1 Crón 5:20 - Kaqchiquel Bible

²⁰ Y ri Dios kan xeruto' k'a chupan ri oyowal toq xkik'utuj to'onik chire, y rije' kan xkikuquba' kik'u'x rik'in. Y roma ri' kan xetzaq k'a ri e etzelanel kichin, y chuqa' ri e junamatajineq-kiwech kik'in.

1 Crón 5:20 ပူးပေါင်းရင်းမြစ်များ

Wuj Richin Bix Chire ri Dios 9:10

Jehová kan awik'in k'a rat xtikikuquba-wi kik'u'x ri ketaman awech, roma rat, man jun bey ye'amalij kan ri yekanon awichin.

2 Crón 18:31

Y keri' k'a toq ri aj-raqen kichin ri e uk'uayon ri carruaje xkitz'et ri Josafat, xkich'ob chi ja rija' ri rey richin Israel, y xepe chirij richin nikiben oyowal rik'in, jak'a ri Josafat xsik'in richin nito'ox. Y ri Jehová kan xuto', y xuben chike ri e etzelanel richin chi xkijech'ej-el-ki' chire rija'.

1 Crón 5:22

Kan janila k'a k'iy xeken chupan ri labal ri', roma kan ja ri Dios xya'on q'ij chike ri israelita. Xek'oje' k'a kan pa taq kitinamit ri winaqi' agareno, k'a toq xe'uk'uex-el pan Asiria.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.

Wuj Richin ri Josúe 10:14

Man jun bey k'a k'uluwachitajineq ta jun q'ij keri' achi'el ri q'ij ri'; ni ta ri rubanon-pe, ni ta chiqawech-apo, toq ri Jehová xuben ri xubij jun achin, toq kan ja ri Jehová ri nibanon oyowal junan kik'in ri ruwinaq.

Wuj Richin ri Nahum 1:7

Ri Jehová kan janila utz; rija' kan jun tobel chupan ri q'ij toq k'o q'axomal. Kan yeruto' ri kikuquban kik'u'x rik'in.

1 Rey 22:32

Y keri' k'a toq ri aj-raqen kichin ri e uk'uayon ri carruaje xkitz'et ri Josafat, xkich'ob chi ja rija' ri rey richin Israel, y xepe chirij richin nikiben oyowal rik'in, jak'a ri Josafat xsik'in richin nito'ox.

1 Sam 19:15

K'ari' ri Saúl xeruteq chik el ri rusamajela' richin nibekikanoj ri David, y xubij-el chike: Tiwelesaj-pe, stape' pa ruch'at k'o-wi. Tik'ama-pe chuwe richin ninkamisaj, xcha'.

Ex 17:11

Y xk'uluwachitej k'a, chi toq ri Moisés yeruyek ri ruq'a' chikaj, ri israelita yebe k'a chikij y yekich'ek, jak'a toq ri Moisés xa nuqasaj-qa ri ruq'a', ri e rijatzul ri Amalec yepe chikij y yekich'ek.

2 Crón 20:12

¡Nimalej qa-Dios roj! Rat k'a xkaq'aton-tzij pa kiwi' ri winaqi' ri e yakatajineq-pe chiqij, roma roj kan maneq quchuq'a', y rije' kan janila e k'iy; roj man qetaman ta k'a achike ri k'atzinel chi niqaben, y roma ri' kan awik'in k'a rat niqakuquba' qak'u'x chi rat xqojato', xcha' ri Josafat.

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.

Efesios 1:12

Pa nabey xojrucha' roj richin xqakuquba' qak'u'x rik'in ri Cristo, roma xrajo' chi qoma roj ninimirisex ri rubi' y nuk'ul ruq'ij-ruk'ojlen.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin ri Rutikeribel 25:21

Ri Isaac xuk'utuj k'a chire ri Jehová chi ri rixjayil nik'oje' ta ral roma rija' man alanel ta, y ri Jehová xrak'axaj y ri Rebeca xek'oje' k'a ral.

1 Crón 5:21

Xekik'uala' k'a el ri kawej ri e etzelanel kichin: E 50,000 camello, e 250,000 karne'l y e 2,000 bur. Y chuqa' xekik'uaj k'a el e 100,000 winaqi'.

2 Crón 33:13

Y ri Dios kan xrak'axaj k'a, y xuben chire chi xtzolin-pe pa Jerusalem chupan ri ruq'atbal-tzij. K'ari' ri Manasés xq'ax chuwech chi kan xaxe ri Jehová ri qitzij Dios.

Wuj Richin ri Esdras 8:23

Roma ri' xojmewayin k'a y xqak'utuj chire ri qa-Dios pa ruwi' ronojel re', y rija' kan xojruk'uluba-pe.

Wuj Richin Bix Chire ri Dios 37:40

Ri Jehová yeruto' y yerukol chikiwech ri banoy etzelal, roma kan nikikuquba' kik'u'x rik'in.

Dn 6:23

Y ri rey kan janila k'a xkikot, roma k'es ri Daniel. Y xubij k'a chi telesex-pe chupan ri jul. Keri' xel-pe ri Daniel y kan man jun k'a sokotajik k'o chirij, roma rija' kan xukuquba' ruk'u'x rik'in ri ru-Dios.

Wuj Richin ri Rutikeribel 49:19

Ri Gad xkeqaqa k'a eleq'oma' pa ruwi', jak'a rija' chi'anin xtupiskolij-ri' y ja chik rija' xke'oqotan-el, xcha'.

Wuj Richin ri Josúe 23:10

Roma jun achin chi'ikojol rix, ye'animej k'a e 1,000 achi'a' chuwech, roma ja ri Jehová ri qa-Dios ri nibanon oyowal pa qak'exel achi'el rubin rija'.

2 Crón 13:18

Keri' k'a xkiben ri aj-Israel toq xqasex kiq'ij chupan ri q'ij ri'. Y ri aj-Judá xkik'ut-ki' chi kan k'o-wi kuchuq'a' roma kan xkitaqej y xkikuquba' kik'u'x rik'in ri Jehová ri Dios kichin kan ri kati't-kimama'.

2 Crón 26:7

Ri Dios kan xuto' pa kiq'a' ri aj-Filistea, ri aj-Arabia ri ek'o pa ruwach'ulew Gur-baal y pa kiq'a' ri meunita.

Wuj Richin Bix Chire ri Dios 37:39

Jak'a ri kikolotajik ri choj kik'aslen kan rik'in ri Jehová peteneq-wi. Ja rija' ri kuchuq'a' chupan ri ruk'ayewal.

Wuj Richin Etamabel-Tzij 29:25

Roma ri' ri xibinri'il ri nikiya' ri achi'a', xa jun tzaqibel richin ri wineq; jak'a ri wineq ri kan nukuquba' ruk'u'x rik'in ri Jehová, kan k'o uxlanen, pa ránima.

Wuj Richin ri Jeremías 39:18

Yin kan xkatinkol richin chi man xkakamisex ta, roma xakuquba' ak'u'x wik'in. Kere' nubij ri Jehová, xicha' chire.