1 Crón 25:1 - Kaqchiquel Bible

¹ Ri David y ri aj-raqen pa kiwi' ri aj-labal xekiya' kan ri kisamaj ri kalk'ual ri Asaf, ri Hemán y ri Jedutún richin nikiq'alajirisaj ri ruch'abel ri Dios e kachibilan ri nikiq'ojomaj ri arpa, ri salterio y ri platillo. Jare' ri kibi' ri winaqi' ri xek'oje' chupan ri samaj ri'.

1 Crón 25:1 ပူးပေါင်းရင်းမြစ်များ

1 Crón 6:33

Jare' k'a ri kibi' ri achi'a' ri xek'oje' chiri' pa rachoch ri Dios kachibilan ri kalk'ual alaboni': Ri e rijatzul kan ri Quehat: Ri Hemán ri bixanel, re' ruk'ajol kan ri Joel, y ri Joel ruk'ajol ri Samuel,

2 Rey 3:15

Wakami k'a tak'ama-pe jun achin ri niq'ojoman, xcha' chire. Y toq k'o chik chiri' ri achin y xuchop niq'ojoman, jari' toq ri uchuq'a' richin ri Jehová xuteq-pe pa ruwi' ri Eliseo.

1 Sam 10:5

Chirij ri', xkatapon pa tinamit Guibeá, akuchi ek'o-wi jun tzobaj aj-Filistea. Y toq xkatok chupan ri tinamit ri', xke'ak'ul jun tzobaj e q'alajirisey ruch'abel ri Dios ri e tzolejineq-pe richin xbekiya' ruq'ij ri Dios y nikiq'alajirisaj ri ruch'abel. Y chikiwech rije' e ik'owineq-pe q'ojomanela' kik'amon-pe ri kiq'ojom: Ri salterio, ri pandero, ri xul y ri arpa.

1 Crón 6:39

Pa rijkiq'a' ri Hamán nik'oje' ri Asaf, ri jun chik aj-raqen pa kiwi' ri bixanela'. Ri Asaf ruk'ajol kan ri Berequías, y rija' ruk'ajol kan ri Simá.

Wuj Richin ri Nehemías 12:27

Y keri' xk'achoj-q'anej ri tz'aq richin ri tinamit. Y toq xapon ri q'ij richin ri matioxinik chire ri Dios, xebekanox k'a konojel ri levita ri kitalun-ki' pa taq tinamit, richin ye'apon pa nimaq'ij richin ri matioxinik. Y rije' xe'apon k'a richin xebixan rik'in kikoten y xkiq'ojomaj ri platillo, arpa, y ri lira.

2 Crón 34:12

Y re achi'a' re' kan jebel xesamej. Y ri ek'o pa kiwi' rije' ja ri e levita ri Jáhat, ri Abdías e rijatzul kan ri Merarí, ri Zacarías y ri Mesulam; konojel rije' e rijatzul kan ri Quehat. Y chuqa' ek'o ch'aqa' chik levita ri kan e aj-na'oj richin nikiq'ojomaj jalajoj ruwech q'ojom.

2 Crón 23:13

Jari' toq xutz'et-apo chi ri rey pa'el rik'in ri pilar ri k'o-pe chuwech ri jay, y pa kinik'ajal ri e tata'al y ri yeq'ojoman. Y ri winaqi' janila yekikot y nikixupuj trompeta, y ri q'ojomanela' nikiq'ojomaj jalajoj ruwech q'ojom richin yebixan konojel. Jari' toq ri Atalía xuretz ri rutziaq y xsik'in y xubij: ¡Xinkiq'ol! ¡Xinkiq'ol!, xcha'.

1 Crón 25:3

Ri Jedutún k'o pa kiwi' ri e waqi' ruk'ajol: Ri Guedalías, ri Serí, ri Isaías, ri Simí, ri Hasabías y ri Matatías. Y rije' nikiq'ojomaj ri arpa richin nikimatioxij y nikiya' ruq'ij ri Jehová.

Wuj Richin Bix Chire ri Dios 81:2

Qojbixan rik'in ri pandero, qojbixan rik'in ri arpa y ri salterio.

Wuj Richin ri Nehemías 12:24

Ri aj-raqen pa kiwi' ri e levita y ri bixanela' ja ri Hasabías, ri Serebías y ri Josué ruk'ajol ri Cadmiel. Chikiwech rije' ek'o ka'i' tzobaj bixanela', ri jun tzobaj nibixan-apo y ri jun chik tzobaj chuqa' yebixan-pe. Y rije' yematioxin y nikiya' ruq'ij ri Dios, achi'el ri ruchojmilal ri ruya'on kan ri rey David, achin richin ri Dios.

2 Crón 31:2

K'ari' ri Ezequías xuch'arala' k'a ri samaj chikiwech ri e sacerdote y ri e levita: Ri rusujik ri chikop ri niporox chijun ri pa taq nimaq'a' y ri tiqaq'ij, ri sipanik ri niq'alajirisan chi ri winaqi' junan kiwech rik'in ri Dios, ri matioxinik y ri bix ri yebixex chuchi' ri rachoch.

2 Crón 23:9

K'ari' ri Joiadá xujech chike ri aj-raqen pa kiwi' ri aj-labal ri kum y ri jalajoj kiwech tobel ri e richin kan ri rey David ri ek'o kan chupan ri jay richin yakonabel chiri' pa rachoch ri Dios.

2 Crón 23:1

Chupan ri ruwuq juna' richin ri q'atbel-tzij richin ri Atalía, ri Joiadá xk'oje' ruchuq'a' y xuteq k'a koyoxik wo'o' aj-raqen kichin ri aj-labal richin xkitun-ki'. Y rije' kibini'an Azarías ruk'ajol ri Jeroham, Ismael ruk'ajol ri Johanán, Azarías ruk'ajol ri Obed, Maaseías ruk'ajol ri Adaías y ri Elisafat ruk'ajol ri Zicrí.

1 Crón 23:2

Y xerumol k'a konojel ri aj-raqen richin ri tinamit, y ri e sacerdote y ri e levita.

1 Crón 12:28

Chuqa' xapon ri Sadoc jun aj-raqen pa kiwi' ri aj-labal. Rija' man jani k'o k'iy rujuna', y maneq xibinri'il chuwech. Y rija' e rachibilan e juwineq ka'i' aj-raqen ri ek'o pa ruwi' ri tzobaj.

1 Crón 6:44

Y pa rajxokon ri Hemán nik'oje' ri Etán ri jun chik aj-raqen pa kiwi' ri bixanela', y rija' rijatzul kan ri Merarí, ruk'ajol kan ri Quisí, re Quisí re' ruk'ajol kan ri Abdí, re Abdí re' ruk'ajol kan ri Maluc,

1 Crón 9:33

Ek'o chuqa' bixanela' aj-raqen kichin ri aj pa kachoch ri ek'o chiri' chupan ri rachoch ri Dios, y man nikik'en ta re samaj re', roma kan k'o kisamaj chi paq'ij chi chaq'a'.

1 Crón 25:2

Ri Asaf k'o pa kiwi' ri ruk'ajol kibini'an: Jacur, José, Netanías y Asarela. Y rije' xesamej chuxe' rutzij ri rey.

2 Crón 5:12

K'ari' konojel ri e levita ri e bixanela'; ri Asaf, ri Hemán, y ri Jedutún, junan kik'in ri kalk'ual y ri kach'alal e pa'el-apo chiri' pa relebel-q'ij chire ri porobel, kikusan ri kitziaq banon rik'in lino, y kik'uan jalajoj ruwech q'ojom, achi'el ri platillo, ri salterio, y ri arpa. Kik'in rije' ek'o chuqa' 120 sacerdote ri nikixupuj trompeta.

2 Crón 8:14

Ri Salomón chuqa' xuya' pa ruchojmilal ri kisamaj ri e sacerdote. Chuqa' keri' xuben kik'in ri e levita ri yek'oje' pa kiwi' ri nikiya' ruq'ij ri Jehová y yekito' ri e sacerdote rik'in ri nik'atzin chike q'ij-q'ij. Chuqa' keri' xuben kik'in ri yechajin ronojel ri ruchi' ri rachoch ri Jehová; y ronojel re' xuben achi'el rubin kan ri David ri rutata', ri rusamajel ri Dios.

2 Crón 23:18

Ri Joiadá xerucha' k'a kan ri e tata'al kichin ri e sacerdote y ri e levita chiri' pa rachoch ri Jehová, achi'el rubanon kan ri David, richin chi ja rije' ri yeporon ri chikopi' chuwech ri Jehová, achi'el ri tz'ibatel kan chupan ri pixa' ri ruya'on kan ri Moisés; y k'o chi nikiben rik'in bix y rik'in janila kikoten kan achi'el ri ruchojmilal ri ruya'on kan ri David.

2 Crón 35:15

Y ri bixanela' e rijatzul kan ri Asaf chuqa' kan ek'o pa kisamaj achi'el ri pixa' ri ruya'on kan ri David, ri Asaf, ri Hemán y ri Jedutún ri nitz'eton ri peteneq chikiwech, ri nisamej rik'in ri rey. Keri' chuqa' ri chajinela' richin ri ruchi' ri ruwa-jay, man xesilon ta pa kik'ojelibal chijun q'ij roma ri e levita ja rije' ri xekichojmirisaj ronojel ri kichin rije'.

Ez 40:44

Toq jun nel-el pa corredor richin nok-apo chuwa-jay ri chiri' pa xaman, k'o jun chik jay. Y ri ruchi' nitzu'un pa xokon. Y toq jun nel-el pa corredor richin nok-apo chuwa-jay ri chiri' pa xokon, k'o jun chik jay. Y ri ruchi' nitzu'un pa xaman.

1 Rey 10:12

Rik'in ri sándalo, ri rey xeruben grada chire ri rachoch ri Jehová y chire ri rachoch rija'. Chuqa' rik'in ri che' ri' xeruben q'ojom ri rubini'an arpa y salterio, kichin ri bixanela'; y ri chiri' kan man jun bey k'a tz'eton jun samaj rik'in ri che' ri' achi'el ri xuben ri Salomón, ni man jun bey chik xtz'et k'a re wakami.

1 Crón 6:16

Ja' kibi' re' ri e ruk'ajol ri Leví: ri Guersón, ri Quehat y ri Merarí.

1 Crón 13:8

Rokik ri' ri David y konojel ri israelita kan janila k'a xekikot, y e beneq chuwech ri Dios. Y kan rik'in k'a ronojel kuchuq'a' yebixan y yeropiyaj, y nikiq'ojomaj k'a jalajoj ruwech q'ojom achi'el ri arpa, ri salterio, ri tamboril, ri platillo y ri trompeta.

1 Crón 15:28

Keri' k'a konojel ri aj-Israel yekikot kik'uan ri káxa richin ri rujikibel-tzij ri Jehová; y nikireq k'a kichi' roma kikoten. Chuqa' nikixupuj ri trompeta y ri uk'a'; y nikiq'ojomaj ri platillo, ri salterio, y ri arpa.

1 Crón 25:9

Rije' xech'ar k'a pa juwineq kaji' tzobaj, y pa jujun tzobaj xek'oje' e kablajuj achi'a' ri kan kach'alal-ki', richin nikiben ri samaj. Ri rucholajen ri kibi' ri e aj-raqen jare': Ri José, ri Guedalías, ri Zacur, ri Isrí, ri Netanías, ri Buquías, ri Jesarela, ri Isaías, ri Matanías, ri Simí, ri Azarel, ri Hasabías, ri Subael, ri Matatías, ri Jeremot, ri Hananías, ri Josbecasa, ri Hananí, ri Malotí, ri Eliatá, ri Hotir, ri Guidalti, ri Mahaziot y ri Romamti-ézer.

2 Crón 29:13

Chike ri e rijatzul kan ri Elisafán, ja ri Simrí y ri Jehiel. Chike ri e rijatzul kan ri Asaf, ja ri Zacarías y ri Matanías.

2 Crón 29:14

Chike ri e rijatzul kan ri Hemán, ja ri Jehiel y ri Simí, y chike ri e rijatzul kan ri Jedutún xesamej ri Semaías y ri Uziel.

Wuj Richin ri Esdras 2:41

Ri e bixanela' jare': Ri e rijatzul ri Asaf, e 128.

Wuj Richin ri Esdras 6:18

Y ri e sacerdote kan xjach k'a ri samaj pa kiq'a', y kan xkijalala-ki'. Y chuqa' keri' xban kik'in ri e levita richin ri jalajoj ruwech kisamaj ri chiri' pa rachoch ri Dios, achi'el ri tz'ibatel kan chupan ri wuj ri rutz'iban kan ri Moisés.

Wuj Richin Bix Chire ri Dios 81:3

Toq nalex ri ik', kan tixupux k'a ri trompeta, richin nitikeribex ri nimaq'ij, keri' chuqa' tiban toq ri ik' seton-seton rubanon.