1 Crón 18:3 - Kaqchiquel Bible

³ Ri David xuch'ek chuqa' ri rey Hadad-ézer richin ri ruwach'ulew Sobá, ri k'o pa xaman chunaqaj ri tinamit Hamat. Re' xbanatej toq ri Hadad-ézer beneq richin yeberuch'aka' ri ruwach'ulew ri k'o chuchi' ri raqen-ya' Éufrates.

1 Crón 18:3 ပူးပေါင်းရင်းမြစ်များ

Wuj Richin Bix Chire ri Dios 60:1

Nimalej Dios, rat xojaya' kan y xojawulaj k'a kan; Yakatejineq awoyowal chiqij; ¡tabana' utzil katzolin-pe qik'in, wakami!

2 Sam 8:3

Keri' chuqa' ri David xbe chupan ri ruwach'ulew ri k'o kela' chuchi' ri raqen-ya' Éufrates richin nuk'en chik kan ri ruwach'ulew ri'. Y chiri' xuch'ek ri rey richin ri tinamit Sobá, ri rubini'an Hadad-ézer ruk'ajol ri Rehob.

2 Sam 10:6

Y toq ri amonita xkinabej chi ri David janila chik itzel yerutz'et, jari' toq xekitoj e 20,000 aj-labal ri yebe chikaqen ri e aj-Siria ri ek'o pa tinamit Bet-rehob y ri ek'o pa tinamit Sobá. Chuqa' xekitoj-el e 1,000 achi'a' ri e aj-Maacá, y 12,000 achi'a' e aj-Is-tob.

1 Sam 14:47

Keri' ri Saúl xok kan chupan ri q'atbel-tzij chiri' pan Israel. Kan xuben k'a oyowal kik'in ri etzelanel richin ri ek'o chunaqaj: Ri aj-Moab, ri aj-Amón, ri aj-Edom, ri aj-Sobá y ri aj-Filistea. Y xabakuchi beneq-wi richin nuben oyowal kan nich'akon-wi.

Ex 23:31

Yin kan ninya' yan k'a chiwe ri k'ulba't richin re ruwach'ulew re ninya' chiwe. Nuchop-el rik'in re Kaqa-Palou, nijote-el ronojel ri ruchi' ri palou, nitzale' k'a akuchi k'o-wi ri raqen-ya' Éufrates y k'ari' nitzale' pa rajxokon chupan ri tz'iran ruwach'ulew y nik'ulun k'a akuchi k'o-wi ri Kaqa-Palou. Konojel k'a winaqi' richin re ruwach'ulew re' xkenjech pan iq'a' y rix xke'iwelesaj k'a el chupan ri kiruwach'ulew.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

1 Crón 18:2

Chuqa' ri David xeruch'ek ri moabita y xeyuqe' pa samaj rik'in y k'o chi xesamej rik'in rija'.

1 Crón 18:4

Y ri David xeruch'ek k'a e 1,000 carruaje e richin oyowal, chuqa' e 7,000 achi'a' ri yech'oke' chirij kiej y e 20,000 aj-labal ri yebe chi kaqen. Rija' jubama chike konojel ri kiej xerutzak'ila' kan ri paten-iboch' richin ri kaqen y xaxe k'a e wok'al kiej ri xerukol kan.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

2 Crón 8:3

K'ari' xbe chik pa tinamit Hamat richin Sobá y xuch'ek k'a kan richin xok kan richin rija'.

Wuj Richin Bix Chire ri Dios 60:2

Kan xaben chi xsilon ri ruwach'ulew y xaben chire chi xjobojo-qa; Tabana' utzil tachojmirisaj chik ri xwopotej-qa, roma beneq ruwech nisilon.