1 Crón 28:2 - Kaqchiquel Bible

² K'ari' ri David xpa'e-q'anej chikiwech ri winaqi' y xubij: Tiwak'axaj, wach'alal y nuwinaq yin. Yin janila xinrayibej richin ja yin ta xipaban-q'anej ri rachoch ri Dios ri akuchi ta xya'ox-wi ri káxa richin ri rujikibel-tzij y xk'oje' ta q'asen chiri' ri akuchi niq'alajin-wi ri ruq'atbal-tzij ri Dios. Roma ri' xinben yan k'iy samajibel richin xinpaba' ta q'anej.

1 Crón 28:2 ပူးပေါင်းရင်းမြစ်များ

Wuj Richin ri Rutikeribel 48:2

Y xbix k'a apo chire ri Jacob chi ri José xapon chutz'etik y roma ri' rija' xtz'uye-q'anej pa ruch'at, stape' janila k'ayew xuben chuwech.

1 Rey 1:47

Pa ruwi' re' ri nima'q taq samajela' xe'apon rik'in ri David richin xbekiq'ejela', y xkibij chire: Ja ri qa-Dios xtinimirisan ri rubi' ri Salomón más chawech rat, y chuqa' kan ta xtunimirisaj ri rajawaren más ke chuwech ri awichin rat, xecha'. Toq xrak'axaj re', ri David kan xuke' pa ruch'at richin xuya' ruq'ij ri Jehová.

1 Rey 5:3

Rat awetaman jebel chi ri David ri nata', man xtikir ta xpaba' kan jun rachoch ri Jehová ri qa-Dios, roma rija' ja ri labal kik'in ri e etzelanel kichin ri xerubanala', k'a ri q'ij toq ri Jehová xerujech pa ruq'a'.

1 Crón 17:4

Kabiyin rik'in ri David ri nusamajel, y tabij chire chi yin ninbij chi man ja ta rija' ri xtipaban-q'anej ri wachoch richin yik'oje' chupan.

1 Crón 22:14

Yin rik'in janila wuchuq'a' xinben kan ri ruchojmil ronojel ri k'atzinel ri nikusex richin nipabex-q'anej ri rachoch ri Dios. Xinya' kan 66,000 quintal q'anapueq, 660,000 quintal saqipueq, k'iy q'enq'oj-pueq y k'iy q'eqapueq ri man yatikir ta chik nawetaj. Chuqa' xinchojmirisaj kan che' y abej. Y wi k'a k'o na ri nrajo', utz naya' chik apo juba'.

1 Crón 22:6

Y toq ri David janila chik ri'j, jari' toq xroyoj ri Salomón ri ruk'ajol richin xuchilabej kan chire chi xtupaba-q'anej ri rachoch ri Jehová Dios richin ri tinamit Israel,

1 Crón 22:7

y xubij chire: Nuk'ajol yin, janila xurayij ri wánima richin xinpaba' ta q'anej ri rachoch ri Jehová ri qa-Dios;

1 Crón 6:31

Ri David xeruya' k'a achi'a' richin xe'ok aj-raqen pa kiwi' ri bixanela' pa rachoch ri Jehová banon rik'in tzieq chiri' pa Jerusalem toq xk'oje' ri káxa chiri'

2 Crón 6:7

Y ri nata' janila rayibel xk'oje' pa ránima richin xupaba' ta q'anej jun rachoch ri Jehová ri qa-Dios.

Wuj Richin Bix Chire ri Dios 110:1

Ri Jehová xubij chire ri wajaw: Katz'uye-pe re pa wijkiq'a' y xkenya' pan aq'a' ri ye'etzelan awichin, xcha'.

Wuj Richin Bix Chire ri Dios 132:14

Xabij k'a chi wawe' k'a xkak'oje-wi jantape', richin naq'et-tzij tibe-q'ij tibe-seq.

Wuj Richin Bix Chire ri Dios 132:2

Rija' kan xuya' ri rutzij chawech rat Jehová. Kan k'o k'a ri xusuj chawe rat ri qa-Dios ri kan k'o uchuq'a' pan aq'a', ri chuqa' ri at ru-Dios ri Jacob.

Wuj Richin Bix Chire ri Dios 22:22

Keri' yin kan xtintzijoj k'a ri abi' chike ri wach'alal. Xtinya' k'a aq'ij pa taq qamolojri'il.

Wuj Richin Bix Chire ri Dios 99:5

Tinimirisaj ruq'ij ri Jehová ri qa-Dios. Kan tixuku-timeja-iwi' chuwech, roma kan xaxe-wi rija' ri loq'olej.

Wuj Richin ri Isaías 60:13

Ronojel ri beyomel richin Líbano xtik'amer-pe iwik'in rix: Ri jalajoj kiwech chej y ri k'isis, richin niwiq rupan ri wachoch akuchi rix niya-wi nuq'ij.

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin ri K'uxla'anik 2:1

Roma ri royowal ri Jehová, kan xuq'equmarisaj ri tinamit Sión, kan xuben chire chi achi'el xa ta k'a chila' chikaj xberuk'aqa-pe k'a pan ulew. Ri rubanon kan, ri Sión kan jari' ri qajineq chuwech, jak'a re wakami kan man niqaqa ta chuk'u'x roma ri royowal.

Ez 43:7

Y xubij k'a chuwe: Rat Ezequiel, jare' ri ruk'ojelibal ri nutz'uyubal y ri akuchi xkipa'e-wi. Kan wawe' k'a xkik'oje-wi q'asen chikikojol ri awinaq israelita. Rije' y ri ki-rey man jun bey chik xtikiqasaj nuq'ij. Kan man jun bey chik xtikiya' kiq'ij ch'aqa' chik dios y man xkekilij ta chik. Chuqa' man xtikiben ta chik q'anej kiwachibel ri ki-rey akuchi yekiya-wi kiq'ij ri wachibel toq xeken yan el.

San Mateo 25:16

Y ri samajel ri xk'ulun kan wo'o' k'ojelibel rik'in q'anapueq, kan xuben na wi ri bin kan chire. Rija' kan xusamajij k'a ri q'anapueq ri' y xuch'ek chik k'a jun keri'.

Hechos 7:49

Ri Jehová nubij: Ri nutz'uyubal k'o wawe' chikaj, y ri rupalibal ri waqen, jari' ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Deut 17:15

Wi keri', kan xtikusaj k'a kan rey pan iwi' jun iwinaq ri kan ja ri Jehová ri qa-Dios xticha'on. Y man tiben rey chire jun ri man iwinaq ta.

Deut 17:20

Richin keri' man tunimirisaj-ri' chikiwech ri ruwinaq, y man tujech'ej kan ri' chire ri pixa', ni ta pa rijkiq'a', ni pa rajxokon. Richin keri' kan xtiyaloj k'a ri ruk'aslen chupan ri ruq'atbal-tzij, rija' y ri e rijatzul.