1 Crón 23:24 - Kaqchiquel Bible

²⁴ Jare' ri e rijatzul kan ri Leví ri e aj-raqen pa kiwi' ri e aj pa kachoch y ri tz'ibatel kan ri kibi' toq xe'ajlex. Konojel re achi'a' re' k'o juwineq kijuna' pa jotol y yesamej pa rachoch ri Dios.

1 Crón 23:24 ပူးပေါင်းရင်းမြစ်များ

1 Crón 23:3

Xe'ajlex k'a ri e levita ri k'o juwineq lajuj kijuna' pa jotol. Xk'achoj ri kajlaxik, y ek'o k'a 38,000 achi'a'.

Wuj Richin ri Q'axanri'il 10:21

Y chikij rije' k'o chi yebe ri e rijatzul ri Quehat. Y ja rije' ye'uk'uan ronojel ri ye'ukusex chupan ri rachoch ri Dios. Y toq rije' ye'apon ri akuchi yek'oje-wi-qa, ri levita ri ye'uk'uan ri rachoch ri Dios k'o chi kipaban chik k'a q'anej ri jay ri'.

Wuj Richin ri Q'axanri'il 10:17

Y toq ri e kijatzul ri Guersón y ri Merarí kisolon chik ri rachoch ri Dios, nikik'uaj k'a el ronojel y nikichop-el binen roma kan jari' ri kisamaj.

Wuj Richin ri Q'axanri'il 4:3

Ke'iwajlaj k'a konojel ri k'o juwineq lajuj kijuna' k'a kawineq lajuj, richin nikiben ri samaj chupan ri wachoch richin molojri'il.

Wuj Richin ri Esdras 3:8

Chupan ri ruka'n ik' chire ri ruka'n juna' toq xetzolin pa Jerusalem, jari' toq xkimol-ki' ri Zorobabel ruk'ajol ri Salatiel, y ri Josué ruk'ajol ri Josadac y ri e sacerdote, ri e levita ri e kachibil toq xetzolin. Rije' xekiya' ri e levita ri k'o chik juwineq kijuna', richin yek'oje' pa ruwi' ri samaj richin xkiben-q'anej ri rachoch ri Jehová. Rije' y konojel ri ch'aqa' chik winaqi' ri xetzolin-pe xkichop chik q'anej rupabaxik ri rachoch ri Dios.

Wuj Richin ri Q'axanri'il 8:24

Jare' ri niqaqa pa kiwi' ri levita: Ri k'o juwineq wo'o' kijuna' pa jotol, jari' ri yesamej chupan ri wachoch.

1 Crón 23:27

Keri' k'a ri runojibal ri David chi xtz'ibex ri kibi' y ri kajlabal chikikojol ri e rijatzul kan ri Leví ri k'o juwineq kijuna' pa jotol.

Wuj Richin ri Q'axanri'il 3:47

kan k'o k'a chi nitoj ka'i' onza saqipueq richin chi yekikol chikijujunal. Y ri saqipueq kan k'o chi nipajon achi'el ri etabel ri nukusex chupan ri wachoch yin.

Wuj Richin ri Q'axanri'il 3:15

Ke'awajlaj k'a konojel ri kach'alal-ki' ri ek'o chupan ri tzobaj richin ri Leví, chuqa' ri k'o jun kik' pa jotol, xcha' ri Jehová.

Wuj Richin ri Q'axanri'il 2:32

Ja konojel achi'a' re' ri xe'ajlex richin ri tinamit Israel, achi'el ri kach'alal-ki'. Chijun ri kajlabal ri aj-labal ek'o e 603,550.

Wuj Richin ri Q'axanri'il 1:18

Y k'ari' xekimol k'a konojel ri winaqi', chupan ri nabey q'ij chire ri ruka'n ik' y xkitz'ibaj k'a kibi' achi'el ri kajlabal chi kach'alal-ki'. Xkitz'ibaj k'a kibi' ri achi'a' ri k'o juwineq kijuna' pa jotol.

Wuj Richin ri Q'axanri'il 4:23

konojel ri k'o juwineq lajuj kijuna' k'a kawineq lajuj, richin nikiben ri kisamaj chupan ri wachoch richin molojri'il.

1 Crón 23:23

Ri Musí xek'oje' e oxi' ruk'ajol: ri Mahli, ri Éder y ri Jeremot.

2 Crón 31:17

Ri e sacerdote kan tz'iban k'a kibi' chupan ri wuj achi'el ri kibi' kan ri kite-kitata', y chuqa' xtz'ibex ri kibi' ri e levita ri k'o juwineq kijuna' pa jotol achi'el rubanik ri kisamaj.

Wuj Richin ri Q'axanri'il 18:5

Jak'a rix ri k'o chi yixpa'e' chuwech ri samaj richin ri wachoch yin y chuqa' ri samaj rik'in ri porobel, richin chi man niyakatej ta chik woyowal pa kiwi' ri iwinaq israelita.

Wuj Richin ri Nehemías 7:1

Toq ri tz'aq xpa'e' chik el jun bey y xeyolox ri ruchi', jari' toq xecha'ox chuqa' ri yechajin ri ruchi' y xecha'ox chuqa' ri bixanela' y ri ch'aqa' chik levita ri yebanon jalajoj ruwech samaj.