1 Crón 6:3 - Kaqchiquel Bible

³ Jare' ri e oxi' ralk'ual kan ri Amram: Ri Aarón, ri Moisés y ri María. Jare' ri e kaji' ruk'ajol kan ri Aarón: Ri Nadab, ri Abihú, ri Eleazar y ri Itamar.

1 Crón 6:3 ပူးပေါင်းရင်းမြစ်များ

1 Crón 15:10

Chike ri e rijatzul kan ri Uziel xe'apon e 112; y ri aj-raqen pa kiwi' ja ri Aminadab.

1 Crón 23:12

Ri e kaji' ruk'ajol ri Quehat, ja ri Amram, ri Ishar, ri Hebrón y ri Uziel.

1 Crón 23:13

Ri e ka'i' ruk'ajol ri Amram ja ri Aarón y ri Moisés. Ri Aarón xcha'ox richin nusuj ri sipanik ri yejach chire ri Dios, y richin nuporoj pom chuwech ri Jehová. Kan nusamajij, y kan pa rubi' ri Dios nuya' urtisanik. Ronojel re' ja re' ri samaj ri k'o chi nikiben ri Aarón y ri e rijatzul richin q'asen.

1 Crón 24:22

Y chike ri e rijatzul ri Ishar ja ri Selomot y ri ruk'ajol rubini'an Jáhat.

1 Crón 6:2

Jare' ri e kaji' ruk'ajol kan ri Quehat: Ri Amram, ri Ishar, ri Hebrón y ri Uziel.

1 Crón 6:4

Ri Eleazar xralk'ualaj ri Finees, ri Finees xralk'ualaj ri Abisúa,

Ex 15:20

Y jak'a ri María, ri q'alajirisey ruch'abel ri Dios, ri rana' ri Aarón, xuchop jun q'ojom rubini'an pandero, richin xubixaj rubi' ri Dios. Y konojel k'a ri ixoqi' xkitzeqelibej-el y rije' kik'ualon chuqa' ki-pandero y yetzopiyaj ri yebixan.

Ex 2:4

Y ri ti rana' ri ti ak'ual ri', xk'oje' kan nej richin nunachaj-apo achike xtik'uluwachitej rik'in ri ti ruxibal.

Ex 2:7

Jari' toq ri ti rana' ri ti ak'ual xubij chire ri rumi'al ri rey: ¿Nawajo' chi ninkanoj-pe jun ixoq israelita richin chi nuya' rutz'um re ak'ual re', richin nuk'iytisaj chawech?, xcha' chire.

Ex 24:1

Y ri Jehová xch'on chik rik'in ri Moisés y xubij chire: Kajote-pe, awachibilan ri Aarón, ri Nadab, ri Abihú y ri e oxk'al lajuj rijita'q taq achi'a' ri k'o kiq'ij chupan ri tinamit y k'a nej kexuke-wi kan richin nikiya' nuq'ij.

Ex 28:1

Chikikojol ri awinaq israelita, xtawoyoj k'a ri animal Aarón e rachibilan ri e ruk'ajol rija', ri Nadab, ri Abihú, ri Eleazar y ri Itamar; richin chi je rije' xke'ok kan nu-sacerdote.

Ex 6:20

Ri Amram xk'ule' rik'in ri ruch'utite', ri rubini'an Jocabed y jare' ri kite' ri Aarón y ri Moisés. Y ri Amram xk'ase' 137 juna'.

Ex 6:23

Y ri Aarón xk'ule' rik'in ri Eliseba rumi'al ri Aminadab, rana' ri Nahasón. Y xek'oje' k'a e kaji' kalk'ual y re' xkibini'aj: Nadab, Abihú, Eleazar y ri Itamar.

Wuj Richin ri Chojmirisabelri'il 10:1

Y ek'o k'a e ka'i' chike ri e ruk'ajol ri Aarón kibini'an, Nadab y Abihú, y chikijujunal rije' xkiya' racheq-q'aq' chupan ri kiporobal-pom y k'ari' xkiya-el juba' pom pa ruwi'. Jak'a ri Dios man rubin ta chi tikikusaj xabachike racheq-q'aq'.

Wuj Richin ri Chojmirisabelri'il 10:12

Chirij ronojel ri' ri Moisés xubij chire ri Aarón y chike ri Eleazar y ri Itamar ri e ruk'ajol ri k'a xek'oje' kan: Tik'ama' k'a k'ej chire ri k'ej ri totajineq kan chire ri sipanik ri xsuj chuwech ri Jehová y tibana' kaxlan-wey rik'in, xaxe man tiya' ch'amilej-q'or rik'in y titija' chunaqaj ri porobel. Rix ri ix sacerdote ri xkixtijo, roma re' jare' ri ch'aron richin ri Dios.

Wuj Richin ri Chojmirisabelri'il 10:16

K'ari' ri Moisés xuk'utuj achike kibanon chire ri achij tzuntzun ri richin kamelabel richin kuyubel-mak, y xretamaj k'a chi xa xporox yan ronojel y roma ri' janila k'a xyakatej royowal chikij ri Eleazar y ri Itamar y xubij k'a chike:

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.