1 Crón 26:26 - Kaqchiquel Bible

²⁶ Pa kiq'a' ri Selomit y ri e rach'alal k'o-wi kan ri yakonabel richin ronojel ri e jachon pa ruq'a' ri Dios koma ri rey David, ri aj-raqen pa kiwi' ri ek'o pa kachoch, y ri e aj-raqen pa kiwi' ri aj-labal.

1 Crón 26:26 ပူးပေါင်းရင်းမြစ်များ

2 Sam 8:11

Y ronojel re beyomel re' ri David kan xujech pa ruq'a' ri Jehová, achi'el ri rubanon-pe rik'in ri beyomel ri e ruk'amon-pe chuwi-kiq'a' ri tzobaj winaqi' richin ri ruwach'ulew:

1 Crón 22:14

Yin rik'in janila wuchuq'a' xinben kan ri ruchojmil ronojel ri k'atzinel ri nikusex richin nipabex-q'anej ri rachoch ri Dios. Xinya' kan 66,000 quintal q'anapueq, 660,000 quintal saqipueq, k'iy q'enq'oj-pueq y k'iy q'eqapueq ri man yatikir ta chik nawetaj. Chuqa' xinchojmirisaj kan che' y abej. Y wi k'a k'o na ri nrajo', utz naya' chik apo juba'.

1 Crón 18:11

Ronojel re' ri xbeya'ox kan chire ri rey David, xujech chire ri Jehová, achi'el ri xuben kik'in ri xrelesaj-pe chuwi-kiq'a' ri winaqi' edomita, moabita, amonita, amalecita y ri aj-Filistea.

1 Crón 26:25

Ri Eliézer rach'alal kan ri Guersón, y ri e rijatzul kan ri Eliézer ja ri Rehabías, ri Isaías, ri Joram, ri Zicrí y ri Selomit.

1 Crón 26:27

Ri kich'akon-pe pa labal, xkisuj richin nikusex chupan ri rachoch ri Dios.

1 Crón 9:14

Ek'o wuqu' aj-raqen pa kiwi' ri e levita ri xetzolej-pe pa Babilonia. Y ja ri Semaías ruk'ajol ri Hasub y rumam ri Azricam, ri Azricam ruk'ajol ri Hasabías ri eleneq-pe rik'in ri rijatzul ri Merarí;

1 Crón 28:21

Jare' ri sacerdote y ri levita ri xkesamej chi sol chi sol chupan ri rachoch ri Dios. Y chire ronojel re samaj xtak'ul to'onik kichin ri nima'q taq achi'a' ri k'o ketamabal richin xabachike samaj; y ri e tata'al y chijun ri tinamit kan xtikinimaj ronojel ri xtabij chike, xcha' ri David.

2 Crón 23:8

Ri e levita y ri winaqi' xkiben k'a ronojel ri xbix chike roma ri sacerdote Joiadá. Y ri aj-raqen pa kiwi' ri chajinela' ri ye'ok-apo richin yekijel-el ri k'o chi ye'el-el, man xuya' ta q'ij richin yetzolin toq xkijech yan kan ri kisamaj, roma keri' xubij ri Joiadá.

2 Crón 31:2

K'ari' ri Ezequías xuch'arala' k'a ri samaj chikiwech ri e sacerdote y ri e levita: Ri rusujik ri chikop ri niporox chijun ri pa taq nimaq'a' y ri tiqaq'ij, ri sipanik ri niq'alajirisan chi ri winaqi' junan kiwech rik'in ri Dios, ri matioxinik y ri bix ri yebixex chuchi' ri rachoch.

Wuj Richin ri Esdras 2:42

Ri e rijatzul kan ri yechajin ri ruchi' ri rachoch ri Dios jare': Ri e rijatzul kan ri Salum, Ater, Talmón, Acub, Hatitá y ri Sobai; konojel re' e 139.

Wuj Richin ri Nehemías 12:45

Y k'ari' ri sacerdote kan xe'ok k'a samajela' richin ri Dios y xkich'ajch'ojirisaj-ki'. Chuqa' xekich'ajch'ojirisaj ri bixanela' y ri chajinela'. Xkiben k'a ri kisamaj achi'el ri rupixa' ri David y ri Salomón ri ruk'ajol.