1 Crón 21:22 - Kaqchiquel Bible

²² K'ari' ri David xubij chire: Tak'ayij chuwe re awulew re' rik'in jun utzilej rajel richin yin xtinpaba-q'anej jun porobel richin ninsuj kamelabel chuwech ri Jehová, richin keri' ri Jehová xtrelesaj-el re nimalej yabil re' ri qajineq pa ruwi' ri qatinamit, xcha'.

1 Crón 21:22 ပူးပေါင်းရင်းမြစ်များ

1 Rey 21:2

Ri Acab xch'on k'a rik'in ri Nabot y xubij chire: Taya' la aqejoj chuwe richin nintik-qa juba' wichaj chuwech, roma naqaj k'o chire ri wachoch yin. Yin xtinya' pa ruk'exel chawe, jun ulew ri más utz ri chuqa' tikon uva chuwech. O wi niqa' chawech, ninloq' y yin xtinya' ri rajel, xcha' chire.

2 Sam 24:21

Y xuk'utuj chire achike roma xapon chiri'. Y ri David xubij chi richin nuloq' ri ulew ri', richin nupaba-q'anej jun porobel richin ri Jehová, richin chi nik'is-el ri yabil ri qajineq pa kiwi' ri winaqi'.

Wuj Richin ri Q'axanri'il 25:8

y xutzeqelibej-el ri achin ri' k'a pa rachoch. Chiri' xuju-wi ri rukamisabal pa kipan, ri ixoq y ri achin. Y k'ari' toq xtane' ri kamik chikikojol ri winaqi' israelita.

Wuj Richin ri Q'axanri'il 16:48

Kan xaxe k'a xpa'e' ri Aarón chikikojol ri winaqi' ri e kaminaqi' chik y chikikojol ri k'a e k'es na, kan jari' toq ri kamik xpa'e'.

Wuj Richin ri Rutikeribel 50:10

Y toq xe'apon k'a pa ruwach'ulew Goren-ha-atad ri k'o pa relebel-q'ij chire ri raqen-ya' Jordán, chiri' xkiben k'a jun nimalej oq'ej, y ri José kan xuchajij k'a wuqu' q'ij roma ri rukamik ri rutata'.

1 Crón 21:21

Toq ri David xapon akuchi k'o-wi ri Ornán, ri Ornán kan xaxe toq xutz'et ri David, xel-pe chiri' richin xxuke-qa chuwech.

1 Crón 21:23

Y ri Ornán xubij k'a chire ri David: Takusaj, nu-rey, y tabana' ri niqa' chawech. Yin yenya' ri bóyix richin ye'aporoj chijun, ri ch'ayibel trigo richin nok si', y ri trigo richin sipanik. Ronojel re' yenya' chawe nu-rey, xcha'.

Wuj Richin ri Rutikeribel 23:9

richin nuk'ayij ta chuwe ri ti xoral ri akuchi k'o-wi ri jul ri rubini'an Macpelá, ri k'o chuchi' ri rulew; janipe' na k'a ri nuk'utuj chuwech y tubij chiqawech qonojel; y yin kan xtinya' k'a ri rajel, richin keri' kan xtok wichin yin ri jul ri' y chiri' xkenmuq-wi toq xkeken ri ek'o pa wachoch, xcha' ri Abraham.