1 Crón 18:13 - Kaqchiquel Bible

¹³ Y ri David xeruya' kan chajinela' chijun ri ruwach'ulew Edom. Y keri' konojel ri aj chiri' xeyuqe' pa samaj rik'in ri David. Ri Jehová kan xuya' k'a ch'akonik pa ruq'a' ri David xabakuchi xbe-wi.

1 Crón 18:13 ပူးပေါင်းရင်းမြစ်များ

1 Crón 18:6

K'ari' ri David xeruya' chajinela' pa Damasco richin Siria, y ri aj-Siria xeyuqe' kan pa samaj rik'in ri David y kan k'o chi xepatanin rik'in. Keri' ri Jehová Dios xeruya' ch'akonik chire ri David, xabakuchi xbe-wi.

Wuj Richin ri Rutikeribel 27:37

Y ri Isaac xubij chire ri ruk'ajol: Yin xinben yan k'a chire ri Jacob chi ja rija' xtik'oje' pan awi' rat y xinbij chi konojel ri rach'alal xke'ok rusamajela' y kan xkeruxim pa samaj, y xinbij chi xtuk'ul ta k'a pa ruk'iyal ri trigo y ri vino. ¿Achike chik ta k'a xtinben pan awi' rat, nuk'ajol yin?, xcha'.

2 Corintios 11:32

Toq yin xik'oje' pa tinamit Damasco, ri q'atoy-tzij richin ri rey Aretas xubij chi kichap toq yitz'et. Roma ri' kan jebel k'a xchajix ri tinamit richin man yikolotej pa kiq'a'.

Wuj Richin Bix Chire ri Dios 144:10

Rat Jehová, ri yaya'on ch'akonik chike ri e rey. Rat ri xakolon richin ri David ri asamajel chuwech ri espada.

Wuj Richin Bix Chire ri Dios 121:7

Ri Jehová xkaruchajij k'a chuwech ronojel ruk'ayewal; ja rija' xtichapo ri ak'aslen.

2 Sam 23:14

y ri ch'aqa' chik ek'o-qa pa Belén. Jak'a ri David k'o chiri' akuchi nikito-wi-ki' ri aj-labal.

1 Sam 14:1

Y ri Jonatán ri ruk'ajol ri Saúl xubij chire ri ruto'onel ri nuk'uan ri rukamisabal: Jo', y qojq'ax-apo la juk'an k'a akuchi ek'o-wi-qa la aj-Filistea, xcha'. Y rija' man xubij ta kan chire ri rutata'.

1 Sam 13:3

K'ari' ri Jonatán xeruchop chi oyowal ri aj-Filistea ri akuchi ek'o-wi-qa ri k'o pa tinamit Guibeá, y xketamaj k'a ri ch'aqa' chik aj-Filistea. K'ari' ri Saúl xuteq rubixik chi tixupux ri trompeta chupan chijun ri ruwach'ulew, richin xeroyoj konojel ri ruwinaq richin nikiben oyowal.

1 Sam 10:5

Chirij ri', xkatapon pa tinamit Guibeá, akuchi ek'o-wi jun tzobaj aj-Filistea. Y toq xkatok chupan ri tinamit ri', xke'ak'ul jun tzobaj e q'alajirisey ruch'abel ri Dios ri e tzolejineq-pe richin xbekiya' ruq'ij ri Dios y nikiq'alajirisaj ri ruch'abel. Y chikiwech rije' e ik'owineq-pe q'ojomanela' kik'amon-pe ri kiq'ojom: Ri salterio, ri pandero, ri xul y ri arpa.

Wuj Richin ri Q'axanri'il 24:18

Xtuch'ek ri ruwach'ulew Edom, ja', xtuch'ek ri tinamit Seír, ri etzelanel kichin. Jak'a ri tinamit Israel kan xtik'oje-el kuchuq'a'.

Wuj Richin ri Rutikeribel 27:40

Rik'in k'a ri a-espada xtato-awi' y xtawilij k'a ri achaq' y xtibanatej k'a chi toq xtik'oje' awuchuq'a' xtawelesaj-awi' chuxe' ri ruchuq'a' ri achaq', xcha'.

Wuj Richin ri Rutikeribel 27:29

Y xkatkisamajij k'a konojel ri tinamit. y ri tzobaj winaqi' richin nima'q taq ruwach'ulew xkexuke' k'a chawech; Jak'a rat ri xkak'oje' pa kiwi' ri awach'alal, y kan xtikiqasaj k'a ki' chawech konojel ri e ral ri ate'. Xtiqaqa etzelanik pa kiwi' ri xke'etzelan awichin; y jebel ruwa-kiq'ij ri xke'ajowan awichin, xcha'.

Wuj Richin ri Rutikeribel 25:23

Y ri Jehová xubij chire: E ka'i' nima'q taq tzobaj winaqi' richin ri ruwach'ulew ek'o awik'in, kan man junan ta pe kiwech, ri jun más xtik'oje' ruchuq'a' chuwech ri jun chik, y ri nimalaxel xtiberusamajij ri chaq'laxel, xcha'.

1 Rey 11:15

Toq ri David y ri Joab ri aj-raqen kichin ri aj-labal richin ri David k'a e k'es na, xek'oje' ri chiri' pan Edom. Y jari' toq ri Joab y ri aj-labal xebe-q'anej richin xebekimuqu' kan ri kiwinaq ri xeken chupan ri oyowal ri', y chuqa' xerukamisaj kan konojel achi'a' aj-Edom.

1 Crón 18:12

Y xeri' ri Abisai ral ri Seruiá y ri aj-labal, xekikamisaj e 18,000 winaqi' edomita ri chuwa-taq'aj, rubini'an Atz'an.

1 Crón 18:14

Ri David xq'aton k'a tzij chupan chijun ruwach'ulew Israel; kan choj y kan pa ruchojmilal ri xuben rik'in ri tinamit.

1 Sam 18:14

Y ri David kan rik'in na'oj xuben ronojel re', roma ri Jehová kan k'o-wi rik'in.