1 Crón 19:3 - Kaqchiquel Bible

³ jari' toq ri e aj-raqen kichin rije' xkibij chire ri Hanún: ¿Nanimaj rat chi ri David e rutaqon-pe rusamajela' richin yatokiq'ejela' kan, roma ri rukamik ri atata'? ¡Re' e peteneq richin nokinachaj y noketamaj kan jebel re qaruwach'ulew!, xecha'.

1 Crón 19:3 ပူးပေါင်းရင်းမြစ်များ

1 Sam 29:9

Y ri Áquis xubij chire ri David: Yin wetaman chi rat janila at utz, kan at achi'el jun ángel richin ri Dios. Jak'a ri e aj-raqen xkibij chi man yabe ta qik'in pan oyowal.

1 Sam 29:4

Jak'a ri aj-raqen kichin ri aj-Filistea janila xyakatej koyowal chire ri ki-rey y xkibij chire: Tataqa-el la achin la'. Titzolin chiri' chupan ri tinamit ri akuchi aya'on-wi, y man nibe ta chiqij roj pan oyowal, roma rik'in juba' pan oyowal xa nupiskolij-ri' chiqij y nok etzelanel qichin. Roma ¿Achike ta chik k'a xtuben richin nuch'ek chik ri rajowabal ri rey Saúl? Xaxe k'a wi yojrukamisaj roj.

Wuj Kichin ri To'onela' 18:2

Y ri rijatzul ri Dan xekiteq-el e wo'o' achi'a' ri maneq xibinri'il chikiwech, ri e aj-Sorá y Estaol, richin nibeketamaj kan jebel ri ruwach'ulew; y kan keri' k'a xkiben. Xebe ri chuwi' taq juyu' richin ri Efraín, y xe'apon k'a chunaqaj ri rachoch ri Micaías, y chiri' xkik'owisaj-wi ri aq'a'.

2 Sam 10:3

ri e tata'al chikikojol ri amonita xkibij chire ri ki-rey: ¿Nanimaj rat chi ri rey David roma xuya' ruq'ij ri atata', roma ri' xeruteq-pe tata'al richin nokikuquba' kan ak'u'x? ¿Man e rutaqon ta kami pe xaxe richin noketamaj kan jebel re tinamit richin xqojkik'is?, xecha'.

1 Crón 19:2

K'ari' ri David xubij chi k'o chi nijoyowex ruwech ri Hanún ruk'ajol kan ri Nahas, roma ri rutata' kan utz ri xuben rik'in ri David. Y xeruteq k'a el e banoy taqo'n rik'in ri Hanún richin nibekiq'ejela' kan. Jak'a toq xe'apon ri e taqon-el pa kiruwach'ulew ri amonita,

1 Crón 19:4

K'ari' ri Hanún xuteq kichapik ri e taqon-el, y k'ari' xkisokaj-el ri rusumal-kichi', y xuqupij ri kitziaq chikij xapon k'a chutza'n kacheq, y k'ari' xeruteq-el pa kiruwach'ulew.