1 Crón 6:32 - Kaqchiquel Bible

³² kan xebixan k'a chiri' y keri' xkiben k'a toq ri Salomón xupaba-q'anej ri rachoch ri Jehová ri chiri' pa Jerusalem, chirij ri' rije' kan k'a xebixan na achi'el ri kibanon-pe.

1 Crón 6:32 ပူးပေါင်းရင်းမြစ်များ

Wuj Richin ri Esdras 6:18

Y ri e sacerdote kan xjach k'a ri samaj pa kiq'a', y kan xkijalala-ki'. Y chuqa' keri' xban kik'in ri e levita richin ri jalajoj ruwech kisamaj ri chiri' pa rachoch ri Dios, achi'el ri tz'ibatel kan chupan ri wuj ri rutz'iban kan ri Moisés.

2 Crón 35:15

Y ri bixanela' e rijatzul kan ri Asaf chuqa' kan ek'o pa kisamaj achi'el ri pixa' ri ruya'on kan ri David, ri Asaf, ri Hemán y ri Jedutún ri nitz'eton ri peteneq chikiwech, ri nisamej rik'in ri rey. Keri' chuqa' ri chajinela' richin ri ruchi' ri ruwa-jay, man xesilon ta pa kik'ojelibal chijun q'ij roma ri e levita ja rije' ri xekichojmirisaj ronojel ri kichin rije'.

2 Crón 31:2

K'ari' ri Ezequías xuch'arala' k'a ri samaj chikiwech ri e sacerdote y ri e levita: Ri rusujik ri chikop ri niporox chijun ri pa taq nimaq'a' y ri tiqaq'ij, ri sipanik ri niq'alajirisan chi ri winaqi' junan kiwech rik'in ri Dios, ri matioxinik y ri bix ri yebixex chuchi' ri rachoch.

1 Crón 9:33

Ek'o chuqa' bixanela' aj-raqen kichin ri aj pa kachoch ri ek'o chiri' chupan ri rachoch ri Dios, y man nikik'en ta re samaj re', roma kan k'o kisamaj chi paq'ij chi chaq'a'.

1 Crón 6:10

ri Johanán xralk'ualaj ri Azarías, jun chike ri sacerdote richin ri rachoch ri Dios ri xupaba' kan ri Salomón pa Jerusalem.

1 Crón 6:31

Ri David xeruya' k'a achi'a' richin xe'ok aj-raqen pa kiwi' ri bixanela' pa rachoch ri Jehová banon rik'in tzieq chiri' pa Jerusalem toq xk'oje' ri káxa chiri'

1 Crón 6:33

Jare' k'a ri kibi' ri achi'a' ri xek'oje' chiri' pa rachoch ri Dios kachibilan ri kalk'ual alaboni': Ri e rijatzul kan ri Quehat: Ri Hemán ri bixanel, re' ruk'ajol kan ri Joel, y ri Joel ruk'ajol ri Samuel,

Ez 40:44

Toq jun nel-el pa corredor richin nok-apo chuwa-jay ri chiri' pa xaman, k'o jun chik jay. Y ri ruchi' nitzu'un pa xokon. Y toq jun nel-el pa corredor richin nok-apo chuwa-jay ri chiri' pa xokon, k'o jun chik jay. Y ri ruchi' nitzu'un pa xaman.