1 Crón 29:4 - Kaqchiquel Bible

⁴ Ninjech-apo 2,400 quintal q'anapueq ri más ch'ajch'oj, 5,000 quintal saqipueq richin yeban wiqobel chuwech ri tz'aq richin ri rachoch ri Dios,

1 Crón 29:4 ပူးပေါင်းရင်းမြစ်များ

1 Rey 9:28

Rije' xkichop k'a el kibey pa ruwi' ya' richin xebe k'a pa ruwach'ulew Ofir, y toq xetzolin-pe, xkik'en k'a pe jubama 310 quintal q'anapueq; y re' xokiya' chire ri rey Salomón.

1 Crón 22:14

Yin rik'in janila wuchuq'a' xinben kan ri ruchojmil ronojel ri k'atzinel ri nikusex richin nipabex-q'anej ri rachoch ri Dios. Xinya' kan 66,000 quintal q'anapueq, 660,000 quintal saqipueq, k'iy q'enq'oj-pueq y k'iy q'eqapueq ri man yatikir ta chik nawetaj. Chuqa' xinchojmirisaj kan che' y abej. Y wi k'a k'o na ri nrajo', utz naya' chik apo juba'.

Wuj Richin ri Achin Job 28:16

Ri na'oj janila rejqalen y stape' nawajo' natoj rik'in q'anapueq ri nipe pan Ofir, man nuq'i' ta ri rajel, chuqa' stape' nawajo' naya' cornalina o zafiro chuwech, kan man nuq'i' ta chuqa' ri rejqalen.

1 Crón 29:3

Y pa ruwi' re', roma kan janila wajowabal pa ruwi' ri rachoch ri Jehová Dios, roma ri' ninya-apo ri kan wichin yin: Q'anapueq y saqipueq richin nibek'atzin chire ri jay richin ri Dios.

1 Crón 29:5

y chuqa' richin yeban ri samajibel. Wakami ja rix, ¿achike chiwe ri kan nalex-pe pan iwánima richin niya' jun sipanik chire ri Jehová?, xcha' ri David.

1 Crón 1:23

ri Ofir, ri Havilá y ri Jobab. Konojel re' e ralk'ual ri Joctán.