1 Crón 22:14 - Kaqchiquel Bible

¹⁴ Yin rik'in janila wuchuq'a' xinben kan ri ruchojmil ronojel ri k'atzinel ri nikusex richin nipabex-q'anej ri rachoch ri Dios. Xinya' kan 66,000 quintal q'anapueq, 660,000 quintal saqipueq, k'iy q'enq'oj-pueq y k'iy q'eqapueq ri man yatikir ta chik nawetaj. Chuqa' xinchojmirisaj kan che' y abej. Y wi k'a k'o na ri nrajo', utz naya' chik apo juba'.

1 Crón 22:14 ပူးပေါင်းရင်းမြစ်များ

1 Crón 22:3

Y xumol k'a k'iy q'eqapueq richin yetun ri che', y richin ri q'eqapueq ri nichapo ri ruchi-jay. Y chuqa' xumol janila k'iy q'enq'oj-pueq, ri man xtikir ta xretaj roma janila k'iy k'o.

2 Rey 25:16

Ri ka'i' pilar, ri nimalej yakbel-ya', ri ch'okolibel ri e rubanon kan ri rey Salomón richin ri rachoch ri Jehová, ri aj-Babilonia kan man xetikir ta k'a xketaj ronojel ri q'enq'oj-pueq ri'.

1 Rey 10:14

Ronojel juna' ri Salomón nuk'ul jubama 500 quintal q'anapueq.

2 Corintios 8:2

Roma rije' stape' nikik'owisaj tijoj-poqonal, kan xekito-el ri qach'alal ri ek'o pa Jerusalem. Stape' man k'iy ta ok k'o kik'in, kan xekito-el rik'in ri janipe' xetikir xkiya'. Y re' kan xkiya' k'a rik'in kikoten pa taq kánima.

Wuj Richin ri Jeremías 52:20

Man yetikir ta k'a nikibij ri janipe' ri nipajon ri ka'i' pilar y ri nimalej yakbel-ya' rik'in ri kiwachibel kablajuj achija' taq wákix ri e banon rik'in q'enq'oj-pueq, achoq pa kiwi' k'o-wi ri yakbel-ya'. Ronojel re' xban toq xq'aton-tzij ri rey Salomón.

1 Rey 7:47

Kan janila k'a k'iy samajibel ri xuteq rubanik ri rey Salomón y roma ri' man xretaj ta chik ri janipe' nipajon ri q'enq'oj-pueq ri xukusaj.

1 Crón 22:15

Man xaxe ta ri'; ek'o janila samajela' ri e choyoy abej, aj-tz'aq, ajanela', y ri etamanela' richin nikiben jalajoj ruwech samaj

1 Crón 29:2

Rik'in k'a janila uchuq'a' xinmol ruchi' ronojel re', ri k'atzinel chire ri rachoch ri qa-Dios: ri q'anapueq, ri saqipueq, ri q'enq'oj-pueq, ri q'eqapueq, che' pa ruk'iyal, abej ónike, jalajoj kiwech taq abej ri k'o janila kejqalen y chuqa' abej mármol.