1 Crón 4:9 - Kaqchiquel Bible

⁹ Ri Jabés jari' ri janila rejqalen chikiwech ri ch'aqa' chik rach'alal, y roma ri' ri rute' xubij Jabés chire roma xubij: Kan qitzij na wi, yin xinya' re jun k'aslen re' chuwech re ruwach'ulew rik'in q'axo'n, xcha'.

1 Crón 4:9 ပူးပေါင်းရင်းမြစ်များ

Wuj Richin ri Rutikeribel 3:16

Y ri Dios xubij chire ri ixoq: Yin xtinben chawe chi kan janila k'a xkaq'axon toq awoyoben richin nibe'alex awal y kan rik'in k'a rukiy xkatalan. Y man rik'in ri', rat kan k'a xtarayij na ruwech ri awachijil y kan xkak'oje' k'a chuxe' ri rutzij rija', xcha'.

Wuj Richin ri Rutikeribel 34:19

Y ri Siquem jak'a rija' ri k'o más ruq'ij chikikojol ri rach'alal chiri' pa rachoch ri rutata' y rija' kan man xuya' ta k'a kan k'iy q'ij richin xuqupij-ri' richin jun retal, roma janila xqa' chuwech ri rumi'al ri Jacob.

Wuj Richin ri Rutikeribel 35:18

Ri Raquel toq niken yan xubij kan chi Ben-oní xtubini'aj ri ak'ual y re' nel chi tzij ak'ual richin bis, jak'a ri rutata' xubij Benjamín chire y re' nel chi tzij ak'ual richin ri nurijixinen.

1 Crón 4:10

Ri Jabés kan xch'on rik'in ri Dios richin ri ruwach'ulew Israel, y xubij: Nink'utuj jun utzil chawe chi taya' urtisanik pa nuwi', y taya' jun nimalej ruwach'ulew chuwe, y xkinato' y xkinakol chuwech ri etzelal, richin keri' man nintej ta poqon, xcha'. Y ri Dios kan xrak'axaj ri ruk'utunik ri xuben.

1 Crón 4:8

Ri Cos, xralk'ualaj ri Anub y ri Sobebá, y jere' ri e kati't-kimama' ri e aj pa rachoch kan ri Aharhel, ruk'ajol ri Harum.

1 Crón 7:23

Chirij ri' xk'oje' chik jun ruk'ajol y xubini'aj Beriá,*f4* keri' xubij chire roma kan qajineq ri rupoqonal pa rachoch.

Wuj Richin Etamabel-Tzij 23:25

Rat, kan tabana' k'a chike ri ate-atata', chi yekikot; kan tabana' k'a chire ri ate' chi nikikot, roma ja rija' ri xalan awichin.

Wuj Richin ri Isaías 43:4

Roma chinuwech yin kan janila iwejqalen, kan janila iruwaq'ijaj, y yin kan janila yixinwajo'. Roma ri' kan xkenjech k'a achi'a' pa kamik richin yixinkol rix, y xkenya' ch'aqa' chik ruwach'ulew pa ruk'exel ri ik'aslen rix.

Hechos 17:11

Ri judío ri' más k'a e aj-na'oj ke chikiwech ri judío ri ek'o pa Tesalónica, roma rije' kan choj xkik'ul ri ruch'abel ri Dios. Ri janipe' nikak'axaj-el kik'in ri Pablo y ri Silas, nibekikanola' chupan ri ruch'abel ri Dios, richin niketamaj, wi qitzij ri nikibij o xa man qitzij ta. Ri winaqi' ri' kan q'ij-q'ij k'a keri' nikiben.

1 Sam 4:21

Y ri te'ej xuya' rubi' ri ti ral y xubij Icabod chire,*f3* roma xeleq'ex kan ri káxa richin ri jikibel-tzij, chuqa' roma xken ri ralnan y ri rachijil.