1 Crón 5:1 - Kaqchiquel Bible

¹ Ri Rubén, ri nabey ruk'ajol ri Israel kan ja wi rija' ri k'o más ruq'ij, jak'a roma xmakun, roma ri' xelesex chire chi ja rija' ri k'o más ruq'ij, roma xk'oje-qa rik'in ri rixjayil ri rutata'. Y ri k'o ruq'a' rija' chire, xya'ox chike ri e ruk'ajol ri José, ri jun chik ruk'ajol ri Israel; ri Rubén man xya'ox ta chik rejqalen.

1 Crón 5:1 ပူးပေါင်းရင်းမြစ်များ

Wuj Richin ri Rutikeribel 25:23

Y ri Jehová xubij chire: E ka'i' nima'q taq tzobaj winaqi' richin ri ruwach'ulew ek'o awik'in, kan man junan ta pe kiwech, ri jun más xtik'oje' ruchuq'a' chuwech ri jun chik, y ri nimalaxel xtiberusamajij ri chaq'laxel, xcha'.

Wuj Richin ri Rutikeribel 25:31

Y ri Jacob xubij chire: Ninya' chawe ri q'utun wi ja yin xkinok nimalaxel pan ak'exel richin ninwichinaj kan ri awichin rat, xcha' chire.

Wuj Richin ri Rutikeribel 29:32

Y ri Lea kan xyawej k'a kan chirij ak'ual y toq xk'oje' ri ak'ual xubini'aj Rubén. Y re bi'aj re' nel chi tzij titz'eta'. Y chuqa' xubij: Ri Jehová xutz'et chi yin janila xibison, y roma ri' xk'oje' re ti wal re', y wakami kan xkinajowex roma ri wachijil, xcha'.

Wuj Richin ri Rutikeribel 35:22

Rokik ri Israel k'o chupan ri ruwach'ulew ri', jari' toq ri Rubén xk'oje' rik'in ri Bilhá, ri jun chik rixjayil ri rutata'; y ri Israel xunabej k'a ri xbanatej. Y konojel ralk'ual ri Israel e kablajuj.

Wuj Richin ri Rutikeribel 46:8

Y ri kibi' ri e rijatzul ri Jacob ri xebe-qa pan Egipto, ja re': Ri Rubén ri nabey ruk'ajol;

Wuj Richin ri Rutikeribel 48:5

Y wakami ri e ka'i' ak'ajol ri xe'alex wawe', toq kan k'a man jani qojpe roj wawe' chupan re ruwach'ulew Egipto, xke'ok nuk'ajol yin achi'el ri Rubén y ri Simeón.

1 Crón 2:1

Jere' ri e ruk'ajol kan ri Israel: Ri Rubén, ri Simeón, ri Leví, ri Judá, ri Isacar, ri Zabulón,

1 Crón 26:10

Ri Hosá rijatzul kan ri Merarí xek'oje' ruk'ajol. Xuya' ri Simrí aj-raqen pa kiwi' ri e rach'alal, stape' man ja ta rija' ri nabey alk'ualaxel.

Ex 6:14

Jere' k'a ri e tata'aj kichin ri tzobaj winaqi', kichin ri e rijatzul kan ri Israel. Ri e ruk'ajol ri Rubén, ri nabey ruk'ajol ri Israel: Je ri Hanoc, ri Falú, ri Hesrón y ri Carmí. Jere' ri tzobaj winaqi' ri xetz'ukutej-pe kik'in ri e rijatzul kan ri Rubén.

Wuj Richin ri Chojmirisabelri'il 18:8

Chuqa' man jun tik'oje' rik'in ri rixjayil ri rutata', richin man nuqasaj ruq'ij ri rutata'.

Wuj Richin ri Chojmirisabelri'il 20:11

Wi k'o ta jun achin ri nik'oje' rik'in ri rixjayil ri rutata', rija' kan nuqasaj-ruq'ij ri rutata': Roma ri' kan xtikamisex k'a ri achin y ri ixoq, roma kiyon rije' xkikanoj kikamik.

Wuj Richin ri Q'axanri'il 1:5

Ja kibi' re achi'a' re' ri aj-raqen pa kiwi' ri tzobaj ri xketo'on iwichin. Ri aj-raqen richin ri tzobaj richin Rubén, ja ri Elisur ruk'ajol ri Sedeúr. Ri tzobaj richin Simeón ja ri Selumiel ruk'ajol ri Surisadai. Ri tzobaj richin Judá ja ri Nahasón ruk'ajol ri Aminadab. Ri tzobaj richin Isacar ja ri Natanael ruk'ajol ri Suar. Ri tzobaj richin Zabulón ja ri Eliab ruk'ajol ri Helón. Ri tzobaj richin Efraín ja ri Elisamá ruk'ajol ri Amihud. Ri tzobaj richin Manasés ja ri Gamaliel ruk'ajol ri Pedasur. Ri tzobaj richin Benjamín ja ri Abidán ruk'ajol ri Guidoní. Ri tzobaj richin Dan ja ri Ahiézer ruk'ajol ri Amisadai. Ri tzobaj richin Aser ja ri Paguiel ruk'ajol ri Ocrán. Ri tzobaj richin Gad ja ri Eliasaf ruk'ajol ri Reuel. Ri tzobaj richin Neftalí ja ri Ahirá ruk'ajol ri Enán, xcha' ri Dios.

Wuj Richin ri Q'axanri'il 16:1

K'o k'a jun achin richin ri tzobaj richin ri Leví, rubini'an Coré, ruk'ajol ri Ishar ri rijatzul ri Quehat. Y ri Coré ri' ek'o k'a e oxi' chik rachibil ri e richin ri tzobaj richin ri Rubén, ri kibini'an Datán, Abiram ri e ruk'ajol ri Eliab, y chuqa' ri On ri ruk'ajol ri Pélet.

Wuj Richin ri Q'axanri'il 26:5

Ek'o k'a e 43,730 aj-labal ri ek'o pa tzobaj richin kan ri Rubén ri nabey ruk'ajol ri Israel. Y ri e aj-raqen pa kiwi' ja ri Henoc, Falú, Hesrón y ri Carmí.

1 Corintios 5:1

Kan xetamex k'a ri mak ri banatajineq chi'ikojol rix, ¡roma k'o jun qach'alal ri xkik'en-qa-ki' rik'in ri ruyijte' ri pa jay! re banobel re', ni ri winaqi' ri man ketaman ta ruwech ri Dios man jun bey nikiben.

Deut 21:17

Kan k'o chi niya'ox chire ri nabey ak'ual jun chik pa ruwi' chire ri ulew ri niya'ox chike ri ch'aqa' chik; roma ja rija' ri nabey ak'ual xk'oje' toq k'a janila ruchuq'a' k'o ri tata'aj. Kan chire rija' k'o chi niya'ox-wi roma ja rija' ri nimalaxel.

Deut 33:17

Rix achi'a' aj-Efraín ri ix richin oyowal, kan janila iwuchuq'a' achi'el jun alaj achij wákix. Chuqa' rix achi'a' aj-Manasés ri ix richin oyowal, kan ix achi'el jun achij wákix ri janila mal. Rik'in ri iwuk'a' xke'ich'ek konojel ri e etzelanel iwichin. Rik'in ri ikum xke'ich'ek tinamit ri ek'o pa ruk'isibel chire ri ruwach'ulew.

Colosenses 1:15

Ri Dios man tz'etel ta, jak'a kan niq'alajin roma ri Jesucristo ri ruk'ajol, ri kan k'o pe nabey chuwech ronojel ri xetz'ukutej, y ja rija' ri k'o pa ruwi' ronojel ri k'o.

Wuj Richin ri Josúe 14:6

Y jujun chike ri e rijatzul kan ri Judá xebe richin xebetzijon rik'in ri Josué pa Guilgal; y chikikojol rije' beneq ri Caleb ruk'ajol ri Jefuné ri rijatzul ri Quenaz, y rija' xubij-apo chire ri Josué: Rat kan jebel awetaman achike xubij ri Jehová chire ri Moisés pa Cadés-barnea pa nuwi' yin y pan awi' rat.