1 Crón 22:19 - Kaqchiquel Bible

¹⁹ Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

1 Crón 22:19 ပူးပေါင်းရင်းမြစ်များ

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Deut 4:29

Jak'a wi rix kan nikanoj ri Jehová ri qa-Dios rik'in ronojel ri iwánima y rik'in ronojel ik'u'x, kan xtiwil.

1 Crón 16:11

Tiqakanoj k'a ri Jehová ri k'o janila uchuq'a' rik'in; Kan tiqakanoj k'a jantape'.

Wuj Richin Bix Chire ri Dios 27:4

Yin kan k'o k'a jun ri nuk'utun chire ri Jehová; y kan jari' ri xtinkanoj; chi yin kan xkik'oje' ta chupan ri rachoch ronojel q'ij chire ri nuk'aslen, richin chi ninmey ri ruk'ojlemal y yich'on rik'in chupan ri rachoch.

1 Crón 22:7

y xubij chire: Nuk'ajol yin, janila xurayij ri wánima richin xinpaba' ta q'anej ri rachoch ri Jehová ri qa-Dios;

2 Crón 5:7

Ri sacerdote xkiya-apo ri káxa richin ri rujikibel-tzij ri Jehová chupan ri jay ri xban akuchi nik'oje-wi ri Jehová, ri akuchi kan man jun wineq nok-apo, chuxe' ri kixik' ri querubín,

1 Rey 8:6

K'ari' ri e sacerdote xkikusaj k'a apo ri káxa richin ri rujikibel-tzij ri Jehová chupan ri k'ak'a' rachoch, ri chiri' chupan ri jay akuchi kan man jun wineq nok-apo, y xkiq'eba' kan chiri' chuxe' ri kixik' ri querubín.

1 Rey 8:21

Yin xinben k'a jun jay ri akuchi nik'oje-wi ri káxa richin ri rujikibel-tzij ri Jehová, y re jikibel-tzij re' xuben kik'in ri qate-qatata' toq xerelesaj-pe pan Egipto, xcha' ri Salomón.

Hechos 22:16

¿Utz kami abanon chi kela' atk'o-qa y ri q'ij junanin beneq? Kabiyin k'a richin niqasex ya' pan awi', y tanimaj rubi' ri ajaw Jesús, richin nikuyutej ri amak, xcha' chuwe.

2 Crón 6:11

Y chupan k'a ri' xinya-wi ri káxa ri akuchi k'o-wi kan ri jikibel-tzij ri xuben ri Jehová kik'in ri qati't-qamama', xcha' ri Salomón.

2 Crón 20:3

Toq ri Josafat xrak'axaj keri', xuk'en janila rukiy y kan jari' xuk'ulubej ri Jehová; y chuqa' xutaluj rutzijol chupan ri rajawaren chi konojel winaqi' kemewayin.

1 Rey 5:3

Rat awetaman jebel chi ri David ri nata', man xtikir ta xpaba' kan jun rachoch ri Jehová ri qa-Dios, roma rija' ja ri labal kik'in ri e etzelanel kichin ri xerubanala', k'a ri q'ij toq ri Jehová xerujech pa ruq'a'.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Wuj Richin ri Hageo 1:5

Roma ri' yin Jehová ri k'o ronojel uchuq'a' wik'in ninbij: Tich'obo' jebel wi utz ri yixajin chubanik.

Dn 9:3

Yin kan xich'on k'a rik'in ri Dios ri wajaw richin chi xink'utuj utzil chire pa kiwi' ri nuwinaq. Ximewayin k'a, xinkusaj k'a qirix taq tzieq y xitz'uye' pa chaj richin chi rija' xirak'axaj.

Wuj Richin ri Isaías 60:1

Ri Jehová nubij: Kixyakatej k'a rix aj-Sión, y kan xkixkikot roma ri wutzil kan xtiyik'lun pan iwi'. Chuqa' kan xto'alex ri nuk'ojlen yin Jehová pan iwi'.

1 Crón 22:16

rik'in q'anapueq, ri saqipueq, rik'in q'enq'oj-pueq y ri q'eqapueq. Ek'o e k'iy samajela' ri man yatikir ta nawajlaj. Kan kasamej k'a pa rachoch ri qa-Dios y ja rija' xkato'on, xcha' ri David.

Wuj Richin Bix Chire ri Dios 14:2

Ri Jehová nitzu'un-pe k'a chila' chikaj pa kiwi' ri winaqi', richin chi nutz'et wi k'o ta jun aj-na'oj, jun ri kan nikanon ri Dios.

Wuj Richin ri Jeremías 29:13

Xkinikanoj y kan xkiniwil, roma rix kan xkinikanoj rik'in ronojel iwánima.

Ex 25:8

Y xeri' ri awinaq kan tikibana' k'a jun jay ri kan wichin yin, richin chi chiri' yinok'oje-wi-qa ri chi'ikojol.

1 Crón 16:10

Kan tiqanimirisaj-qi' roma ri nimalej rubanobal rija'. Kan tikikot k'a ri qánima ri yojkanon richin ri Jehová.

Wuj Richin Bix Chire ri Dios 119:2

Jebel ruwa-kiq'ij ri kan nikitaqej ri ruk'utun kan ri Dios, ri kan rik'in ronojel kánima nikikanoj.

Wuj Richin ri Hageo 1:8

Kixjote' k'a pa ruwi' ri juyu', y tik'ama-pe ri che' richin nipaba' chik jun bey ri wachoch, roma re' niqa' chinuwech y nuya' nuq'ij.