1 Crón 19:7 - Kaqchiquel Bible

⁷ Xkitoj k'a ri rey richin Maacá, ri aj-labal, y ri aj-labal ri ye'uk'uan 32,000 carruaje. Y xebek'oje-qa chuwech ri tinamit Medebá. Chuqa' ri achi'a' amonita xe'el-pe pa taq kitinamit, y xkimol-ki' richin xepe pa labal.

1 Crón 19:7 ပူးပေါင်းရင်းမြစ်များ

Wuj Richin ri Josúe 13:9

Rije' xkichinaj k'a ri ruwach'ulew ri nitiker-pe pa tinamit Aroer ri k'o chuchi' ri ch'uti'n raqen-ya' Arnón y ri tinamit ri k'o pa taq'aj kojol juyu' chire ri raqen-ya' ri', y chijun ri chuwi' taq juyu' ri nitiker-el rik'in ri tinamit Medebá y napon k'a pa tinamit Dibón,

Wuj Richin ri Q'axanri'il 21:30

Jak'a re wakami, roj kan xeqak'is ri aj-Moab. Kan xek'is konojel ri winaqi' ri ek'o pa Hesbón y ri tinamit Dibón. Kan man jun chik wineq ri xqaya' kan ri napon pa tinamit Nófah y pa tinamit Medebá.

Wuj Richin ri Josúe 13:16

Y ri kiruwach'ulew rije' nitiker-pe pa tinamit Aroer ri k'o chuchi' ri ch'uti'n raqen-ya' Arnón y ri tinamit ri k'o pa taq'aj kojol juyu' chire ri raqen-ya' ri' y chijun ri chuwi' taq juyu' ri nitiker-el rik'in ri tinamit Medebá,

Wuj Richin ri Isaías 15:2

Ri winaqi' aj-Dibón xkejote-el pa ruwi' ri juyu' richin xkebe'oq'. Konojel xkebe chupan ri rachoch ri ki-dios richin xkejiq'ijo'x, toq xkek'is ri tinamit Nebo y ri Medebá. Konojel rije' kan xtikisokaj k'a ri rusumal-kiwi' y ri rusumal-kichi' roma bis.

2 Crón 14:9

Y k'o k'a jun etzelanel richin ri Asá ri xbeyakatej-pe chirij, y xebek'oje' pa tinamit Maresá. Ri etzelanel richin aj-Etiopía, rubini'an Zérah, y e ruk'amon-pe 1000,000 aj-labal y 300 carruaje.

1 Crón 18:4

Y ri David xeruch'ek k'a e 1,000 carruaje e richin oyowal, chuqa' e 7,000 achi'a' ri yech'oke' chirij kiej y e 20,000 aj-labal ri yebe chi kaqen. Rija' jubama chike konojel ri kiej xerutzak'ila' kan ri paten-iboch' richin ri kaqen y xaxe k'a e wok'al kiej ri xerukol kan.

2 Sam 10:6

Y toq ri amonita xkinabej chi ri David janila chik itzel yerutz'et, jari' toq xekitoj e 20,000 aj-labal ri yebe chikaqen ri e aj-Siria ri ek'o pa tinamit Bet-rehob y ri ek'o pa tinamit Sobá. Chuqa' xekitoj-el e 1,000 achi'a' ri e aj-Maacá, y 12,000 achi'a' e aj-Is-tob.

1 Sam 13:5

Jak'a ri aj-Filistea xkimol-ki' chuqa', richin nibekibana' oyowal kik'in ri israelita. Rije' e kik'uan e 30,000 carruaje richin oyowal,6,000 achi'a' ri e beneq chirij kiej y janila e k'iy aj-labal ri e beneq chikij: Kan man e ajlatel ta k'a. Xejote-q'anej y xek'oje-qa chiri' pa Micmás, ri k'o pa relebel-q'ij chire ri Bet-avén.

Wuj Kichin ri To'onela' 4:3

K'ari' ri israelita xesik'in-q'anej rik'in ri Jehová, roma ri Jabín janila yerutz'ila', y keri' rubanon-pe chike juwineq juna' y chuqa' re achin re' ek'o e 900 ru-carruaje e banon rik'in ch'ich'.

Ex 14:9

Jak'a ri aj-Egipto e yakatajineq-el chikij ri winaqi' israelita, e kik'ualon-el ki-carruaje, ri kikiej y konojel ri aj-labal y xebekiq'i' ri israelita toq ek'o-qa chuchi' ri Kaqa-Palou, chunaqaj ri tinamit Pi-hahirot, chuwech-apo ri tinamit Baal-sefón.

1 Crón 19:8

Jak'a ri David kan chi'anin xunabej, xeruteq-el ri Joab y konojel ri aj-labal, y rije' man jun xibinri'il chikiwech.