk'ajol kan ri Simá.

1 Crón 6:39 ပူးပေါင်းရင်းမြစ်များ

Wuj Richin ri Esdras 2:41

Ri e bixanela' jare': Ri e rijatzul ri Asaf, e 128.

Wuj Richin Bix Chire ri Dios 83:1

Nimalej Dios ¿Achike roma man jun nabij? ¡Man taben chi man jun nabij, ni man kak'oje' kan choj keri'!

Wuj Richin Bix Chire ri Dios 81:1

Tiqabixaj rik'in kikoten ri rubi' ri Dios, ri qatobal roj; kan rik'in kikoten tiqanimirisaj ruq'ij ri ru-Dios ri Jacob.

Wuj Richin Bix Chire ri Dios 79:1

Nimalej Dios, ri winaqi' ri man yatkitzeqelibej ta xepe wawe' chupan re aruwach'ulew. Xepe y xkiqasaj ruq'ij ri awachoch. Y kan xkiwulaj kan jumul ri tinamit Jerusalem.

Wuj Richin Bix Chire ri Dios 77:1

Yin kan xisik'in k'a chuk'utuxik to'onik chire ri Dios; kan chire k'a rija' xink'utuj-wi roma kan yirak'axaj.

Wuj Richin Bix Chire ri Dios 75:1

Yojmatioxin chawe qa-Dios, kan yojmatioxin-wi k'a, roma rat naqaj atk'o chiqe roj. Roj kan niqatzijoj k'a ri meyel taq banobel ri ye'aben rat.

Wuj Richin Bix Chire ri Dios 73:1

Kan qitzij wi chi ri Dios kan janila utz rik'in ri rutinamit Israel, kik'in ri ch'ajch'oj kánima chuwech rija'.

Wuj Richin ri Nehemías 12:46

Toq k'a e k'es na ri David y ri Asaf, ri ojer kan xek'oje' aj-raqen chikikojol ri bixanela' toq yebixan richin nikiya' ruq'ij ri Dios y yematioxin chire.

2 Crón 29:13

Chike ri e rijatzul kan ri Elisafán, ja ri Simrí y ri Jehiel. Chike ri e rijatzul kan ri Asaf, ja ri Zacarías y ri Matanías.

2 Crón 5:12

K'ari' konojel ri e levita ri e bixanela'; ri Asaf, ri Hemán, y ri Jedutún, junan kik'in ri kalk'ual y ri kach'alal e pa'el-apo chiri' pa relebel-q'ij chire ri porobel, kikusan ri kitziaq banon rik'in lino, y kik'uan jalajoj ruwech q'ojom, achi'el ri platillo, ri salterio, y ri arpa. Kik'in rije' ek'o chuqa' 120 sacerdote ri nikixupuj trompeta.

Wuj Richin Bix Chire ri Dios 82:1

Ri Dios kan k'o-wi chikikojol ri to'onela' ri yeq'aton-tzij Kan chikikojol k'a ri ch'aqa' chik dios nuq'et-wi tzij.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin Bix Chire ri Dios 78:1

Nutinamit yin, tiwak'axaj k'a ri nutijonik, kan tiya' k'a ixikin chire ri nuch'abel.

Wuj Richin Bix Chire ri Dios 76:1

Ri Dios kan janila etaman ruwech chupan ri ruwach'ulew Judá; ri rubi' rija' kan nimirisan k'a chupan chijun ruwach'ulew Israel.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Bix Chire ri Dios 50:1

Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.

Wuj Richin ri Nehemías 12:35

e kachibilan chuqa' ri sacerdote ri kik'uan trompeta, chuqa' ri Zacarías ri ruk'ajol ri Jonatán, ri Jonatán ruk'ajol kan ri Semaías, ri Semaías ruk'ajol kan ri Matanías, ri Matanías ruk'ajol kan ri Micaías, ri Micaías ruk'ajol kan ri Zacur, ri Zacur ruk'ajol kan ri Asaf.

Wuj Richin ri Nehemías 11:22

Y ri aj-raqen pa kiwi' ri levita ri ek'o pa Jerusalem, ja ri jun achin rubini'an Uzí, ruk'ajol ri Baní, ri Baní ruk'ajol ri Hasabías, ri Hasabías ruk'ajol kan ri Matanías, ri Matanías ruk'ajol kan ri Micaías, ri Micaías ruk'ajol kan ri Asaf. Y ri Uzí ja rija' uk'uey-bey kichin ri bixanela' pa rachoch ri Dios,

Wuj Richin ri Esdras 3:10

Toq ri samajela' xek'achoj richin xkiya-qa ri ruch'okolibal ri rachoch ri Jehová, jari' toq ri e sacerdote xek'oje' chiri' richin xkiya' ruq'ij ri Jehová, achi'el ri pixa' ri xuya' kan ri David, rey richin Israel. Ri e sacerdote xkikusaj ri kitziaq ri kan ch'aron, y kik'uan ki-trompeta. Y ri e levita ri e rijatzul ri Asaf kik'uan platillo.

2 Crón 35:15

Y ri bixanela' e rijatzul kan ri Asaf chuqa' kan ek'o pa kisamaj achi'el ri pixa' ri ruya'on kan ri David, ri Asaf, ri Hemán y ri Jedutún ri nitz'eton ri peteneq chikiwech, ri nisamej rik'in ri rey. Keri' chuqa' ri chajinela' richin ri ruchi' ri ruwa-jay, man xesilon ta pa kik'ojelibal chijun q'ij roma ri e levita ja rije' ri xekichojmirisaj ronojel ri kichin rije'.

2 Crón 29:30

Chirij re' ri rey y ri e tata'al xkibij chike ri e levita richin tikiya' ruq'ij ri Jehová rik'in bix ri rubanon kan ri David y ri Asaf ri nitz'eton ri peteneq. Y rije' kan xkiben rik'in janila kikoten y chuqa' xexuke' richin xkiya' ruq'ij ri Dios.

2 Crón 20:14

Kimolon k'a ki' konojel winaqi', y chikikojol rije' k'o jun achin ri rijatzul kan ri Asaf. Y rija' rubini'an Jahaziel ruk'ajol ri Zacarías, chuqa' rumam ri Benaías; y ri Benaías ruk'ajol kan ri Jeiel, ri ruk'ajol kan ri Matanías. Ri Espíritu richin ri Jehová xpe rik'in ri Jahaziel,

1 Crón 26:1

Toq xjach kan ri q'ij richin ri kisamaj ri e aj-raqen richin nikichajij ri ruchi' rachoch ri Dios, kere' k'a rubanik xk'oje' kan: Chike ri e rijatzul ri Coré, ri Meselemías, rumam ri Ebiasaf;

1 Crón 25:2

Ri Asaf k'o pa kiwi' ri ruk'ajol kibini'an: Jacur, José, Netanías y Asarela. Y rije' xesamej chuxe' rutzij ri rey.

1 Crón 16:7

Y chupan ri q'ij ri', ri David xujech k'a kan re bixanik re' pa ruq'a' ri Asaf y pa kiq'a' ri e rach'alal richin nikiya' matioxinik chire ri Jehová. Y kere' nubij:

1 Crón 6:38

ri Coré ruk'ajol kan ri Ishar, ri Ishar ruk'ajol kan ri Quehat, ri Quehat ruk'ajol kan ri Leví, y ri Leví ruk'ajol kan ri Israel.

1 Crón 6:40

Re Simá re' ruk'ajol kan ri Micael, re Micael re' ruk'ajol kan ri Baaseías, re Baaseías re' ruk'ajol kan ri Malquías,

1 Crón 25:1

Ri David y ri aj-raqen pa kiwi' ri aj-labal xekiya' kan ri kisamaj ri kalk'ual ri Asaf, ri Hemán y ri Jedutún richin nikiq'alajirisaj ri ruch'abel ri Dios e kachibilan ri nikiq'ojomaj ri arpa, ri salterio y ri platillo. Jare' ri kibi' ri winaqi' ri xek'oje' chupan ri samaj ri'.

Wuj Richin ri Josúe 21:4

Xsakix k'a ri tinamit, y ja ri e rijatzul kan ri Quehat, rumama' kan ri sacerdote Aarón, ri xek'uluman nabey. Y rije' xkik'ulumaj kan jujun tinamit ri xsipex kan chike koma ri tzobaj richin ri Judá, ri Simeón y ri Benjamín: Ronojel re' e oxlajuj tinamit.

Wuj Richin ri Josúe 21:9

Ja tinamit re' ri xkiya' kan ri tzobaj richin ri Judá y ri Simeón,