1 Crón 22:18 - Kaqchiquel Bible

¹⁸ Y ri David xubij chike: Ri Jehová ri qa-Dios kan k'o-wi qik'in, y ruya'on uxlanibel-k'u'x xabakuchi, roma rija' kan xerujech yan pa nuq'a' konojel ri winaqi' richin chijun ruwach'ulew. Y re ruwach'ulew re' kan xk'oje' kan chuxe' rutzij ri Jehová y ri rutinamit.

1 Crón 22:18 ပူးပေါင်းရင်းမြစ်များ

1 Crón 23:25

Ri David rubin k'a: Ri Jehová ri qa-Dios roj ri oj aj-Israel xuya' yan uxlanibel-k'u'x chiqe, y rija' kan xtik'oje' chiri' pa Jerusalem richin q'asen.

1 Crón 22:9

Chuqa' xubij chuwe chi xtik'oje' jun nuk'ajol, y kan xtok jun achin richin uxlanibel-k'u'x, roma ri Dios xtuya' uxlanibel-k'u'x rik'in, y ri e etzelanel richin man jun xtikiben chire. Y roma ri' xubij chi xtubini'aj Salomón.*f8* Y chi chupan ri ruq'atbal-tzij kan xtik'oje' k'a uxlanibel-k'u'x y uxlanenri'il wawe' pan Israel.

2 Sam 7:1

Kere' k'a xbanatej toq ri rey David k'o chik pa rachoch, toq ri Jehová xuya' yan uxlanenri'il chire chikiwech ri e etzelanel richin ri ek'o chunaqaj.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Hechos 9:31

Y ri q'ij ri', ri molaj qach'alal ri ek'o pa taq tinamit ri chiri' pa Judea, ri Galilea y ri Samaria, man k'a nikik'owisaj ta chik tijoj-poqonal. Xa kan kichapon k'a k'iyinen chupan ri ruch'abel ri Dios, y k'o ruq'ij y rejqalen ri ajaw chikiwech. Xek'iyer janila roma ri ruchuq'a' ri Loq'olej Espíritu.

1 Sam 25:28

Yin nink'utuj utzil chawe richin takuyu' numak yin ri in samajel, roma kan jikil chi ri Jehová xtuben chawe chi ri aq'atbel-tzij xtijike' kik'in ri awijatzul. Xtuben kere' roma rat kan ja wi ri oyowal richin rija' naben. Y man jun ta k'a etzelal xtaqajbej chupan chijun ri ak'aslen.

Wuj Richin ri Josúe 23:1

Ri Jehová xuya' uxlanenri'il chike ri israelita pa kiq'a' ri e etzelanel kichin, y toq xq'ax yan k'iy juna', ri Josué janila chik ri'j.

Wuj Richin ri Josúe 22:4

Roma rija' wakami xuya' yan uxlanenri'il chiqakojol achi'el ri rusujun chiqe. Wakami k'a kixtzolej pa taq iwachoch chupan ri iruwach'ulew ri ruya'on kan chiwe ri Moisés ri rusamajel ri Jehová. Kixtzolej k'a pan iruwach'ulew ri k'o-apo juk'an chire ri raqen-ya' Jordán.

Deut 20:4

Roma ri Jehová ri qa-Dios ri k'o iwik'in rix, ja rija' ri xtibebanon oyowal kik'in ri e etzelanel qichin y kan xtuya' ri ch'akonik chiwe, xticha' ri sacerdote.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.