1 Crón 26:27 - Kaqchiquel Bible

²⁷ Ri kich'akon-pe pa labal, xkisuj richin nikusex chupan ri rachoch ri Dios.

1 Crón 26:27 ပူးပေါင်းရင်းမြစ်များ

2 Rey 12:14

roma kan ronojel ri méro ri' nikiya' chike ri aj-raqen richin ri samaj ri', y rik'in ri' nikichojmirisaj-wi ri rachoch ri Jehová.

Wuj Richin ri Josúe 6:19

Jak'a ronojel ri saqipueq, ri q'anapueq y ri samajibel ri e banon rik'in q'eqapueq y q'enq'oj-pueq: Ronojel re' kan xkech'ar k'a chire ri Jehová y xke'ok chupan ri rubeyomel rija', xcha'.

1 Crón 26:26

Pa kiq'a' ri Selomit y ri e rach'alal k'o-wi kan ri yakonabel richin ronojel ri e jachon pa ruq'a' ri Dios koma ri rey David, ri aj-raqen pa kiwi' ri ek'o pa kachoch, y ri e aj-raqen pa kiwi' ri aj-labal.

1 Crón 26:28

Y chuqa' k'o chiri' ri rujachon kan ri Samuel ri nitz'eton ri peteneq, ri rujachon kan ri Saúl ruk'ajol ri Cis, ri Abner ruk'ajol ri Ner y ri Joab ral ri Seruiá. Ronojel re' pa kiq'a' ri Selomit y ri e rach'alal ya'on-wi kan.

2 Sam 8:11

Y ronojel re beyomel re' ri David kan xujech pa ruq'a' ri Jehová, achi'el ri rubanon-pe rik'in ri beyomel ri e ruk'amon-pe chuwi-kiq'a' ri tzobaj winaqi' richin ri ruwach'ulew:

1 Crón 18:11

Ronojel re' ri xbeya'ox kan chire ri rey David, xujech chire ri Jehová, achi'el ri xuben kik'in ri xrelesaj-pe chuwi-kiq'a' ri winaqi' edomita, moabita, amonita, amalecita y ri aj-Filistea.

2 Crón 5:1

Y toq xk'achoj ronojel re samaj re' ri ruchilaben ri Salomón richin ri rachoch ri Jehová, xuk'uaj-el junan rik'in ronojel ri samajibel ri banon rik'in q'anapueq y saqipueq ri ruch'aron kan ri David, y xberuya' kan chupan ri jay akuchi k'o-wi ri beyomel richin ri Jehová.