1 Crón 23:29 - Kaqchiquel Bible

²⁹ Y chuqa' ja rije' ri yechojmirisan ri kaxlan-wey chuwech ri mesa. Keri' chuqa' ri ye'etan ri k'ej chayun richin ri sipanik, y richin ri kaxlan-wey ri maneq ch'amilej-q'or rik'in. Chuqa' rije' xeya'ox richin xkichaq'arisaj ri kaxlan-wey pa sartén, y chuqa' nikiwotz'otz'ij.

1 Crón 23:29 ပူးပေါင်းရင်းမြစ်များ

Ex 25:30

Kan jantape' k'a xtiya'ox ri kaxlan-wey pa ruwi' ri mesa, chinuwech yin, richin jun sipanik.

Hebreos 9:2

Y ri jay banon rik'in tzieq, kere' k'a rubanik: Chupan k'a ri nibix loq'olej chire k'o ri candelabro y k'o chuqa' ri mesa richin ri kaxlan-wey ri nisuj chire ri Dios.

San Mateo 12:4

Rija' xbe chukanoxik wey chiri' pa rachoch ri Dios, y kan ja ri kaxlan-wey ri sujun chuwech ri Dios ri xkitej. Y re' xa kan man ruk'amon ta chi xutej rija' ni ri e rachibil, xaxe ri sacerdote ri kan k'o kiq'a' chire richin nikitej.

Wuj Richin ri Nehemías 10:33

Ri kaxlan-wey ri kan richin pa rachoch ri Dios, ri sipanik richin jalajoj ruwech ixin ri yesipex ronojel q'ij, ri taq chikopi' ri yeporox jumul ronojel q'ij, ri taq chikopi' ri yesuj chupan ri q'ij richin uxlanenri'il, ri niban toq k'ak'a' ik' y ri ch'aqa' chik nimaq'ij ri niban ronojel juna', ri sipanik ri kan ek'o rejqalen, ri kamelabel ri niban richin kuyubel qamak y richin ronojel ilinik ri niban pa rachoch ri Dios.

2 Crón 29:18

Chirij re', k'ari' xe'ok-apo chupan ri jay akuchi nuq'et-wi-tzij ri rey Ezequías y xkibij chire: Xqach'ajch'ojirisaj yan ronojel ri rachoch ri Jehová y chuqa' ri porobel ri akuchi yesuj-wi chikopi' rachibilan ronojel ri samajibel. Xqach'ajch'ojirisaj chuqa' ri mesa akuchi yenuk'-wi ri kaxlan-wey rachibilan ronojel rusamajibal.

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

1 Rey 7:48

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq, y jare': Ri nima-porobel-pom y ri ch'aqa' chik kokoj porobel-pom, Ri mesa ri niya'ox ri kaxlan-wey pa ruwi' ri nisuj chire ri Dios, Ri lajuj candelabro ri nibe aceite chupan ri e banon kotz'i'j chirij, y xeruya' chupan ri nima-jay chupan ri rachoch ri Jehová, wo'o' pa rijkiq'a' ri jay ri' y wo'o' pa rajxokon, Ri ch'aqa' chik lámpara, ri chojmirisabel ri kiq'aq'al y ri chupbel, Ri jalajoj kiwech bojo'y, ri cuchara y Ronojel ri bisagra richin ri nima'q taq ruchi-jay richin ri rachoch ri Jehová.

Wuj Richin ri Q'axanri'il 3:50

y ri saqipueq ri xumol kan ri Moisés xuben juwineq wolajuj libra achi'el ri etabel ri nukusex chupan ri rachoch ri Jehová.

Wuj Richin ri Chojmirisabelri'il 7:9

Keri' chuqa' nikiben rik'in ri sipanik ri banon rik'in k'ej ri niban rik'in jalajoj ruwech ixin ri nichaq'arisex pan horno o pa jun lik'ilik bojo'y o pa jun xot. Kan nok k'a kan richin rija'.

1 Crón 23:28

Xek'oje' k'a kan ri e rijatzul ri Aarón chuxe' kitzij ri e sacerdote, richin yesamej pa rachoch ri Dios. Ja rije' ri yejosq'in ri ruwa-jay y ri pa jay, y nikich'ajch'ojirisaj ri samajibel ri yekusex toq niya'ox ruq'ij ri Dios, y keri' chuqa' ri ch'aqa' chik samaj ri niban chiri'.

1 Crón 23:30

Y ek'o levita ri ye'ok chupan ri rachoch ri Dios ronojel q'ij ri nimaq'a' yan y ri tiqaq'ij richin nikimatioxij chire ri Jehová y nikiya' ruq'ij,