1 Crón 22:5 - Kaqchiquel Bible

⁵ Ri David xuben ronojel re' roma xuch'ob chi ri Salomón ri ruk'ajol man jani k'o retamabal richin nupaba-q'anej ri rachoch ri Jehová akuchi niya'ox-wi ruq'ij-ruk'ojlen, roma ri jay ri' k'o chi niban janila nim chire y kan xtel k'a rutzijol chuwech chijun ruwach'ulew chi kan jebel ok rubanik. Y roma ri' ri David xeruchojmirisala' k'a kan pa ruk'iyal ronojel ri nik'atzin chire ri rachoch ri Dios.

1 Crón 22:5 ပူးပေါင်းရင်းမြစ်များ

1 Crón 29:1

Chirij ronojel ri' ri rey David kere' xubij chike konojel ri winaqi': Ri Dios xcha'on ri nuk'ajol Salomón, jak'a rija' jun ala' k'a ko'ol ok y ri samaj janila nim, roma ri jay ri' man achi'el ta ok jun xabachike jay. Re' kan rachoch ri Jehová Dios.

1 Rey 3:7

Wakami k'a Jehová Dios wajaw yin, rat xinaya' pa ruk'exel kan ri nata' richin ninq'et-tzij, stape' k'a in ala' na y man jani k'o nuna'oj, y kan man jun wetamabal.

San Juan 13:1

Toq noqaqa yan ri q'ij richin ri nimaq'ij toq nikinataj toq ri Dios xuya' ri Solbelri'il, ri Jesús retaman chik k'a chi noqaqa yan ri hora richin chi rija' nel-el wawe' chuwech re ruwach'ulew y nitzolin chila' chikaj rik'in ri Dios, ri rutata'. Ri Jesús kan janila wi e rajowan-pe konojel ri kan e richin chik rija' ri ek'o wawe' chuwech re ruwach'ulew, y kan keri' xuben janipe' xk'oje-el.

San Juan 3:30

Kan xaxe k'a ri Jesús ri ruk'amon chi ninimer ruq'ij, jak'a yin xa más utz chi nich'utiner nuq'ij, xcha'.

San Juan 9:4

Rokik ri paq'ij, kan utz wi chi ninben ri rusamaj ri taqayon-pe wichin roma toq nok-pe ri aq'a', konojel man yetikir ta chik yesamej.

San Lucas 21:5

Ek'o k'a ri kichapon tzij chirij ri rachoch ri Dios. Y nikibila' k'a chi janila jebel rubanik, roma ruyon jebelej taq abej ri e ukusan richin banon. Y rik'in ri sipanik ri kisujun ri winaqi' chire ri Dios. Jak'a ri Jesús xubij chike:

Wuj Richin ri Hageo 2:9

Ri ruka'n rachoch kan más k'a jebel xtiban chire chuwech ri nabey. Y chupan ri jay ri', rija' xtuya' uxlanibel-k'u'x, nicha' ri Jehová ri k'o ronojel uchuq'a' pa ruq'a', xcha' ri Hageo.

Wuj Richin ri Hageo 2:3

¿K'o kami jun chiwe rix ri xk'oje' wawe' ojer kan, ri tz'eteyon ta re jay re' y ri jebelej rubanik pa rutikeribel? Y ¿achike k'a rubanon ri nitz'et wakami? ¿Man nuk'en ta pe q'axo'n pan iwánima roma la rubanon?

Ez 7:20

Kan inimirisan k'a iwi' rik'in ri jebelej taq ruwi-ixkinaj, retz'aba'l ruwi' q'abaj, ichinaj; y rik'in ri' xe'ibanala-q'anej wachibel ri kan yenwixowaj yin. Y roma ri' yin kan xtinben q'ayis chire ronojel re'.

Wuj Richin ri Isaías 64:11

Roj y ri qati't-qamama' xqaya' aq'ij chupan ri awachoch akuchi k'o-wi ri ak'ojlen. Jak'a re wakami xa kan xk'is yan roma ri q'aq'. Ronojel ri ek'o qik'in ri taq e jebel ok, kan xek'is.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.

Wuj Richin ri Esdras 3:12

Jak'a e k'iy chike ri rijita'q taq sacerdote, levita y ri aj-raqen kichin ri winaqi', ri kan kitz'eton ri nabey rachoch ri Jehová Dios; toq nikitz'et chi xkichop chik q'anej ri rachoch ri Dios, rije' rik'in uchuq'a' xe'oq' roma bis. Y kan keri' k'a chuqa' e k'iy ri kan yesik'in roma kikoten.

2 Crón 13:7

Xkimol k'a ki' rik'in rija' achi'a' ri janila e q'ori' y e banoy taq etzelal. Ri achi'a' ri' kan xkipaba' k'a ki' chuwech ri Roboam, roma man jani k'iy ta rujuna', y chuqa' man jani k'o runa'oj; roma ri' man xtikir ta xpa'e' kow chikiwech.

2 Crón 7:21

Y stape' wakami re wachoch kan jun nimalej jay, rik'in juba' jun q'ij ri winaqi' ri xkeq'ax xa jun wuluwik jay ri xtikitz'et. Xtikimey y xtikik'utula' chikiwech: ¿Achike roma kere' xuben ri Jehová rik'in re ruwach'ulew re'? ¿Y Achike roma kere' xuben chire re jay re kan richin rija'?, xkecha'.

2 Crón 2:5

Y ri jay richin ri Dios ri xtinpaba-q'anej kan janila nim, roma ri qa-Dios kan janila nim ruq'ij chikiwech ch'aqa' chik dios.

1 Rey 9:8

Y stape' wakami re wachoch kan jun nimalej jay, rik'in juba' jun q'ij ri winaqi' ri xkeq'ax xa jun wuluwik jay ri xtikitz'et. Y xtikimey y xtikik'utula' chikiwech: ¿Achike roma kere' xuben ri Jehová rik'in re ruwach'ulew re'? ¿Y achike roma kere' xuben chire re jay re kan richin rija'?, xkecha'.

Wuj Richin Etamabel-Tzij 4:3

Roma yin chuqa' xinok ak'ual y xik'oje' pa rachoch ri nata'; kan nuyon k'a yin ri xik'oje' rik'in ri nte', roma ri' kan janila k'a xirajo'.

2 Crón 2:4

Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.

2 Crón 2:8

Chuqa' chiri' pa Líbano ek'o tiox-che', k'isis y che' sándalo. Ke'ataqa-pe chuwe roma wetaman chi ri asamajela' kan ketaman nikisamajij ri che' ri'. Y ri nusamajela' yin xkebe kik'in ri asamajela' rat