1 Crón 25:5 - Kaqchiquel Bible

⁵ Konojel rije' e ruk'ajol ri Hemán, ri nitz'eton ri peteneq. Ri Dios xuya' k'a ri e kajlajuj ruk'ajol ri' y e oxi' rumi'al richin nikiya' ruq'ij rija'.

1 Crón 25:5 ပူးပေါင်းရင်းမြစ်များ

1 Crón 21:9

K'ari' ri Jehová xuteq rik'in ri David, ri q'alajirisey ruch'abel rubini'an Gad.

Wuj Richin ri Isaías 8:18

Roma yin y ri walk'ual ri e ruya'on ri Jehová chuwe, kan oj ruya'on richin jun retal, y richin nima'q taq banobel richin re wawe' pa qaruwach'ulew. Y ri nibanon chiqe re', ja ri Jehová k'iytisanel richin ronojel ri k'o pa tinamit Sión.

Wuj Richin Bix Chire ri Dios 127:3

Ri alk'ualaxela' kan jun sipanik ri nuya' ri Jehová chike ri te'ej-tata'aj; kan jun urtisanik chike rije'.

1 Crón 28:5

Ri Dios e ruya'on e k'iy walk'ual, y chikikojol k'a rije' xucha' ri nuk'ajol Salomón richin nuq'et-tzij pa ruwi' chijun ruwach'ulew Israel.

2 Sam 24:11

Y ri ruka'n q'ij, toq ri David k'a man jani tiyakatej, ri Jehová xch'on rik'in ri q'alajirisey ruch'abel rubini'an Gad, ri nitz'eton ri peteneq chikiwech, y xubij:

1 Sam 9:9

Ri ojer kan ri pan Israel xabachike k'a nibe richin niberuk'ulubej ri Dios y kere' k'a nubij: Kixanpe y jo' rik'in ri nitz'eton ri peteneq chiqawech-apo, yecha'. Jak'a re wakami nibix Q'alajirisey ruch'abel ri Dios chire.

Wuj Richin ri Rutikeribel 33:5

K'ari' ri Esaú xerutz'et-apo ri ixoqi' y ri ak'uala' y xubij: ¿E achike la e peteneq awik'in?, xcha'. Y ri Jacob xubij: Ja' ak'uala' re' ri e rusipan ri Dios chuwe roma ri rutzil pa nuwi' yin ri asamajel, xcha'.

1 Crón 25:4

Ri e kajlajuj ruk'ajol ri Hemán ja ri Buquías, ri Matanías, ri Uziel, ri Sebuel, ri Jeremot, ri Hananías, ri Hananí, ri Eliatá, ri Guidalti, ri Romamti-ézer, ri Josbecasa, ri Malotí, ri Hotir y ri Mahaziot.

2 Crón 35:15

Y ri bixanela' e rijatzul kan ri Asaf chuqa' kan ek'o pa kisamaj achi'el ri pixa' ri ruya'on kan ri David, ri Asaf, ri Hemán y ri Jedutún ri nitz'eton ri peteneq chikiwech, ri nisamej rik'in ri rey. Keri' chuqa' ri chajinela' richin ri ruchi' ri ruwa-jay, man xesilon ta pa kik'ojelibal chijun q'ij roma ri e levita ja rije' ri xekichojmirisaj ronojel ri kichin rije'.