1 Crón 3:17 - Kaqchiquel Bible

^17-18 Ri Salatiel, ri Malquiram, ri Pedaías, ri Senazar, ri Jecamías, ri Hosamá y ri Nedabías konojel re' e ruk'ajol ri Jeconías ri elesan-el chupan ri ruruwach'ulew.

1 Crón 3:17 ပူးပေါင်းရင်းမြစ်များ

Wuj Richin ri Esdras 3:2

K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

San Mateo 1:12

Y toq ek'o chik chiri' pa Babilonia, ri Jeconías xralk'ualaj ri Salatiel. Y ri Salatiel xralk'ualaj ri Zorobabel.

Wuj Richin ri Esdras 5:2

K'ari' ri Zorobabel ruk'ajol ri Salatiel, y ri Josué ruk'ajol ri Josadac, xkichop chik q'anej ri samaj richin xkipaba-q'anej ri rachoch ri Dios ri k'o pa Jerusalem; y ri q'alajirisanela' ri' ek'o k'a kik'in rije' richin yekito'.

Wuj Richin ri Esdras 3:8

Chupan ri ruka'n ik' chire ri ruka'n juna' toq xetzolin pa Jerusalem, jari' toq xkimol-ki' ri Zorobabel ruk'ajol ri Salatiel, y ri Josué ruk'ajol ri Josadac y ri e sacerdote, ri e levita ri e kachibil toq xetzolin. Rije' xekiya' ri e levita ri k'o chik juwineq kijuna', richin yek'oje' pa ruwi' ri samaj richin xkiben-q'anej ri rachoch ri Jehová. Rije' y konojel ri ch'aqa' chik winaqi' ri xetzolin-pe xkichop chik q'anej rupabaxik ri rachoch ri Dios.

1 Crón 3:16

Ri e ruk'ajol ri Joaquim kibini'an Jeconías y Sedequías.

Wuj Richin ri Jeremías 22:30

Ri Jeconías kan xtitz'ibex k'a kan rubi' chupan ri wuj kichin ri e kijatzul, chi rija' achi'el xa ta man xek'oje' ta ralk'ual, achi'el jun achin ri man jun utz nel chuwech. Roma kan man jun chike ri rijatzul rija' ri xtitikir ta ri xtitz'uye' kan pa rutz'uyubal ri David richin xtiq'aton-tzij pa ruwi' ri tinamit Judá, xcha' ri Dios.