1 Crón 21:9 - Kaqchiquel Bible

⁹ K'ari' ri Jehová xuteq rik'in ri David, ri q'alajirisey ruch'abel rubini'an Gad.

1 Crón 21:9 ပူးပေါင်းရင်းမြစ်များ

2 Sam 24:11

Y ri ruka'n q'ij, toq ri David k'a man jani tiyakatej, ri Jehová xch'on rik'in ri q'alajirisey ruch'abel rubini'an Gad, ri nitz'eton ri peteneq chikiwech, y xubij:

1 Sam 9:9

Ri ojer kan ri pan Israel xabachike k'a nibe richin niberuk'ulubej ri Dios y kere' k'a nubij: Kixanpe y jo' rik'in ri nitz'eton ri peteneq chiqawech-apo, yecha'. Jak'a re wakami nibix Q'alajirisey ruch'abel ri Dios chire.

1 Crón 29:29

Ronojel k'a ri rubanobal ri rey David, ri xeruben pa rutikeribel k'a pa ruk'isibel, e tz'ibatel kan chupan ri wuj kichin ri rey, koma ri Samuel ri nitz'eton ri peteneq, ri Natán y ri Gad ri e q'alajirisey ruch'abel ri Dios.

1 Sam 22:5

Y xk'oje' k'a jun q'alajirisey ruch'abel ri Dios rubini'an Gad, y xubij chire ri David: Man utz ta awewan-awi' wawe'. Katel-el y kabiyin chik pa ruwach'ulew Judá, xcha'. K'ari' ri David xbe y xapon k'a pa k'echelaj ri k'o pan Héret.

1 Crón 21:10

Y xubij chire chi tubij chire ri David chi ri Jehová nusuj oxi' ruk'ayewal ri nuya-pe pa ruwi'. Y ri David tucha' k'a ri más utz nuben chuwech.

1 Crón 25:5

Konojel rije' e ruk'ajol ri Hemán, ri nitz'eton ri peteneq. Ri Dios xuya' k'a ri e kajlajuj ruk'ajol ri' y e oxi' rumi'al richin nikiya' ruq'ij rija'.

2 Crón 29:25

Chuqa' ri Ezequías xeruya' pa rachoch ri Jehová, ri e levita richin xkiq'ojomaj jalajoj ruwech taq q'ojom: Ri platillo, ri salterio y ri arpa. Keri' xuben roma ri Dios kan keri' ri xubij kan chike ri David, chire ri Gad ri nitz'eton ri peteneq, y chire ri Natán ri q'alajirisey ruch'abel ri Dios.