1 Crón 18:8 - Kaqchiquel Bible

⁸ Chuqa' ri pa tinamit Tibhat y ri Cun xeruk'en-pe k'iy q'enq'oj-pueq, ri kan e richin ri Hadad-ézer. Y rik'in re' pa ruq'ijul ri rey Salomón xtuben ri nimalej yakbel-ya' richin ri rachoch ri Dios, y chuqa' xkeruben ri ka'i' pilar y ri ch'aqa' chik samajibel richin ri jay ri'.

1 Crón 18:8 ပူးပေါင်းရင်းမြစ်များ

2 Sam 8:8

Keri' chuqa' xeruk'uaj-el ri q'enq'oj-pueq ri ek'o chupan ri tinamit Bétah y Berotai ri e richin ri rey Hadad-ézer.

1 Crón 22:14

Yin rik'in janila wuchuq'a' xinben kan ri ruchojmil ronojel ri k'atzinel ri nikusex richin nipabex-q'anej ri rachoch ri Dios. Xinya' kan 66,000 quintal q'anapueq, 660,000 quintal saqipueq, k'iy q'enq'oj-pueq y k'iy q'eqapueq ri man yatikir ta chik nawetaj. Chuqa' xinchojmirisaj kan che' y abej. Y wi k'a k'o na ri nrajo', utz naya' chik apo juba'.

1 Crón 18:7

Chuqa' ri David xeruk'en kan ri kitobal banon rik'in q'anapueq ri nikikusaj ri aj-raqen richin ri Hadad-ézer, y xeruk'uaj-el pa Jerusalem.

1 Crón 18:9

Toq ri rey richin ri tinamit Hamat, rubini'an Toi, xrak'axaj chi ri David xeruch'ek kan ri aj-labal ri e richin ri Hadad-ézer,

2 Crón 4:11

Ri Huram xk'achoj k'a chubanik ronojel ri samajibel richin ri rachoch ri Jehová achi'el ri xbix chire roma ri rey Salomón: Ri jalajoj kiwech bojo'y, ri cuchara, ri chapbel-ti'ij y ri nima'q taq leq, ri ka'i' pilar y ri ka'i' retz'aba'l ruwi' ri kan seteseq kibanik, ri achi'el ya'l pa ruwi' ri retz'aba'l, ri e 400 ruwachibel granada ri ka'i' cholaj rubanon richin xutz'apej ruwi' ri ka'i' retz'aba'l ri seteseq kibanik ri ruwi' ri pilar, ri carretón richin ruch'okolibal ri kokoj yakbel taq ya', ri nimalej yakbel-ya' y ri kablajuj kiwachibel bóyix ri yetemen richin. Ronojel samajibel re' xuchilabej ri rey Salomón chire ri Huram richin ri rachoch ri Jehová. Ronojel re' rik'in q'enq'oj-pueq xban-wi y kan yerepelun k'a.

2 Crón 3:15

K'ari' ri Salomón xuben ka'i' pilar richin ri chuwech ri jay y beleje' jaj rik'in oxi' q'a'aj ri kijotolen chikijujunal y ri ketz'aba'l ruwi' ri pilar jun jaj rik'in ka'i' q'a'aj.