1 Crón 23:5 - Kaqchiquel Bible

⁵ e 4,000 chajinela' richin nikichajij ri ruchi' ri rachoch ri Dios, y e 4,000 chik ri yeya'on ruq'ij ri Dios rik'in jalajoj ruwech q'ojom, ri xuteq kibanik ri David.

1 Crón 23:5 ပူးပေါင်းရင်းမြစ်များ

Am 6:5

Ye'itz'ukula' bix achi'el xuben ri ánima David, bix ri xa man jun rejqalen. Y kan yixbixan rik'in arpa.

Wuj Richin Bix Chire ri Dios 87:7

Konojel k'a bixanela' y q'ojomanela' ri ek'o chupan ri tinamit ri' xtikibij: Ronojel ri kikoten ri k'o kik'in kan rik'in ri Sión nipe-wi, xkecha'.

2 Crón 8:14

Ri Salomón chuqa' xuya' pa ruchojmilal ri kisamaj ri e sacerdote. Chuqa' keri' xuben kik'in ri e levita ri yek'oje' pa kiwi' ri nikiya' ruq'ij ri Jehová y yekito' ri e sacerdote rik'in ri nik'atzin chike q'ij-q'ij. Chuqa' keri' xuben kik'in ri yechajin ronojel ri ruchi' ri rachoch ri Jehová; y ronojel re' xuben achi'el rubin kan ri David ri rutata', ri rusamajel ri Dios.

Wuj Richin ri Nehemías 7:73

Y ri e sacerdote, ri ch'aqa' chik levita, ri e chajiy ruchi' ri rachoch ri Dios, ri bixanela', ri samajela' richin ri rachoch ri Dios y k'iy winaqi' judío xebek'oje' pa taq kitinamit. Chupan k'a ri ik' wuqu' toq xkichojmirisala' yan qa ri kachoch ri nuwinaq pa taq kitinamit, jari' toq

Wuj Richin ri Esdras 7:7

Y chupan ri juna' wuqu' toq niq'aton-tzij ri rey Artajerjes, xebe rik'in ri Esdras pa Jerusalem jun tzobaj israelita, ch'aqa' e sacerdote, e levita, e bixanela', ri e kijatzul ri yechajin ri ruchi' ri rachoch ri Dios y chuqa' ri kijatzul ri xesamej chiri'.

2 Crón 35:15

Y ri bixanela' e rijatzul kan ri Asaf chuqa' kan ek'o pa kisamaj achi'el ri pixa' ri ruya'on kan ri David, ri Asaf, ri Hemán y ri Jedutún ri nitz'eton ri peteneq chikiwech, ri nisamej rik'in ri rey. Keri' chuqa' ri chajinela' richin ri ruchi' ri ruwa-jay, man xesilon ta pa kik'ojelibal chijun q'ij roma ri e levita ja rije' ri xekichojmirisaj ronojel ri kichin rije'.

1 Crón 16:38

Chuqa' xuya' kan ri Obed-edom y ri e wok'al waqxaqi' rachibil ri e beneq rik'in. Chuqa' rik'in jun chik Obed-edom, ruk'ajol ri Jedutún, y ri Hosá, xuya' kan richin nikichajij ri ruchi' ri jay.

1 Crón 9:33

Ek'o chuqa' bixanela' aj-raqen kichin ri aj pa kachoch ri ek'o chiri' chupan ri rachoch ri Dios, y man nikik'en ta re samaj re', roma kan k'o kisamaj chi paq'ij chi chaq'a'.

1 Rey 10:12

Rik'in ri sándalo, ri rey xeruben grada chire ri rachoch ri Jehová y chire ri rachoch rija'. Chuqa' rik'in ri che' ri' xeruben q'ojom ri rubini'an arpa y salterio, kichin ri bixanela'; y ri chiri' kan man jun bey k'a tz'eton jun samaj rik'in ri che' ri' achi'el ri xuben ri Salomón, ni man jun bey chik xtz'et k'a re wakami.

2 Rey 7:10

Xebe k'a, y xesik'in-apo chike ri chajinela' richin ri ruchi' ri tinamit, y xkibij-apo chike: Roj xojbe akuchi ek'o-wi-qa ri aj-Siria, y xqatz'et kan chi man jun chik wineq k'o chiri', ni man jun chik ch'abel xqak'axaj; xaxe chik k'a ri kiej y ri bur ri e ximil kan chiri'. Ri akuchi xek'oje-wi, kan man jun naqon chire, xecha'.

1 Crón 16:4

Chirij ri' ri David xerucha' k'a kan ri e levita richin yesamej chuwech ri káxa richin ri Jehová, richin nikibixaj ri rubi', y nikiya' ruq'ij-ruk'ojlen ri Jehová, ri Dios richin Israel.

1 Crón 23:30

Y ek'o levita ri ye'ok chupan ri rachoch ri Dios ronojel q'ij ri nimaq'a' yan y ri tiqaq'ij richin nikimatioxij chire ri Jehová y nikiya' ruq'ij,

2 Crón 20:28

Toq xe'apon pa Jerusalem, xebe pa rachoch ri Jehová y xkiq'ojomaj jalajoj ruwech q'ojom achi'el ri salterio, ri arpa y ri trompeta.

2 Crón 34:13

Ja rije' ri ek'o pa kiwi' ri ye'ejqanej, y chuqa' pa kiwi' ri ch'aqa' chik samajela'. Chikikojol ri e levita ri' ek'o k'a aj-tz'ib, aj-raqen pa ruwi' ri ruwach'ulew y chajinela'.

Wuj Richin ri Isaías 64:10

Ri tinamit ri ek'o pa qaruwach'ulew xa kan xetole' k'a kan. Ri tinamit Sión xa kan xok kan jun tz'iran ruwach'ulew, y tolan-tolan xuben kan.