1 Crón 23:13 - Kaqchiquel Bible

¹³ Ri e ka'i' ruk'ajol ri Amram ja ri Aarón y ri Moisés. Ri Aarón xcha'ox richin nusuj ri sipanik ri yejach chire ri Dios, y richin nuporoj pom chuwech ri Jehová. Kan nusamajij, y kan pa rubi' ri Dios nuya' urtisanik. Ronojel re' ja re' ri samaj ri k'o chi nikiben ri Aarón y ri e rijatzul richin q'asen.

1 Crón 23:13 ပူးပေါင်းရင်းမြစ်များ

Deut 21:5

Ri sacerdote ek'o chiri' richin nikitz'et ronojel, roma ja rije' ri e rucha'on kan ri Jehová ri qa-Dios, richin nikisamajij y richin nikiya' urtisanik pa rubi' rija' y ja ri kich'abel rije' ri nibanatej, pa ruwi' ronojel oyowal o ch'ojinik.

Ex 6:20

Ri Amram xk'ule' rik'in ri ruch'utite', ri rubini'an Jocabed y jare' ri kite' ri Aarón y ri Moisés. Y ri Amram xk'ase' 137 juna'.

1 Sam 2:28

Chikikojol k'a konojel ri tzobaj richin ri Israel, yin xixincha' rix richin xixok nu-sacerdote richin nisuj kamelabel pa ruwi' porobel y niporoj pom chinuwech y richin nikusaj ri tzieq banon rik'in lino, retal ri isamaj. Y xinya' q'ij chike ri aj pa kachoch ri iwati't-imama' richin nikik'en kan juba' chire ronojel sipanik ri nikisuj ri nutinamit.

Apocalipsis 8:3

Y xintz'et k'a chi peteneq jun chik ángel y ruk'amon-pe jun porobel-pom ri banon rik'in q'anapueq, y choj xbepa'e' chuwech-apo ri porobel ri banon chuqa' rik'in q'anapueq ri k'o-apo chuwech ri akuchi tz'uyul-wi ri Dios. Y xbejach k'a pe k'iy pom chire, ri xxol rik'in ri kich'owen ri ralk'ual ri Dios, richin chi xsuj pa ruwi' ri porobel ri'.

Hebreos 5:4

Man jun k'a wineq ri choj ta keri' nok nimalej sacerdote y nik'oje' ta ruq'ij, xa kan k'o chi cha'on roma ri Dios, achi'el ri Aarón.

Gálatas 1:15

Xa kan k'a man jani kinalex,*f1* ja yan ri' xirucha' ri Dios, y rik'in ri rutzil xiroyoj.

Romanos 1:1

Yin Pablo, rusamajel ri Jesucristo. Ri Dios ri xiroyoj richin xinok jun taqon roma ri Cristo, y xiruch'er richin nintzijoj ri utzilej ch'abel ri nik'amon-pe kolotajik,

Hechos 13:2

Jun q'ij, rokik nikiya' ruq'ij ri Dios y yemewayin, ri Loq'olej Espíritu xubij k'a chike: Ri Bernabé y ri Saulo kan k'o jun kisamaj nuchojmirisan chik yin. Roma ri' ke'ich'ara' kan richin ri samaj ri', xcha'.

San Lucas 1:9

Ri q'ij ri' pa ruwi' ri Zacarías xqaqa-wi richin chi ja rija' ri k'o chi nok-apo pa rachoch ri Dios richin chi nuporoj ri pom. Y re' achi'el rubanik ri kan kibanon-pe ri samaj richin sacerdote.

Wuj Richin Bix Chire ri Dios 106:16

Xch'upun kik'u'x chirij ri Moisés chiri' akuchi ek'o-wi-qa, keri' chuqa' xkiben chire ri Aarón, ri kan cha'on roma ri Jehová.

Wuj Richin Bix Chire ri Dios 99:6

Ri Moisés y ri Aarón kan jeri' ri xe'ok ru-sacerdote, Ri Samuel jari' ri nich'on pa kiwi' ri winaqi' rik'in rija'. Rije' kan xech'on k'a rik'in ri Jehová, y rija' kan xerak'axaj k'a pe.

1 Crón 6:3

Jare' ri e oxi' ralk'ual kan ri Amram: Ri Aarón, ri Moisés y ri María. Jare' ri e kaji' ruk'ajol kan ri Aarón: Ri Nadab, ri Abihú, ri Eleazar y ri Itamar.

Wuj Richin ri Q'axanri'il 26:59

Y re Amram re' xk'ule' rik'in jun rijatzul kan ri Leví, ri rubini'an Jocabed, ri xalex toq kan k'a k'o na ri chiri' pan Egipto. Y re ixoq re' xek'oje' e oxi' ral, e ralk'ual ri Amram, ri xkibini'aj Aarón, Moisés y María.

Wuj Richin ri Q'axanri'il 18:1

Y ri Jehová xch'on chik rik'in ri Aarón y xubij chire: Tataqa' kik'amik ri ch'aqa' chik levita y ja rije' ri xketo'on awichin, rokik rat y ri e ak'ajol yixsamej-apo chupan ri wachoch. Kan ja rat, ri e ak'ajol y ri ch'aqa' chik levita ri xkixejqalen ronojel ri man utz ta nibanatej chupan ri wachoch. Jak'a ronojel ri man utz ta ri xtikiben ri sacerdote, kan xaxe k'a rat y ri e ak'ajol ri xkixejqalen.

Wuj Richin ri Q'axanri'il 3:27

Ri e kaji' ruk'ajol kan ri Quehat, xkiben kaji' tzobaj y jare' ri kibi': Ri Amram, ri Ishar, ri Hebrón y ri Uziel.

Wuj Richin ri Chojmirisabelri'il 10:10

Y keri' xtiben richin niya' rukojol ri ch'ajch'oj y ri man ch'ajch'oj ta, y chuqa' ri rukojol ri e ch'aron chuwe yin y ri e choj relik.

Ex 29:44

Ri wachoch y ri porobel kan xkench'er k'a richin chi ye'ok wichin yin y keri' chuqa' xtinben rik'in ri Aarón y ri e ruk'ajol, kan xke'ok nusamajela' roma ye'ok nu-sacerdote.

1 Crón 23:12

Ri e kaji' ruk'ajol ri Quehat, ja ri Amram, ri Ishar, ri Hebrón y ri Uziel.

Ex 28:36

Chuqa' tibana' jun ti tz'ajtz'ik q'anapueq, ri kan jebel ch'ajch'oj. Y chuwech ri' tibana-wi ri tzij ri nubij: RI KAN RICHIN RI JEHOVÁ.

Deut 10:8

Chupan ri q'ij ri' ri Jehová xucha' ri tzobaj richin kan ri Leví richin chi ja rije' ri ye'uk'uan ri káxa richin ri rujikibel-tzij, y richin nikisuj kamelabel y nikik'utuj urtisanik pa qawi', achi'el nikiben k'a re q'ij re'.

1 Crón 6:34

ri Samuel ruk'ajol kan ri Elcaná, ri Elcaná ruk'ajol kan ri Jeroham, ri Jeroham ruk'ajol kan ri Eliel, ri Eliel ruk'ajol kan ri Tóah,