1 Crón 4:43 - Kaqchiquel Bible

⁴³ Y xekik'is k'a kan konojel ri amalecita, y kan ek'o k'a chiri' k'a re q'ij wakami.

1 Crón 4:43 ပူးပေါင်းရင်းမြစ်များ

1 Sam 30:17

Ri David xeruchop k'a chi oyowal ri nimaq'a' yan y xtane' k'a ri tiqaq'ij richin ri jun chik q'ij. Xaxe k'a e 400 alaboni' ri xech'oke-el chirij camello ri xe'animej.

2 Sam 8:12

Ri kichin ri aj-Edom, ri aj-Moab, ri aj-Amón, ri aj-Filistea, y ri rijatzul kan ri Amalec. Chuqa' xusuj chire ri Jehová ronojel ri xumej kan ri chuwi-ruq'a' ri Hadad-ézer, ruk'ajol ri Rehob rey richin ri tinamit Sobá.

San Mateo 28:15

Ri achi'a' ri xechajin ri ruchi' jul xkik'ul k'a el ri méro, y achi'el ri xbix-el chike, kan ja wi k'a ri' xkiben. Ronojel k'a re' xa kan xbiyin yan rutzijol, y jare' ri etaman koma ri winaqi' judío k'a chupan re q'ij re'.

San Mateo 27:8

Y roma ri' ri jun ulew ri' k'a re wakami nibix na Ulew richin Kik' chire.

Wuj Richin ri Jeremías 44:6

Roma ri' kan janila xyakatej woyowal y kan xinwelesaj woyowal pa ruwi' ri ruwach'ulew Judá y pa taq bey richin ri tinamit Jerusalem. Kan xwuluwu' y xtole' kan re tinamit re', k'a re wakami.

2 Crón 5:9

Ri baloj taq che' ri' kan janila k'a e nima'q kaqen, y roma ri' chupan ri jay ri' kan niq'alajin ri kitza'n, jak'a xa man niq'alajin ta chik ri chupan ri nima-jay. Y keri' k'a rubanon kan.

Wuj Kichin ri To'onela' 1:26

Re achin re' xbe pa kiruwach'ulew ri winaqi' heteo, y chiri' xupaba-q'anej jun tinamit ri xubini'aj chuqa' Luz.

Deut 34:6

Y ri Jehová xumuq k'a pa jun taq'aj ri k'o-apo chuwech ri tinamit Bet-peor. Jak'a man jun etamayon akuchi xmuq-wi kan k'a re q'ij re'.

1 Sam 30:16

K'ari' xeruk'uaj k'a, y toq xe'apon, ri achi'a' ri' kitalun-ki' richin yewa', ye'uk'ya' y kan yenimaq'ijun roma janila k'iy xkimej-pe ri k'o rejqalen chuwi-kiq'a' ri aj-Filistea y ri aj-Judá.