1 Crón 24:31 - Kaqchiquel Bible

³¹ Ri Jehová xuk'ut chikiwech ri achoq pa ruwi' xtiqaqa-wi ri kisamaj. Y re' xban chikiwech ri rey David, ri Sadoc, ri Ahimélec y chikiwech ri k'o más kiq'ij ri k'o pa kiwi' ri ek'o pa kachoch ri kitata' y chikiwech ri e tata'al pa kiwi' ri aj pa kachoch ri e sacerdote y ri e levita. Junan k'a xban chike ri e nabey taq tata'aj, y k'a ri e ruk'isibel taq tata'aj.

1 Crón 24:31 ပူးပေါင်းရင်းမြစ်များ

1 Crón 26:13

Y ri Dios xuk'ut k'a chikiwech ri achoq pa ruwi' niqaqa-wi ri samaj ri', stape' e ch'uti'q o e nima'q.

1 Crón 25:8

Y ri Dios xuk'ut chikiwech ri achoq pa kiwi' xtiqaqa-wi ri samaj ri'. Rije' kan xech'ar k'a pa ruchojmilal, stape' e ch'uti'q o e nima'q.

Wuj Richin ri Q'axanri'il 26:56

Kan achi'el k'a xtel chupan ri sakinik, kan ja wi ulew ri' ri xtikichinaj; keri' xtiben kik'in ri tzobaj e nima'q y ri e kokoj.

1 Crón 24:30

Y chike ri e ruk'ajol ri Musí ri jun chik Mahli, ri Éder y ri Jerimot. Rije' e rijatzul kan ri Leví.

2 Crón 1:2

Y rija' xeroyoj k'a konojel ri winaqi' richin xch'on kik'in, xch'on kik'in ri aj-raqen ri ek'o pa kiwi' e 1,000 aj-labal, xch'on kik'in ri aj-raqen ri ek'o pa kiwi' ri e wok'al aj-labal, xch'on kik'in ri achi'a' ri to'onela', xch'on kik'in konojel ri e aj-raqen kichin ri tzobaj y kik'in ri ch'aqa' chik aj-raqen.

2 Crón 31:15

Chuqa' xesamej chik e waqi' achi'a' rik'in ri Coré richin xkitaluj ri sipanik pa kitinamit ri e levita. Jare' ri kibi' ri achi'a': Ri Edén, Miniamín, Jesús, Semaías, Amarías y Secanías. Ja rije' yejachon chike ri e levita rik'in ruchojmilal, y nikiya' chike achi'el rubanik ri kitzobaj, nitiker-el rik'in ri más nim k'a ri más ch'uti'n.