1 Crón 21:23 - Kaqchiquel Bible

²³ Y ri Ornán xubij k'a chire ri David: Takusaj, nu-rey, y tabana' ri niqa' chawech. Yin yenya' ri bóyix richin ye'aporoj chijun, ri ch'ayibel trigo richin nok si', y ri trigo richin sipanik. Ronojel re' yenya' chawe nu-rey, xcha'.

1 Crón 21:23 ပူးပေါင်းရင်းမြစ်များ

1 Sam 6:14

Ri wákix xe'apon k'a pa rujuyu' ri jun achin rubini'an Josué ri k'o chiri' pa Bet-semes. Y chiri' xek'oje-wi akuchi k'o-wi jun nimalej abej. Y ek'o k'a achi'a' levita chiri'. Y rije' xkiqasaj k'a ri káxa ri' y chuqa' ri jun chik káxa ri ek'o ri wachibel chupan. Y xekiya-q'anej pa ruwi' ri abej ri'. K'ari' ri achi'a' ri ek'o chiri' xkiben si' chire ri tz'alem richin ri carruaje y xekikamisaj ri wákix richin xekiporoj chuwech ri Jehová.

Wuj Richin ri Jeremías 32:8

Kan achi'el k'a rubin ri Jehová chuwe, kan keri' xbanatej, y xapon k'a wik'in ri Hanamel chiri' chuwa-jay ri akuchi in chajin-wi, y xubij chuwe: Tabana' utzil taloq'o' ri wulew ri k'o chiri' pan Anatot, pa ruwach'ulew kan ri Benjamín, roma kan at wach'alal y ruk'amon richin nok kan awichin. Roma ri' taloq'o' kan, xcha' chuwe. K'ari' xq'ax chinuwech chi kan ja ri Jehová ri xbin chuwe richin ninloq' kan.

1 Rey 19:21

Y keri' ri Eliseo xuya' kan ri Elías y xtzolin. Xeberuk'ama-pe ri k'ulaj bóyix ri kan e richin rija' y xerukamisaj, y ri che' ri samajibel ri achoq ik'in yetun-wi ri bóyix, jari' ri xukusaj richin xuchaq'arisaj ri ti'ij y jari' ri xuya' chike ri winaqi' ri xeroyoj, y rije' kan xewa' k'a. K'ari' ri Eliseo xbe chirij ri Elías richin nusamajij.

1 Crón 21:22

K'ari' ri David xubij chire: Tak'ayij chuwe re awulew re' rik'in jun utzilej rajel richin yin xtinpaba-q'anej jun porobel richin ninsuj kamelabel chuwech ri Jehová, richin keri' ri Jehová xtrelesaj-el re nimalej yabil re' ri qajineq pa ruwi' ri qatinamit, xcha'.

1 Crón 21:24

Jak'a ri David xubij: Janila ninmatioxij chawe, jak'a kan k'o chi ninloq' chawe rik'in utz rajel, roma yin man xtinsuj ta kamelabel chuwech ri Jehová ri xa man yin ta in loq'oyon; y man xtinporoj ta chikop ri xa man nutojon ta rik'in méro, xcha'.