1 Crón 27:29 - Kaqchiquel Bible

²⁹ Ja ri Sitrai aj-Sarón ri k'o pa kiwi' ri awej ri yeyuq'ux pa taq'aj Sarón. Y ri Safat ruk'ajol ri Adlai, ja rija' ri k'o pa kiwi' ri awej ri ek'o pa ch'aqa' chik taq'aj.

1 Crón 27:29 ပူးပေါင်းရင်းမြစ်များ

1 Crón 5:16

Konojel k'a rije' xek'oje' pa ruwach'ulew Galaad, pa Basán, y pa taq kokoj kitinamit y pa taq soq'olbel richin ri Sarón.

Wuj Richin ri Isaías 65:10

Ri taq'aj richin ri Sarón kan xtinoj rik'in tzobaj kokoj taq awej, chuqa' ri taq'aj richin Acor, chiri' xkeyuq'ux-wi nima'q taq awej kichin ri tinamit ri xkinkikanoj yin.

Hechos 9:35

Ri aj-Lida y ri aj-Sarón xkitz'et k'a chi ri Eneas xk'achoj. Y re winaqi' re' xkikuquba' kik'u'x rik'in ri ajaw Jesús.

1 Sam 21:7

Y chupan k'a ri q'ij ri', jun chike ri rusamajel ri rey Saúl rubini'an Doeg aj-Edom k'o chiri'. Y ja rija' ri k'o más rejqalen pa kiwi' ri e ruyuq'unela' ri Saúl.

1 Crón 27:30

Ja ri Obil rijatzul kan ri Ismael ri k'o pa kiwi' ri camello. Ri Jehedías aj-Meronot ri k'o pa kiwi' ri ixoqi' taq bur.

Deut 1:7

Kixk'olon k'a el y tichapa' chik k'a el bey y kixbiyin pa li'an ruwi' taq juyu' pa kiruwach'ulew ri winaqi' amorreo y ri winaqi' ri ek'o chikinaqaj. Chuqa' pa ruwach'ulew Arabá y ri ruwa taq juyu' y chupan ri taq'aj ri k'o kojol juyu', pa Négueb, y ri ruwach'ulew ri ek'o chuchi' ri palou y k'a rik'in ri kiruwach'ulew ri cananeo, ri Líbano y k'a rik'in ri raqen-ya' Éufrates.

2 Crón 26:10

Ri Ozías chuqa' xerupaba-q'anej kachoch ri chajinela' pa tz'iran ruwach'ulew. Rija' kan janila e k'iy rawej ek'o, y roma ri' xeruk'otola' k'iy pozo richin ye'uk'ya' ri rawej ri e ruya'on chuwa taq juyu' y ri ek'o chuchi' ri palou. Chuqa' ek'o rusamajela' ri yesamej ri akuchi rutikon-wi-qa uva y ri akuchi k'o-wi ri jalajoj ruwech rutiko'n ri e rubanon chuwi' taq juyu'; y kan k'iy k'a ruqejoj k'o roma kan niqa' chuwech ri samaj richin pa juyu'.

Wuj Richin ri Molojri'il 2:7

Xenloq' nusamajela' chi achi'a' chi ixoqi' ri xeyuqe' pa samaj wik'in y chuqa' ek'o xe'alex pa wachoch. Kan e k'iy nuwákix y nukarne'l xek'oje' y kan man jun chik xk'oje' pa Jerusalem achi'el ta yin.

Wuj Richin ri Isaías 35:2

Kan chi'anin xtikotz'ijan achi'el nuben ri lirio. Kan xtikikot k'a y chiri' xtak'axatej-wi bix richin kikoten. Ri Dios kan xtuben janila jebel ok chire achi'el ri juyu' Líbano. Kan janila k'a xtiwachin achi'el ri juyu' Carmelo y ri taq'aj richin Sarón. Konojel xtikitz'et ri ruk'ojlen ri Jehová, y ri runimirinen ri qa-Dios.