1 Crón 23:6 - Kaqchiquel Bible

⁶ Y ri David xeruch'er k'a ri levita ri' pa taq tzobaj achi'el ri kajlabal ri e ruk'ajol kan ri Leví. Y rije' ja ri Guersón, ri Quehat, y ri Merarí.

1 Crón 23:6 ပူးပေါင်းရင်းမြစ်များ

2 Crón 8:14

Ri Salomón chuqa' xuya' pa ruchojmilal ri kisamaj ri e sacerdote. Chuqa' keri' xuben kik'in ri e levita ri yek'oje' pa kiwi' ri nikiya' ruq'ij ri Jehová y yekito' ri e sacerdote rik'in ri nik'atzin chike q'ij-q'ij. Chuqa' keri' xuben kik'in ri yechajin ronojel ri ruchi' ri rachoch ri Jehová; y ronojel re' xuben achi'el rubin kan ri David ri rutata', ri rusamajel ri Dios.

1 Crón 6:1

Jare' ri e oxi' ruk'ajol kan ri Leví: Ri Guersón, ri Quehat y ri Merarí.

Wuj Richin ri Esdras 6:18

Y ri e sacerdote kan xjach k'a ri samaj pa kiq'a', y kan xkijalala-ki'. Y chuqa' keri' xban kik'in ri e levita richin ri jalajoj ruwech kisamaj ri chiri' pa rachoch ri Dios, achi'el ri tz'ibatel kan chupan ri wuj ri rutz'iban kan ri Moisés.

2 Crón 29:25

Chuqa' ri Ezequías xeruya' pa rachoch ri Jehová, ri e levita richin xkiq'ojomaj jalajoj ruwech taq q'ojom: Ri platillo, ri salterio y ri arpa. Keri' xuben roma ri Dios kan keri' ri xubij kan chike ri David, chire ri Gad ri nitz'eton ri peteneq, y chire ri Natán ri q'alajirisey ruch'abel ri Dios.

1 Crón 6:16

Ja' kibi' re' ri e ruk'ajol ri Leví: ri Guersón, ri Quehat y ri Merarí.

2 Crón 35:10

Toq ronojel k'o chik, jari' toq ri e sacerdote xkinuk'-ki' richin nikiben ri samaj, y ri e levita kan xkik'uaj-ki' pa taq tzobaj achi'el ri ruchojmilal ri rubin ri rey.

2 Crón 31:2

K'ari' ri Ezequías xuch'arala' k'a ri samaj chikiwech ri e sacerdote y ri e levita: Ri rusujik ri chikop ri niporox chijun ri pa taq nimaq'a' y ri tiqaq'ij, ri sipanik ri niq'alajirisan chi ri winaqi' junan kiwech rik'in ri Dios, ri matioxinik y ri bix ri yebixex chuchi' ri rachoch.

1 Crón 26:1

Toq xjach kan ri q'ij richin ri kisamaj ri e aj-raqen richin nikichajij ri ruchi' rachoch ri Dios, kere' k'a rubanik xk'oje' kan: Chike ri e rijatzul ri Coré, ri Meselemías, rumam ri Ebiasaf;

1 Crón 24:1

Ri e ruk'ajol ri Aarón chuqa' xkiben ri kisamaj chupan ri rachoch ri Dios, rije' kibini'an Nadab, Abihú, Eleazar y ri Itamar.

1 Crón 23:7

Ri e ruk'ajol kan ri Guersón ja ri Ladán y ri Simí.

1 Crón 28:13

Chuqa' xuya' kan ri rubanik ri jay kichin ri sacerdote y ri levita toq yesamej chupan ri rachoch ri Dios, y keri' chuqa' xuya' kan ri rubanik ri akuchi yeyak-wi ri samajibel ri ye'ukusex toq niya'ox ruq'ij ri Dios.

2 Crón 23:18

Ri Joiadá xerucha' k'a kan ri e tata'al kichin ri e sacerdote y ri e levita chiri' pa rachoch ri Jehová, achi'el rubanon kan ri David, richin chi ja rije' ri yeporon ri chikopi' chuwech ri Jehová, achi'el ri tz'ibatel kan chupan ri pixa' ri ruya'on kan ri Moisés; y k'o chi nikiben rik'in bix y rik'in janila kikoten kan achi'el ri ruchojmilal ri ruya'on kan ri David.

Wuj Richin ri Q'axanri'il 3:3

Y rije' xewiq rik'in ri tzieq richin xe'ok kan sacerdote.

Wuj Richin ri Q'axanri'il 3:17

Y jare' k'a ri kibi' ri e ruk'ajol kan ri Leví: Ri Guersón, ri Quehat y ri Merarí. Ri kibi' ri e kik'ajol rije' ri kan k'o chik kixjayilal, kalk'ual y kiy-kimam: Ri e ralk'ual kan ri Guersón ja ri Libní y ri Simí. Ri e ralk'ual kan ri Quehat ja ri Amram, Ishar, Hebrón y ri Uziel. Ri e ralk'ual kan ri Merarí ja ri Mahli y ri Musí.

Wuj Richin ri Q'axanri'il 4:4

Ri kisamaj rije' chupan ri wachoch ri richin molojri'il, ja ri nikitz'et ri samajibel ri ek'o chupan.

2 Crón 35:4

Tinuk'u' k'a iwi' achi'el ri iwach'alal-iwi', achi'el ri tz'ibatajineq kan roma ri rey David y ri Salomón ri ruk'ajol.