1 Crón 21:27 - Kaqchiquel Bible

²⁷ K'ari' ri Jehová xubij chire ri ángel chi tuyaka' k'a ri ru-espada. Y ri ángel kan keri' xuben.

1 Crón 21:27 ပူးပေါင်းရင်းမြစ်များ

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

San Juan 18:11

Jak'a ri Jesús xubij chire ri Pedro: Tayaka-qa la espada. ¿Rat kan nach'ob chi rik'in la xaben, yin kan yikolotej chuwech ri tijoj-poqonal ri rubin-pe ri nata' chi kan k'o chi nink'owisaj?, xcha'.

San Mateo 26:52

Ri Jesús jari' toq xubij chire ri xbanon keri': Tayaka' la espada. Roma achike k'a ri yeyakatej rik'in espada, kan chi espada k'a chuqa' yekamisex-wi.

Ez 21:30

Tiyaka-qa pa ruk'ojelibal ri i-espada, roma yin xtinq'et-tzij pan wi' chiri' ri akuchi xixalex-wi.

Wuj Richin ri Jeremías 47:6

Rix nibij chuwe chi ri nu-espada titzolin pa ruk'ojelibal richin man nuben ta chik kamik.

Wuj Richin Bix Chire ri Dios 103:20

Tinimirisaj k'a ruq'ij ri Jehová, rix ri ix samajela' aj-chikajil; rix ri kan rik'in uchuq'a' niben ri nubij chiwe, richin ninimaj ri rutzij.

1 Crón 21:20

Rokik ronojel re' ri Ornán nich'ayon trigo. Y toq xtzu'un chirij, jari' toq xutz'et ri ángel. Jak'a ri e kaji' ruk'ajol ri ek'o rik'in rija' xa xkewaj-ki'.

1 Crón 21:12

Tacha' jun chike re oxi' ruk'ayewal re' ri xtinbij-apo chawe: Ri nabey, oxi' juna' wayjal; ri ruka'n, oxi' ik' ri yixch'akatej koma ri etzelanel iwichin; y ri rox, oxi' q'ij ri kan ja ri Jehová ri xtuya-pe ri tijoj-poqonal rik'in ri ru-espada. Toq rija' xtutzeqej ri ru-espada, kan jari' xtiqaqa jun nimalej yabil pa kiwi' konojel ri winaqi'. Yin Jehová xtinkusaj ri nu-ángel richin xtuk'en-pe kamik pa ruwi' chijun ruwach'ulew Israel, nicha' ri Jehová. Roma ri', rat David tach'obo' k'a jebel ri achike nabij-el, richin keri' yin xtinbenbij chire ri Jehová ri in taqayon-pe, xcha' ri Gad.

2 Sam 24:16

Ri ángel richin ri Jehová xapon k'a ri akuchi nich'ay-wi ri trigo richin ri achin rubini'an Arauna ri Jebuseo, naqaj chik chire ri tinamit Jerusalem. Y toq xurik' ri ruq'a' richin yeruk'is ri winaqi' ri ek'o chiri', jari' toq ri Jehová xujoyowaj kiwech ri winaqi' ri', y xubij chire ri ángel chi titane' y man yerukamisaj ta chik.

1 Crón 21:26

Y ri David xupaba-q'anej jun porobel richin ri Jehová, y xerusuj chikopi' ri yeporox chijun, y xusuj sipanik richin nuq'alajirisaj chi junan ruwech rik'in ri Dios. Xeri' xch'on rik'in ri Jehová, y ri Dios xuk'uluba-pe ri ruch'abel rik'in q'aq'. Y ri q'aq' ri' peteneq chila' chikaj, y xqaqa pa ruwi' ri porobel.

1 Crón 21:28

Y toq ri David xutz'et chi ri Jehová kan xrak'axaj ri ruch'owen, chiri' ri akuchi k'o-wi ri rulew ri Ornán aj-Jebús, jari' toq jantape' xerusuj kamelabel chiri'.