1 Crón 22:12 - Kaqchiquel Bible

¹² Kan ja ta ri Jehová xtiya'on ana'oj y awetamabal toq xtaq'et kan tzij pa ruwi' ri Israel, richin kan tataqej k'a ri pixa' ri ruya'on ri Jehová ri qa-Dios.

1 Crón 22:12 ပူးပေါင်းရင်းမြစ်များ

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

Wuj Richin Etamabel-Tzij 14:8

Kan q'alaj wi k'a toq ri wineq k'o runa'oj, roma kan jebel nuchajij-ri' chire ri rubanobal; jak'a ri maneq runa'oj y roma ri' ch'obon man ch'obon nuben, xa ruyon k'a nuq'ol ri'.

2 Crón 1:10

Wakami tabana' utzil taya' nuna'oj y wetamabal richin yenyuqej re winaqi' re', roma kan man jun chik k'a ri xtitikir ta xtiq'aton-tzij pa ruwi' ri atinamit re janila nim, xcha'.

1 Juan 2:3

Y wi roj niqataqej ri nubij ri Dios, kan kuqul qak'u'x chi qetaman chik ruwech rija'.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

Wuj Richin Bix Chire ri Dios 72:1

Nimalej Dios, tak'utu' ri apixa' chuwech ri rey. Kan tabana' chire chi xtuben ri ruchojmilal ri nawajo' rat,

Deut 4:6

Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

1 Rey 2:3

Kan tataqej k'a ronojel ri pixabanik ri nuya' ri Jehová ri qa-Dios, y chuqa' tataqej ronojel ri pixa' ri ruya'on kan chire ri Moisés, richin keri' ronojel ri xtaben kan utz k'a xtel chawech xabakuchi xkabe-wi,

Wuj Richin Bix Chire ri Dios 119:34

Taya' nuna'oj richin kan xtinben ri nubij chupan ri apixa'. Rik'in k'a ronojel wánima xtinben ri nubij.