1 Crón 5:25 - Kaqchiquel Bible

²⁵ Jak'a rije' man xkikuquba' ta kik'u'x rik'in ri Jehová ri ki-Dios y ri ki-Dios ri kite-kitata'. Roma xa xekitzeqelibej ri ki-dios ri winaqi' aj chiri', ri xa xe'elesex yan el roma ri Jehová toq ye'ok yan apo chupan ri ruwach'ulew.

1 Crón 5:25 ပူးပေါင်းရင်းမြစ်များ

Apocalipsis 17:5

Y nik'aj ruwech tz'ibatel-wi ri rubi'. Y man kan ta q'alaj achike nik'ulun chi tzij, y kere' ri nubij: Ri nimalej tinamit Babilonia, kite' ri ixoqi' ri itzel kik'aslen y kite' chuqa' ri winaqi' ri yebanon etzelal chuwech ri ruwach'ulew, nicha'.

Os 1:2

Toq ri Jehová xuchop nich'on wik'in, kere' xubij: Oseas, kak'ule' rik'in jun ixoq itzel ruk'aslen y kek'oje' awalk'ual rik'in ri e achi'el ri ruk'aslen rija'. Roma ri tinamit Israel xa janila xutz'ilobisaj-ri' achi'el jun ixoq ri yerukanola' achi'a' richin nimakun kik'in, xcha' chuwe.

Ex 34:15

Kan man titun-iwi' kik'in ri winaqi' ri ek'o chupan ri ruwach'ulew ri akuchi xkixapon-wi. Roma ri q'ij toq rije' xtikiya' ruq'ij ri ki-dios y xtikisuj kamelabel chuwech, jari' toq xkixkoyoj. Y rix kan xkixbe k'a, roma man xkixtikir ta xtibij chike chi man yixbe ta. Y keri', rix xtibetija' ri xa xkisuj yan chuwech ri ki-dios.

Os 9:1

Rix aj-Israel man kixkikot, man kixtzopiyaj roma kikoten achi'el nikiben ch'aqa' chik tinamit. Rix xa kan ix makuwineq chuqa', xa kan xich'er kan iwi' chire ri qa-Dios. Xa kan xqa' k'a chiwech ri rutojbalil ri itzel taq ibanobal ri xiben ri akuchi nich'ay-wi ri trigo.

Wuj Kichin ri To'onela' 8:33

K'a man jani k'a k'iy q'ij tiken-el ri Gedeón, ri israelita kan chi'anin k'a xkichop chik jun bey ri itzel taq banobel y xkiya' chik kiq'ij ri jalajoj kiwech dios, y ja ri dios Baal-berit xkicha' richin xok ki-dios.

Wuj Kichin ri To'onela' 2:17

Jak'a rije' kan man xeniman ta chuqa' chike ri to'onela', xkimalij kan ri Jehová y xa xekitzeqelibej ri jujun chik dios, y xkiya' kiq'ij; keri' chuqa' chi'anin xkijech'ej kan ki' chire ri rupixa' ri Jehová, y man xkiben ta achi'el ri xkiben ri kite-kitata'.

Wuj Kichin ri To'onela' 2:12

Xkiya' k'a kan ri Jehová ri ki-Dios ri kati't-kimama' ri xelesan-pe kichin pa ruwach'ulew Egipto, y xa xekitzeqelibej ri ch'aqa' chik dios, ri ek'o pa taq tinamit chikinaqaj rije', y kan xkiya' kiq'ij; y rik'in ri' xkiyek royowal ri Jehová.

2 Rey 15:19

K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

1 Crón 5:24

Y jare' ri kibi' ri e aj-raqen ri ek'o pa rachoch ri kitata': Ri Éfer, ri Isí, ri Eliel, ri Azriel, ri Jeremías, ri Hodavías, y ri Jahdiel: Rije' e achi'a' ri janila kuchuq'a' y maneq xibinri'il chikiwech.

1 Crón 9:1

Keri' toq konojel ri israelita xtz'ibatej kan ri kibi' chupan ri wuj kichin ri rey e richin Israel. Jak'a ri aj-Judá xe'uk'uex-el pa ruwach'ulew Babilonia, roma man xkiben ta ri nubij ri Jehová.