1 Crón 19:9 - Kaqchiquel Bible

⁹ Ri achi'a' amonita xkichojmirisaj k'a ki' richin nikichop oyowal, y xbekicholajij-ki' chuchi' ri tinamit ri akuchi ek'o-wi, jak'a ri rey ri e kachibilan-pe xkewaj kan ki' pa juyu'.

1 Crón 19:9 ပူးပေါင်းရင်းမြစ်များ

Joel 2:5

Rije' yeq'ajan yejote-pe pa ruwi' ri juyu', achi'el yeq'ajan ri carruaje richin labal. Rije' yeq'ajan y ye'anin, achi'el niq'ajan ri q'aq' toq ya'on ruxaq che' chupan. Chuqa' yeq'ajan achi'el jun nimalej tzobaj aj-labal.

Wuj Richin ri Jeremías 50:42

Kan kik'ualon chik ri kich'ab y ri kikum. Rije' kan janila e mal y man jun joyowanik ri k'o kik'in. Ri raqoj-chi'ij ri nikiben achi'el niq'ajan ri palou. Y kan yech'oke' k'a pe chirij taq kiej y kan kinaban chik ki' richin nikichop oyowal iwik'in rix aj-Babilonia.

Wuj Richin ri Isaías 28:6

Ri Dios xtuben chire ri q'atoy-tzij chi kan xtuq'et-tzij pa ruchojmilal. Chuqa' xtuya' uchuq'a' chike ri achi'a' ri yechajin ri okibel richin ri tinamit.

2 Crón 14:10

K'ari' ri Asá xbe richin xberubana' oyowal rik'in, e rachibilan ri aj-labal y xek'oje' pa taq'aj kojol juyu' richin Sefata chunaqaj ri Maresá.

2 Crón 13:3

Y ri Abiam xerucha' k'a el e 400,000 aj-labal ri más e utz. Keri' chuqa' ri Jeroboam xerucha' e 800,000 aj-labal, chuqa' ri más e utz, y xebe k'a richin nibekibana' oyowal.

1 Rey 20:24

Y xkibij chuqa': Kan ke'awelesaj k'a el konojel ri rey ri yeto'on awichin, y pa kik'exel rije' ke'aya' kan achi'a' aj-raqen kichin ri aj-labal.

1 Rey 20:1

K'ari' ri Ben-hadad rey richin Siria, xerumol konojel ri aj-labal, y rija' ek'o k'a e juwineq kablajuj rey ri yeto'on richin, y re rey re' kan ek'o k'a k'iy ki-kiej y k'iy ki-carruaje. Xebe k'a el y xbekisutij-rij ri tinamit Samaria y xkiben k'a oyowal rik'in.

2 Sam 18:4

Y ri David kan xuben achi'el ri xbix chire. K'ari' xk'oje' k'a chunaqaj ri akuchi niban-wi oken chire ri okibel richin ri tinamit, rokik ri aj-labal ye'el-el pa taq tzobaj richin yebe pan oyowal.

2 Sam 10:8

Y xe'el k'a pe ri amonita, y xkicholajij-ki' chuchi' ri tinamit richin yebe pan oyowal. Jak'a ri aj-Siria, ri aj-Sobá, ri aj-Rehob, ri aj-Is-tob y ri aj-Maacá; rije' xkicholajij-ki' juk'an chik ri chiri' pa juyu'.

1 Sam 17:2

Keri' chuqa' ri Saúl y ri aj-labal aj-Israel xkimol-ki' y xek'oje-qa pa taq'aj kojol juyu' richin Elá, y xkinuk'-ki' richin nibekibana' oyowal kik'in ri aj-Filistea.

1 Crón 19:8

Jak'a ri David kan chi'anin xunabej, xeruteq-el ri Joab y konojel ri aj-labal, y rije' man jun xibinri'il chikiwech.

1 Crón 19:10

Toq ri Joab xutz'et chi k'o yebek'aqon-pe chikiwech y chikij, jari' toq xerucha' k'a ri achi'a' israelita ri janila kuchuq'a' y maneq xibinri'il chikiwech, y xeruteq richin nikichop oyowal kik'in ri aj-Siria.