1 Crón 25:2 - Kaqchiquel Bible

² Ri Asaf k'o pa kiwi' ri ruk'ajol kibini'an: Jacur, José, Netanías y Asarela. Y rije' xesamej chuxe' rutzij ri rey.

1 Crón 25:2 ပူးပေါင်းရင်းမြစ်များ

1 Crón 25:6

Y ri Hemán ja rija' ri k'o pa kiwi' rije', richin yekiq'ojomaj ri platillo, ri salterio y ri arpa pa rachoch ri Dios richin nikiya' ruq'ij. Y ri Asaf, ri Jedutún y ri Hemán yesamej chuxe' rutzij ri rey.

1 Crón 25:1

Ri David y ri aj-raqen pa kiwi' ri aj-labal xekiya' kan ri kisamaj ri kalk'ual ri Asaf, ri Hemán y ri Jedutún richin nikiq'alajirisaj ri ruch'abel ri Dios e kachibilan ri nikiq'ojomaj ri arpa, ri salterio y ri platillo. Jare' ri kibi' ri winaqi' ri xek'oje' chupan ri samaj ri'.

1 Crón 16:5

Ri aj-raqen ri xk'oje' kan pa kiwi' ja ri Asaf, ri nuq'ojomaj ri platillo. Chirij-qa rija' ja ri Zacarías, y chirij-qa rija' ja ri Jeiel, ri Semiramot, ri Jehiel, ri Matatías, ri Eliab, ri Benaías, ri Obed-edom y ri jun chik Jeiel. Konojel rije' nikiq'ojomaj ri salterio y ri arpa.

Wuj Richin ri Isaías 3:6

Y jun xtubij chire ri rach'alal richin nok tata'al pa kiwi', richin tuq'ata-tzij pa ruwi' ri tinamit ri' ri xa wulatejineq chik, xaxe roma rukusan nim raqen rutziaq.

Wuj Richin Bix Chire ri Dios 83:1

Nimalej Dios ¿Achike roma man jun nabij? ¡Man taben chi man jun nabij, ni man kak'oje' kan choj keri'!

Wuj Richin Bix Chire ri Dios 82:1

Ri Dios kan k'o-wi chikikojol ri to'onela' ri yeq'aton-tzij Kan chikikojol k'a ri ch'aqa' chik dios nuq'et-wi tzij.

Wuj Richin Bix Chire ri Dios 81:1

Tiqabixaj rik'in kikoten ri rubi' ri Dios, ri qatobal roj; kan rik'in kikoten tiqanimirisaj ruq'ij ri ru-Dios ri Jacob.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin Bix Chire ri Dios 79:1

Nimalej Dios, ri winaqi' ri man yatkitzeqelibej ta xepe wawe' chupan re aruwach'ulew. Xepe y xkiqasaj ruq'ij ri awachoch. Y kan xkiwulaj kan jumul ri tinamit Jerusalem.

Wuj Richin Bix Chire ri Dios 78:1

Nutinamit yin, tiwak'axaj k'a ri nutijonik, kan tiya' k'a ixikin chire ri nuch'abel.

Wuj Richin Bix Chire ri Dios 77:1

Yin kan xisik'in k'a chuk'utuxik to'onik chire ri Dios; kan chire k'a rija' xink'utuj-wi roma kan yirak'axaj.

Wuj Richin Bix Chire ri Dios 76:1

Ri Dios kan janila etaman ruwech chupan ri ruwach'ulew Judá; ri rubi' rija' kan nimirisan k'a chupan chijun ruwach'ulew Israel.

Wuj Richin Bix Chire ri Dios 75:1

Yojmatioxin chawe qa-Dios, kan yojmatioxin-wi k'a, roma rat naqaj atk'o chiqe roj. Roj kan niqatzijoj k'a ri meyel taq banobel ri ye'aben rat.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Bix Chire ri Dios 73:1

Kan qitzij wi chi ri Dios kan janila utz rik'in ri rutinamit Israel, kik'in ri ch'ajch'oj kánima chuwech rija'.

1 Crón 25:3

Ri Jedutún k'o pa kiwi' ri e waqi' ruk'ajol: Ri Guedalías, ri Serí, ri Isaías, ri Simí, ri Hasabías y ri Matatías. Y rije' nikiq'ojomaj ri arpa richin nikimatioxij y nikiya' ruq'ij ri Jehová.

1 Crón 15:17

Ri xecha'ox richin nikiq'ojomaj ri platillo jari' ri Hemán ruk'ajol ri Joel, ri kach'alal rubini'an Asaf ruk'ajol ri Berequías y ri Etán Cusaías, y rije' e rijatzul kan ri Merarí. Y ri xeto'on kichin ja ri Zacarías, ri Jaaziel, ri Semiramot, ri Jehiel, ri Uní, ri Eliab, y ri Benaías. Konojel k'a rije' nikiq'ojomaj ri ki-salterio achi'el nikiben ri elamita. Chuqa' ri Maaseías, ri Matatías, ri Elifelehu, ri Mecneías, ri Azazías y ri ka'i' chajinela' ri kibini'an Obed-edom y ri Jeiel, rije' chuqa' xeto'on. Y xkiq'ojomaj ri arpa achi'el nikiben ri siminita.

1 Crón 6:39

Pa rijkiq'a' ri Hamán nik'oje' ri Asaf, ri jun chik aj-raqen pa kiwi' ri bixanela'. Ri Asaf ruk'ajol kan ri Berequías, y rija' ruk'ajol kan ri Simá.

1 Crón 25:8

Y ri Dios xuk'ut chikiwech ri achoq pa kiwi' xtiqaqa-wi ri samaj ri'. Rije' kan xech'ar k'a pa ruchojmilal, stape' e ch'uti'q o e nima'q.

Wuj Richin ri Esdras 3:10

Toq ri samajela' xek'achoj richin xkiya-qa ri ruch'okolibal ri rachoch ri Jehová, jari' toq ri e sacerdote xek'oje' chiri' richin xkiya' ruq'ij ri Jehová, achi'el ri pixa' ri xuya' kan ri David, rey richin Israel. Ri e sacerdote xkikusaj ri kitziaq ri kan ch'aron, y kik'uan ki-trompeta. Y ri e levita ri e rijatzul ri Asaf kik'uan platillo.