1 Crón 19:19 - Kaqchiquel Bible

¹⁹ Toq ri achi'a' aj-Siria ri junan kiwech rik'in ri Hadad-ézer xech'akatej koma ri aj-Israel, xkiben chi tik'oje' uxlanibel-k'u'x kik'in ri David, y xeyuqe' kan pa samaj rik'in. Kan ja q'ij ri' ri winaqi' richin Siria man xkajo' ta chik richin xekito' ri amonita.

1 Crón 19:19 ပူးပေါင်းရင်းမြစ်များ

Wuj Richin ri Isaías 10:8

Roma rija' runimirisan-ri' y nubij: Chikijujunal ri e aj-raqen pa kiwi' ri aj-labal ri e wichin yin, chuqa' rije' kan e rey.

Wuj Richin Bix Chire ri Dios 18:44

Kan xaxe k'a xkak'axaj ri nuch'abel, kan xkinimaj ri nutzij. Chuqa' ri man e nuwinaq ta, kan xkiqasaj-ki' chinuwech.

Wuj Richin Bix Chire ri Dios 18:39

Ri Jehová xuya' wuchuq'a' richin xich'akon. Xuben chike ri e etzelanel wichin richin xkiqasaj-ki' chinuwech.

1 Crón 14:17

Ri xuben ri David kan xtalutej k'a rutzijol kik'in ri winaqi' richin chijun ruwach'ulew, y ri Jehová xuben k'a chire ri David chi kan k'o rukiy chikiwech chijun ruwach'ulew.

1 Rey 20:12

Y ri rey Ben-hadad xrak'axaj ri xbekibij ri e uk'uey rutzijol, rokik rija' xa niqumun junan kik'in ri ch'aqa' chik rey ri e rachibilan chiri' akuchi ek'o-wi-qa. Jari' toq ri Ben-hadad xubij chike ri aj-raqen pa kiwi' ri aj-labal chi tikichojmirisaj-ki' y keyakatej-el. Y ri achi'a' ri' kan keri' k'a xkiben.

1 Rey 20:1

K'ari' ri Ben-hadad rey richin Siria, xerumol konojel ri aj-labal, y rija' ek'o k'a e juwineq kablajuj rey ri yeto'on richin, y re rey re' kan ek'o k'a k'iy ki-kiej y k'iy ki-carruaje. Xebe k'a el y xbekisutij-rij ri tinamit Samaria y xkiben k'a oyowal rik'in.

2 Sam 10:19

Toq xkitz'et konojel ri rey, ri yeto'on richin ri Hadad-ézer chi ri israelita xech'akon, jari' xkitun-apo-ki' kik'in ri aj-Israel richin xekisamajij. Y kan jari' toq ri aj-Siria man xekito' ta chik ri amonita roma xibinri'il.

1 Crón 19:18

Jak'a ri achi'a' aj-Siria xa xe'animej chikiwech ri David y ri israelita. Y rije' xekikamisaj e 40,000 achi'a' ri e beneq chikaqen y 7,000 ri ek'o pa carruaje richin oyowal. Y chuqa' xkamisex ri Sofac aj-raqen kichin ri aj-labal aj-Siria.

1 Crón 20:1

Xbanatej k'a chi pa nabey ik' chire ri juna', toq ri e rey yebe pa taq labal. Jari' toq ri Joab xeruk'uaj-el ri aj-labal pa kiruwach'ulew amonita y kan xekik'is. Xkisutij k'a rij ri tinamit Rabá y xkich'ek chuqa'. Jak'a ri David xa k'o kan pa Jerusalem.

2 Sam 10:1

Chirij k'a ronojel re' xken ri Nahas, ri ki-rey ri amonita y pa ruk'exel rija' xk'oje' kan ri ruk'ajol rubini'an Hanún.