1 Crón 3:19 - Kaqchiquel Bible

¹⁹ Ri e ruk'ajol ri Pedaías ja ri Zorobabel y ri Simí. Ri e ruk'ajol ri Zorobabel ja ri Mesulam y ri Hananías, y k'o jun kana' rubini'an Selomit.

1 Crón 3:19 ပူးပေါင်းရင်းမြစ်များ

Wuj Richin ri Esdras 2:2

Y ja kibi' re' ri e aj-raqen: Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm y ri Baaná. Jare' k'a ri kajlabal ri aj pa kachoch richin ri tinamit Israel ri xetzolin:

Wuj Richin ri Hageo 2:2

Jare' ri ruch'abel ri Dios ri ninbij chawe rat Zorobabel, q'atoy-tzij pa ruwi' ri Judá, chawe rat Josué nimalej sacerdote, y chiwe rix konojel winaqi'.

Wuj Richin ri Esdras 3:2

K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

San Mateo 1:12

Y toq ek'o chik chiri' pa Babilonia, ri Jeconías xralk'ualaj ri Salatiel. Y ri Salatiel xralk'ualaj ri Zorobabel.

Wuj Richin ri Hageo 2:4

Ri Jehová nubij chiwe rix Zorobabel y ri Josué chi tik'oje' iwuchuq'a'. Y rix winaqi' tikuqer ik'u'x y kixsamej, roma rija' kan nik'oje' iwik'in. Ri Jehová ri k'o ronojel uchuq'a' pa ruq'a' rusujun ronojel re'.

Wuj Richin ri Hageo 1:1

K'o k'a jun q'alajirisey ruch'abel ri Dios rubini'an Hageo. Y chupan k'a ri nabey q'ij chire ri ruwaqxaq ik' chire ri ruka'n juna' richin ri q'atbel-tzij richin ri rey Darío, ri Dios xch'on k'a pe rik'in ri Hageo y xuya' jun rutzijol chire richin nubij chire ri q'atoy-tzij pa ruwi' ri ruwach'ulew Judá rubini'an Zorobabel ruk'ajol ri Salatiel, y chire chuqa' ri nimalej sacerdote rubini'an Josué, ruk'ajol ri Josadac.

1 Crón 3:20

Y ri Zorobabel xek'oje' chik e wo'o' ralk'ual ri xkibini'aj, Hasubá, Óhel, Berequías, Hasadías y Jusab-hésed.