1 Crón 5:22 - Kaqchiquel Bible

²² Kan janila k'a k'iy xeken chupan ri labal ri', roma kan ja ri Dios xya'on q'ij chike ri israelita. Xek'oje' k'a kan pa taq kitinamit ri winaqi' agareno, k'a toq xe'uk'uex-el pan Asiria.

1 Crón 5:22 ပူးပေါင်းရင်းမြစ်များ

2 Crón 32:8

Rija' xa achi'a' ri yeto'on richin; jak'a roj kan ja ri Jehová ri qa-Dios yojto'on chupan re oyowal re', xcha'. Toq xkak'axaj ri ruch'abel ri rey Ezequías, ri winaqi' kan xk'oje' k'a kuqubabel-k'u'x kik'in.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin ri Josúe 23:10

Roma jun achin chi'ikojol rix, ye'animej k'a e 1,000 achi'a' chuwech, roma ja ri Jehová ri qa-Dios ri nibanon oyowal pa qak'exel achi'el rubin rija'.

2 Rey 17:6

K'ari' chupan ri juna' beleje' toq niq'aton-tzij ri Oseas, ri rey richin Asiria xuch'ek ri Samaria, y xeruk'uaj-el ri winaqi' aj-Israel pan Asiria. Xeruya' k'a pa tinamit Halah y pan Habor chunaqaj ri raqen-ya' Gozán y chuqa' chupan ri kitinamit ri ek'o pa kiruwach'ulew ri aj-Media.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

1 Crón 6:26

Ri Ahimot xralk'ualaj ri Elcaná, ri Elcaná xralk'ualaj ri Sofai, ri Sofai xralk'ualaj ri Náhat,

1 Crón 4:41

jak'a pa ruq'ijul ri rey Ezequías aj-Judá, xepe ri achi'a'. Rije' kan xkiwulaj kan jumul ri taq kachoch ri ek'o-wi-qa ri winaqi' camita, y xek'oje' kan chiri' pa kik'exel, roma k'o jebel soq'olbel richin yekiyuq'uj ri kawej.

1 Crón 5:21

Xekik'uala' k'a el ri kawej ri e etzelanel kichin: E 50,000 camello, e 250,000 karne'l y e 2,000 bur. Y chuqa' xekik'uaj k'a el e 100,000 winaqi'.

Wuj Richin ri Rutikeribel 49:19

Ri Gad xkeqaqa k'a eleq'oma' pa ruwi', jak'a rija' chi'anin xtupiskolij-ri' y ja chik rija' xke'oqotan-el, xcha'.

1 Crón 5:26

Y roma ri' ri Dios richin ri Israel xuben chire ri Pul rey richin Asiria richin xeyakatej chikij. Ri Pul xeruk'uaj-el pa ximonri'il ri winaqi' rubenita, gadita y ri nik'aj tzobaj richin ri Manasés ri k'o pa relebel-q'ij chire ri raqen-ya' Jordán. Y xeruk'uaj-el chupan ri tinamit Halah, Habor, Hará y chunaqaj ri raqen-ya' Gozán, ri akuchi ek'o-wi k'a re wakami. Ri Pul chuqa' nibix Tiglat-piléser chire.

2 Crón 26:7

Ri Dios kan xuto' pa kiq'a' ri aj-Filistea, ri aj-Arabia ri ek'o pa ruwach'ulew Gur-baal y pa kiq'a' ri meunita.