1 Crón 28:8 - Kaqchiquel Bible

⁸ Wakami k'a kan chiwech k'a rix y chuwech ri Jehová ri qa-Dios ri yojrak'axaj, ninbij chiwe chi kan titaqej k'a ri nubij ri rupixa' ri Jehová ri qa-Dios, richin keri' kan xtok kan iwichin re jun jebejoj nimalej ruwach'ulew re', y richin xtiya' chik kan chike ri iwalk'ual richin nikichinaj kan rije'.

1 Crón 28:8 ပူးပေါင်းရင်းမြစ်များ

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Wuj Richin ri Isaías 34:16

Kan titzu' chupan ri wuj richin ri Jehová y tisik'ij. Kan man jun k'a chike re chikopi' re' ri man ta xtik'oje' chiri', y man jun chike rije' ri ruyon ta xtik'oje' chiri'. Xa kan chikijujunal k'o k'a kachibil, roma kan keri' xubij ri Jehová y rik'in k'a ri ru-Espíritu xkerumol-wi.

Wuj Richin Etamabel-Tzij 13:22

Ri wineq ri kan utz, kan k'o k'a ri nuya' kan richin nikichinaj kan ri e riy-rumam; jak'a ri beyomel ri nuya' kan ri wineq aj-mak, kan niyake' kan, richin chi ja ri choj kik'aslen ri ye'ichinan.

Wuj Richin ri Esdras 9:12

Roma ri' man tiya' ri imi'al chike ri kik'ajol rije' richin yek'ule', ni man tiya' ri ik'ajol chike ri kimi'al rije' richin yek'ule'. Chuqa' man tijikiba' itzij kik'in rije' richin ye'ito'. Wi xtinimaj nutzij, rix kan xtik'oje' iwuchuq'a', y xtitej ri ruwech ri che' richin re ruwach'ulew re' y kan xtikichinaj kan ri iwalk'ual rix, richin jantape', xabij chike ojer.

Deut 5:32

Roma ri' kan tibana' k'a ronojel ri rubin ri Jehová ri qa-Dios; y man tijel rubanik.

Hechos 17:11

Ri judío ri' más k'a e aj-na'oj ke chikiwech ri judío ri ek'o pa Tesalónica, roma rije' kan choj xkik'ul ri ruch'abel ri Dios. Ri janipe' nikak'axaj-el kik'in ri Pablo y ri Silas, nibekikanola' chupan ri ruch'abel ri Dios, richin niketamaj, wi qitzij ri nikibij o xa man qitzij ta. Ri winaqi' ri' kan q'ij-q'ij k'a keri' nikiben.

Hechos 10:33

Roma ri' kan jari' xinteq akanoxik, y matiox k'a chi kan xape. Y kan chuwech wi k'a ri Dios ojk'o-wi qonojel re qamolon-qi' wawe', y niqajo' k'a niqak'axaj ri xtaq'alajirisaj chiqawech, ri kan ja ri Dios biyon chawe richin taq'alajirisaj rat, xcha' ri Cornelio chire ri Pedro.

Wuj Richin Etamabel-Tzij 3:1

Rat walk'ual, man k'a tamestaj ri tijonik ri nuya'on chawe, xa kan tayaka' pan awánima ri nuchilaben chawe chi naben,

Wuj Richin Bix Chire ri Dios 119:44

Yin kan jantape' xtintaqej ri apixa' rat, tibe-q'ij tibe-seq.

Wuj Richin Bix Chire ri Dios 119:4

Jehová, rat kan aya'on k'a ri apixa', kan xachilabej k'a chi kan titaqex rubanik achi'el ri nubij.

Deut 29:15

xa kan keri' chuqa' kik'in ri man jani ke'alex.

Deut 29:10

Wakami chi'iwonojel rix kan imolon-pe-iwi' chuwech ri Jehová ri qa-Dios: Ri e aj-raqen richin ri tzobaj achi'a' ri k'o kiq'ij, ri samajela' richin ri tinamit y konojel ri achi'a' ri e qawinaq,

Deut 4:26

Roma ri' kan chikiwech k'a ri kaj y ri ruwach'ulew ninbij, wi keri' xtiben, kan xkixken. Man k'iy ta k'a q'ij xkixk'ase' chiri' y xa kan xkixk'is k'a el.

Deut 4:6

Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

Wuj Richin Bix Chire ri Dios 119:27

Tabana' chuwe chi niq'ax chinuwech ri apixa', roma yin kan ninwajo' yich'obon pa ruwi' ri meyel taq abanobal.

1 Crón 28:7

Y kan xtinjikiba' ri ruq'atbal-tzij richin q'asen wi rija' xtutej ruq'ij richin nuben ronojel ri pixa', xcha' ri Dios chuwe.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Ex 23:13

Kan titaqej k'a ronojel re xinbij chiwe yin. Kan man jun bey k'a tik'utuj to'onik chike ch'aqa' chik dios, ni man tinataj ri kibi'.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Deut 27:1

Ri Moisés y ri achi'a' ri k'o kiq'ij richin ri tinamit Israel xkimol-ki' richin xech'on kik'in ri kiwinaq. Y ri Moisés xubij: Kan titaqej k'a ronojel ri pixa' ri xinya' chiwe re q'ij re'.

Wuj Richin ri Josúe 24:20

Wi niya' kan ri Jehová y nisamajij jun chik dios ri man ja ta qa-Dios roj, rija' xtuya' ri ruk'ayewal pan iwi' y xkixruk'is, stape' kan jebel rubanon chiwe, xcha'.