1 Crón 29:1 - Kaqchiquel Bible

¹ Chirij ronojel ri' ri rey David kere' xubij chike konojel ri winaqi': Ri Dios xcha'on ri nuk'ajol Salomón, jak'a rija' jun ala' k'a ko'ol ok y ri samaj janila nim, roma ri jay ri' man achi'el ta ok jun xabachike jay. Re' kan rachoch ri Jehová Dios.

1 Crón 29:1 ပူးပေါင်းရင်းမြစ်များ

1 Crón 22:5

Ri David xuben ronojel re' roma xuch'ob chi ri Salomón ri ruk'ajol man jani k'o retamabal richin nupaba-q'anej ri rachoch ri Jehová akuchi niya'ox-wi ruq'ij-ruk'ojlen, roma ri jay ri' k'o chi niban janila nim chire y kan xtel k'a rutzijol chuwech chijun ruwach'ulew chi kan jebel ok rubanik. Y roma ri' ri David xeruchojmirisala' k'a kan pa ruk'iyal ronojel ri nik'atzin chire ri rachoch ri Dios.

1 Rey 3:7

Wakami k'a Jehová Dios wajaw yin, rat xinaya' pa ruk'exel kan ri nata' richin ninq'et-tzij, stape' k'a in ala' na y man jani k'o nuna'oj, y kan man jun wetamabal.

2 Crón 13:7

Xkimol k'a ki' rik'in rija' achi'a' ri janila e q'ori' y e banoy taq etzelal. Ri achi'a' ri' kan xkipaba' k'a ki' chuwech ri Roboam, roma man jani k'iy ta rujuna', y chuqa' man jani k'o runa'oj; roma ri' man xtikir ta xpa'e' kow chikiwech.

Wuj Richin Etamabel-Tzij 4:3

Roma yin chuqa' xinok ak'ual y xik'oje' pa rachoch ri nata'; kan nuyon k'a yin ri xik'oje' rik'in ri nte', roma ri' kan janila k'a xirajo'.

1 Crón 29:19

Y keri' chuqa' tabana' chire ri nuk'ajol Salomón chi rik'in ta ronojel ránima xtutaqej ronojel ri pixa', richin xtupaba-q'anej ri awachoch, ri xinben yan kan ruchojmil, xcha'

1 Crón 28:10

Tawetamaj k'a chi ri Jehová ri xacha'on richin napaba-q'anej ri jay richin rija'. Roma ri' tatija' aq'ij y tabana' ri samaj, xcha' ri David chire.

1 Crón 28:8

Wakami k'a kan chiwech k'a rix y chuwech ri Jehová ri qa-Dios ri yojrak'axaj, ninbij chiwe chi kan titaqej k'a ri nubij ri rupixa' ri Jehová ri qa-Dios, richin keri' kan xtok kan iwichin re jun jebejoj nimalej ruwach'ulew re', y richin xtiya' chik kan chike ri iwalk'ual richin nikichinaj kan rije'.

1 Crón 28:1

Ri David xerumol k'a chiri' pa Jerusalem konojel ri k'o más kejqalen ri ek'o chiri' pan Israel: Ri e aj-raqen kichin ri tzobaj, ri aj-samaj richin ri rey, ri e aj-raqen pa kiwi' ri aj-labal, ri samajela' ri ek'o pa kiwi' ronojel ri e richin ri rey, ri ek'o pa kiwi' ri e ralk'ual y ri achi'a' ri maneq xibinri'il chikiwech.

2 Sam 3:39

Jak'a yin stape' qasan aceite pa nuwi' richin xinok rey, wakami ninna' chi xa man jun wuchuq'a' k'o, roma ri Joab y ri Abisai xa kan ik'owineq chik ruwi' kuchuq'a' chinuwech yin. Y roma ri' ninbij chi kan ja ta k'a ri Jehová xtiya'on rutojbalil chike roma ri itzel ri xkiben, xcha'.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

1 Rey 1:20

Roma ri' rey, wajaw yin, konojel ri winaqi' richin Israel at kitzuliben, y at koyoben richin janipe' naq'alajirisaj achike k'a ri xtibetz'uye' kan chupan ri atz'uyubal, rat nu-rey.

1 Crón 22:2

Chirij k'a ronojel re', ri David xerumol k'a konojel ri winaqi' ri man e aj-Israel ta ri ek'o chikikojol rije', y xerucha' k'a ri e choyoy abej richin nipabex-q'anej ri rachoch ri Dios.

2 Crón 1:2

Y rija' xeroyoj k'a konojel ri winaqi' richin xch'on kik'in, xch'on kik'in ri aj-raqen ri ek'o pa kiwi' e 1,000 aj-labal, xch'on kik'in ri aj-raqen ri ek'o pa kiwi' ri e wok'al aj-labal, xch'on kik'in ri achi'a' ri to'onela', xch'on kik'in konojel ri e aj-raqen kichin ri tzobaj y kik'in ri ch'aqa' chik aj-raqen.