1 Crón 28:9 - Kaqchiquel Bible

⁹ Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

1 Crón 28:9 ပူးပေါင်းရင်းမြစ်များ

Wuj Richin ri Jeremías 29:13

Xkinikanoj y kan xkiniwil, roma rix kan xkinikanoj rik'in ronojel iwánima.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

1 Rey 8:61

Ri qánima kan ta choj k'a chuwech ri Jehová ri qa-Dios, qojbiyin chupan ri rubey y tiqataqej ronojel ri pixa' achi'el re yojtajin chubanik wakami, xcha' chike.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

Wuj Richin Bix Chire ri Dios 9:10

Jehová kan awik'in k'a rat xtikikuquba-wi kik'u'x ri ketaman awech, roma rat, man jun bey ye'amalij kan ri yekanon awichin.

1 Sam 16:7

Jak'a ri Jehová xubij chire ri Samuel: Man tatzu' ri rubanik, ni man tatzu' ri rupalen, roma yin man ja ta la' nucha'on richin nok kan rey. Ri wineq ja ri rubanik ri nutzu', jak'a yin kan ja ri ránima y ri ruch'obonik ri nintz'et, xcha'.

San Juan 4:24

Ri Dios kan espíritu wi. Roma ri' ri winaqi' ri yeya'on ruq'ij, kan nik'atzin chi k'o ri Loq'olej Espíritu kik'in richin nikiya' ri qitzij ruq'ij, xcha'.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

Wuj Richin Bix Chire ri Dios 139:2

Rat kan natz'et k'a toq yitz'uye' y toq yiyakatej-q'anej. Kan k'a nej k'a k'o-wi ri nuch'obonik, rat kan awetaman chik.

Wuj Richin ri Jeremías 9:24

Jak'a wi k'o ta jun ri nuna' ri' chi runimirisan-ri', kan tunimirisaj k'a ri' roma retaman chi ja yin Jehová y kan ronojel ninben rik'in ajowabel, ruchojmilal y joyowanik, roma kan jari' ri niqa' chinuwech. Yin Jehová ri yibin.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

Os 4:1

Chi'iwonojel rix winaqi' ri ix rijatzul kan ri Israel, kan tiwak'axaj k'a ri ruch'abel ri Jehová. Rija' kan nuch'ojij k'a chike ri winaqi', ri ek'o chupan re ruwach'ulew re'. Roma kan maneq k'a qitzij banonri'il kik'in; chuqa' maneq ri retamabal ri Dios kik'in.

Wuj Richin ri Jeremías 31:34

Kan man jun k'a nik'atzin-wi chi nikik'utula' ta chikiwech richin niketamaj nuwech, roma konojel rije' kan ketaman chik nuwech, nitiker-el rik'in ri más ko'ol y napon-q'anej rik'in k'a ri más nim, roma yin kan xtinkuy ri itzel taq kibanobal y man chik xtoqaqa ta chinuk'u'x ri kimak. Yin Jehová ri yibin.

Wuj Richin ri Isaías 45:19

Yin kan man in ch'owineq ta pan ewel, ni ta pa jun k'ojelibel akuchi janila q'equ'm chire ri ruwach'ulew. Man nubin ta chike ri winaqi' israelita chi kinkikanoj pa jun tz'iran ruwach'ulew. Ja yin Jehová, ri ninbij ri qitzij, y kan ninq'alajirisaj ri ruchojmilal, ncha' ri Dios.

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

Wuj Richin ri Jeremías 22:16

Kan xeruto' k'a ri man jun k'o kik'in; chuqa' xeruto' ri yetz'ilox y roma ri' kan ronojel utz xel chuwech. Re' nel chi tzij chi kan retaman nuwech.

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

1 Crón 29:9

Ri winaqi' richin ri tinamit janila xekikot roma rik'in ronojel kánima xkiya-apo ronojel re' chire ri Jehová. Chuqa' ri rey David janila xkikot.

1 Rey 8:39

wi keri', rat kan xtawak'axaj k'a ri chila' chikaj ri akuchi atk'o-wi, xtakuy ta rumak ri atinamit. Kan xaxe k'a rat ri yatz'eton ri kánima konojel ri winaqi', y roma ri' kan xtaben k'a kik'in achi'el ri kibanobal chikijujunal.

Hechos 17:30

Ri ojer kan ri winaqi' man ketaman ta achike rubanik nikiya' ruq'ij ri Dios. Jak'a rija' man xuya' ta rutojbalil pa kiwi'. Jak'a re q'ij re' rija' nubij chi konojel winaqi' titzolin-pe kik'u'x rik'in.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

Wuj Richin Bix Chire ri Dios 101:2

Ninrayibej chi choj ta ri nuk'aslen. Keri' toq rat xkape wik'in richin yinato'. Yin kan rik'in ruch'ajch'ojil wánima xtinq'et-tzij chupan ri wachoch.

Wuj Richin Bix Chire ri Dios 7:9

Tik'is k'a wakami ri ketzelal ri aj-maki' y takolo' ri choj ruk'aslen, roma rat at jun Dios choj, y kan nanik'oj ri ránima y ri ruch'obonik ri wineq.

Deut 31:21

Y toq xtipe k'a k'iy ruk'ayewal y tijoj-poqonal pa kiwi', jari' toq re jun bixanik re' xtuq'alajirisaj chikipalej ri winaqi' ri nubin chik kan yin. Y re bix re' kan man xtimestex ta koma ri kijatzul roma kan wetaman chik achike chi ch'obonik ri k'o kik'in rije', y xa k'a man jani kenkusaj-apo chupan ri ruwach'ulew, ri kan nuya'on chik nutzij chi kan ninya' chike, xcha' ri Jehová.

Hebreos 12:28

Y roma ri' tiqamatioxij chire ri Dios chi qichin chik roj ri ajawaren ri man jun nisilon richin. Y rik'in ri matioxinik ri niqaya' chire ri Dios, niqasamajij k'a, kan achi'el ri niqa' chuwech rija'. Y tiqaya' chuqa' ruq'ij.

2 Rey 22:2

Ri Josías kan xuben k'a ri utz chuwech ri Dios. Kan man xuya' ta k'a kan ri Jehová, achi'el xuben ri rey David.

Hechos 1:24

Xech'on k'a rik'in ri Dios y xkibij: Ajaw, rat ri natz'et ri qánima qonojel, tak'utu' k'a chiqawech achike k'a chike re ka'i' achi'a' re' ri acha'on,

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

San Juan 2:25

Y man nik'atzin ta k'a chire chi k'o ta jun ri nibin chire achike rubanik ri kik'aslen chikijujunal, roma rija' kan retaman-wi achike k'a ri k'o pa taq kánima.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Deut 4:35

ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

Ez 38:10

Yin Jehová ri yibin ronojel re'. Chupan k'a ri q'ij ri', rat kan xke'ach'obola' k'a janila itzel taq banobel.

Wuj Richin ri Jeremías 11:20

Jak'a yin xinbij chire ri Jehová k'iytisanel richin ronojel: Rat ri at to'onel y kan pa ruchojmilal ri naben. Rat awetaman ri nuch'ob ri wineq y chi xinjech yan wi' pan aq'a'. Roma ri' taya' k'a rutojbalil pa kiwi' richin yentz'et, xicha'.

Wuj Richin Etamabel-Tzij 17:3

Richin chi nitz'et wi utz ri saqipueq, niya'erisex pa jun bojo'y y ri q'anapueq niya'ox pan horno; jak'a richin nitz'et wi ch'ajch'oj ránima ri wineq, kan ja ri Jehová ri nitejtoben.

Wuj Richin ri Esdras 8:22

Xqaben keri' roma yin kan xik'ix k'a richin nink'utuj chire ri rey, richin yeruteq achi'a' ri yech'oke' chikij kiej, richin chi yojkito' chikiwech ri e etzelanel qichin chupan ri bey. Y chuqa' roma xa kan xqabij yan chire ri rey chi ri Dios kan yojruto' qonojel ri yojkanon richin. Jak'a ri nimalej ruchuq'a' y ri labal kan k'o pa kiwi' ri winaqi' ri nikimalij kan rija'.

Ex 3:16

Kabiyin k'a y toq xkatapon, ke'amolo' ri nima'q taq achi'a' chikikojol ri awinaq y tabij chike: Ri Jehová ri ki-Dios ri qati't-qamama', ri Abraham, ri Isaac y ri Jacob, xuk'ut-ri' chinuwech y xubij chuwe chi rija' kan nutz'et k'a ronojel ri ruk'ayewal ri niban chiwe wawe' pan Egipto y roma ri' xpe chi'ito'ik.

Wuj Richin ri Jeremías 20:12

Rat Jehová ri k'iytisanel richin ronojel ri kan ye'atz'et ri choj kik'aslen, natz'et chuqa' ri kinojibal y ri kánima. Taya' q'ij chuwe chi nintz'et rutojbalil-mak ri naya' rat pa kiwi' roma kan xisujun yan q'anej chawech.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

Hechos 17:23

Roma toq yin xiq'ax ri akuchi niya-wi kiq'ij konojel i-dios, xintz'et k'a jun porobel ri akuchi nubij-wi: Richin ri Dios ri man qetaman ta ruwech, nicha'. Ja Dios k'a ri man iwetaman ta ruwech, y kan niya' ruq'ij rix, jari' ri ninq'alajirisaj yin chiwech re wakami.

San Juan 8:55

Rix xa man iwetaman ta ruwech, jak'a yin kan wetaman wi ruwech y wi ta ninbij chiwe chi man wetaman ta ruwech ri Dios xa yinok k'a jun tz'ukuy tzij achi'el rix. Yin kan qitzij chi wetaman ruwech, y kan ninben ri nubij ri ruch'abel rija'.

San Juan 1:47

Toq ri Jesús xutz'et ri Natanael chi xa napon yan apo rik'in, xubij chike ri winaqi' ri ek'o chiri': Titzu' la jun achin la'. Rija' jun qitzij israelita y kan man jun q'oloj k'o rik'in, xcha'.

Wuj Richin Bix Chire ri Dios 89:26

Rija' kan xtubij k'a chuwe chi yin in rutata', chi yin in ru-Dios, in rutobal y chuqa' in rukolonel.

1 Rey 3:6

Y ri Salomón xubij chire: Rat kan janila xajoyowaj ruwech ri asamajel David ri nata', roma rija' kan xarutzeqelibej y ja ri ruchojmilal ri xuben chawech y ronojel ri xuben chawech kan qitzij wi. Y roma ri' kan xajoyowaj ruwech richin xaya' kan jun ruk'ajol chupan re q'atbel-tzij pa ruk'exel rija' roma xken-el, y ja yin ri' ri in asamajel.

Wuj Richin ri Isaías 1:28

Jak'a ri man e nimey ta tzij y ri e aj-maki' xa xkek'is, y chuqa' ri xkemalin kan wichin yin, kan xkeken.

Wuj Richin ri Rutikeribel 28:13

Y ri Jehová kan k'o el más pa jotol chire y nubij: Ja yin Jehová ri ki-Dios ri Abraham ri amama', in ru-Dios chuqa' ri Isaac, la ulew akuchi at kotz'ol-wi xtinya' chawe y chuqa' chike ri awijatzul.

2 Corintios 8:12

Roma wi xa kan ja ri pan iwánima xalex-wi-pe ri rayibel ri', ri Dios kan nuk'ul-wi chiwech ri xa janipe' ok ri yixtikir niya', roma rija' man nroyobej ta chi k'iy niya', y xa man k'iy ta ri k'o iwik'in.

1 Corintios 15:34

Titzolin-pe ik'u'x, y man chik kixmakun. Rix kan ruk'amon k'a chi yixk'ix-qa, roma chi'ikojol k'a ek'o ri man ketaman ta ruwech ri Dios.

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

2 Corintios 9:7

Roma ri' chi'ijujunal rix tiya' k'a achi'el ri xubij ri iwánima chiwe. Man k'a tiya' rik'in bis, ni man tiya' chuqa' xaxe roma xk'utux chiwe. Xa kan rik'in kikoten tiya' ri to'onik, roma ri Dios kan yerajo' ri yeya'on rik'in ronojel kánima.

1 Rey 8:43

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

2 Rey 21:22

Chuqa' man xuben ta achi'el nubij ri Dios, y xumalij kan ri Jehová, ri Dios kichin ri rati't-rumama'.

1 Crón 22:19

Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

1 Crón 28:8

Wakami k'a kan chiwech k'a rix y chuwech ri Jehová ri qa-Dios ri yojrak'axaj, ninbij chiwe chi kan titaqej k'a ri nubij ri rupixa' ri Jehová ri qa-Dios, richin keri' kan xtok kan iwichin re jun jebejoj nimalej ruwach'ulew re', y richin xtiya' chik kan chike ri iwalk'ual richin nikichinaj kan rije'.

2 Crón 6:30

wi keri', rat kan xtawak'axaj k'a ri chila' chikaj ri akuchi atk'o-wi, xtakuy ta rumak ri atinamit. Kan xaxe k'a rat ri yatz'eton ri kánima konojel ri winaqi', y roma ri' kan xtaben k'a kik'in achi'el ri kibanobal chikijujunal.

Wuj Richin Bix Chire ri Dios 89:38

Jak'a rat Jehová xa xpe awoyowal chire ri rey ri acha'on. Xawetzelaj k'a y xamalij kan.

Wuj Richin Etamabel-Tzij 3:6

Xa kan ja rija' ri taya' pa nabey, chupan ronojel ri k'o chi naben, keri' ja rija' ri nuk'uan abey chupan ri ak'aslen.

Wuj Richin ri Isaías 38:3

y xubij: Jehová, nink'utuj utzil chawe re wakami chi yinoqaqa ta chi'ak'u'x chi yin kan choj ri nuk'aslen ri nubanon-pe chawech, y rik'in ronojel wánima nubanon ronojel ri niqa' chawech rat, xcha'. K'ari' xuchop janila oq'ej.

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

1 Sam 12:20

Ri Samuel xubij chike: Man tixibij-iwi', kan qitzij wi chi rix xiben re mak re', xaxe k'a ninbij chiwe chi man k'a timalij kan ri Jehová, xa kan tisamajij k'a rik'in ronojel iwánima.

2 Crón 12:5

K'ari' ri Semaías ri q'alajirisey ruch'abel ri Dios xbe rik'in ri Roboam, y ri e tata'al richin ri Judá ri kimolon-ki' pa Jerusalem roma ri oyowal ri nuben ri Sisac. Y xubij k'a ri Semaías chike: Ri Jehová nubij chi roma rix ximalij kan rija', keri' chuqa' rija' xkixrumalij kan pa ruq'a' ri Sisac, xcha' ri Semaías.

Wuj Richin Bix Chire ri Dios 7:10

Ri nutobal yin, kan ja ri Dios, ri Dios ri nikolon kichin ri choj yebiyin.

Wuj Richin Bix Chire ri Dios 17:3

Rat kan atzuliben k'a ri wánima chi paq'ij chi chaq'a'. Kan in atejtoben y man jun itzel awilon chuwij, roma yin kan nubin chi kan man jun etzelal ri xtinbij.

Wuj Richin Etamabel-Tzij 4:4

Ri nata' kan kere' k'a ri ch'abel ri xerubij chuwe: Kan kek'ase' k'a jebel ri nuch'abel ri pan awánima, y kan tabana' k'a ri ninbij chawe, richin chi kan ki' ri k'aslen ri xtawil.

Wuj Richin ri Jeremías 29:14

Kan qitzij na wi chi xkiniwil. Y kan xtinmol ichi' ri akuchi ixintalun-wi wakami chupan ri ch'aqa' chik ruwach'ulew. Y k'ari' xkixintzolij-pe chupan re itinamit ri akuchi ixintalun-wi-el.

Ez 11:5

Y ri ru-Espíritu ri Jehová xok k'a wik'in richin ninq'alajirisaj ri nubij chuwe. Kere' k'a xubij: Rix israelita, kan k'o k'a ri ibin, jak'a yin kan wetaman ri ich'obonik.