1 Crón 18:12 - Kaqchiquel Bible

¹² Y xeri' ri Abisai ral ri Seruiá y ri aj-labal, xekikamisaj e 18,000 winaqi' edomita ri chuwa-taq'aj, rubini'an Atz'an.

1 Crón 18:12 ပူးပေါင်းရင်းမြစ်များ

Wuj Richin Bix Chire ri Dios 60:1

Nimalej Dios, rat xojaya' kan y xojawulaj k'a kan; Yakatejineq awoyowal chiqij; ¡tabana' utzil katzolin-pe qik'in, wakami!

2 Crón 25:11

Ri Amasías kan xk'oje' k'a el ruchuq'a' chikiwech ri ruwinaq y xebe k'a pa taq'aj ri nibix Atz'an chire, y xerukamisaj k'a kan e 10,000 achi'a' ri e rijatzul kan ri Seir.

1 Crón 19:11

Jak'a ri Joab xeruya' kan ri ch'aqa' chik aj-labal pa ruq'a' ri runimal rubini'an Abisai, richin nibekibana' oyowal kik'in ri amonita ri ek'o-apo juk'an.

1 Crón 11:20

Ri Abisai, rach'alal ri Joab, chuqa' jun aj-raqen pa kiwi' ri aj-labal. K'o k'a jun q'ij xeruq'ijuj e 300 achi'a' rik'in ri rukum, y xerukamisaj. Keri' toq xel rutzijol chi kan k'o ruchuq'a' chikiwech ri ch'aqa' achi'a' ri maneq xibinri'il chikiwech.

1 Crón 2:16

Re achi'a' re' xek'oje' ka'i' kana', ri nabey xubini'aj Seruiá y ri ruka'n xubini'aj Abigail. Ri Seruiá xek'oje' e oxi' ral y ja kibi' re': Ri nabey xubini'aj Abisai; ri ruka'n xubini'aj Joab y ri rox xubini'aj Asael.

2 Sam 10:10

Y xerujech k'a ch'aqa' achi'a' pa ruq'a' ri Abisai ri rach'alal, richin xkicholajij-ki' richin yekik'ul ri amonita chi oyowal.

1 Sam 26:6

Ri David xuk'utuj chire ri Ahimélec hitita y chire ri Abisai rach'alal ri Joab, y xubij: ¿Achike nrajo' nibe chuwij rik'in ri Saúl chiri' akuchi ek'o-wi-qa?, xcha'. Y ri Abisai xubij chi ja rija' nibe chirij.

2 Rey 14:7

Chuqa' ri Amasías xerukamisaj e 10,000 aj-Edom chiri' kojol juyu' rubini'an Atz'an, y xuch'ek ri tinamit Selá. Y rija' xubij Jocteel chire ri tinamit ri', k'a re wakami.

2 Sam 23:18

Y ri Abisai rach'alal ri Joab, ri e ral ri Seruiá, ja rija' ri k'o más ruq'ij pa kiwi' ri e juwineq lajuj, roma rija' jun bey xuchop nuben oyowal kik'in e 300 achi'a' rik'in ri rukum, y kan xerukamisaj konojel. Roma ri' kan xk'oje' janila ruq'ij chikiwech ri e juwineq lajuj ri'.

2 Sam 21:17

Jak'a ri Abisai ral ri Seruiá xberuto' ri David, y xukamisaj ri achin aj-Filistea. Roma ri' ri aj-labal richin ri David xkibij k'a chire chi man jun bey chik xtibe chikij pa labal richin man nichup ta ri saqil richin Israel.

2 Sam 20:6

Roma ri' ri David xubij chik el chire ri Abisai: Ri Sebá ruk'ajol ri Bicrí xa kan xtuben más ch'a'oj chiqe ke chuwech ri xuben ri Absalón. Wakami k'a ke'ak'uaj-el ri e chajiy wichin, y ke'atzeqelibej roma rik'in juba' yeril nima'q taq tinamit ri e tz'apen chi tz'aq, y keri' xtuben k'ayew chiqe, xcha'.

2 Sam 10:14

Toq xkitz'et ri amonita chi xa xe'animej-el ri e kachibil chikiwech ri aj-Israel, chuqa' rije' xe'animej chuwech ri Abisai y kan xe'ok chupan ri kitinamit. K'ari' ri Joab y ri aj-labal man xekitzeqelibej ta chik, y xa xetzolin pa Jerusalem.

2 Sam 7:13

Kan k'a ja rija' ri xtipaban-q'anej jun wachoch. Y pa ruq'a' rija' xtinjikiba-wi kan jumul ri q'atbel-tzij.

2 Sam 3:30

Keri' xubij ri David roma ri Joab y ri Abisai xkikamisaj ri Abner, stape' ri Abner xa pan oyowal xukamisaj ri Asael ri kach'alal, ri chiri' pa Gabaón.

1 Sam 26:8

K'ari' ri Abisai xubij chire ri David: Wakami ri Dios xujech pan aq'a' ri etzelanel awichin. Wakami taya' k'a q'ij chuwe richin ninkamisaj rik'in la rukum, pa jun bey xtinch'ikiba' pan ulew y man k'atzinel ta xtinya' chik jun chire, xcha'.

1 Rey 11:15

Toq ri David y ri Joab ri aj-raqen kichin ri aj-labal richin ri David k'a e k'es na, xek'oje' ri chiri' pan Edom. Y jari' toq ri Joab y ri aj-labal xebe-q'anej richin xebekimuqu' kan ri kiwinaq ri xeken chupan ri oyowal ri', y chuqa' xerukamisaj kan konojel achi'a' aj-Edom.

1 Crón 18:11

Ronojel re' ri xbeya'ox kan chire ri rey David, xujech chire ri Jehová, achi'el ri xuben kik'in ri xrelesaj-pe chuwi-kiq'a' ri winaqi' edomita, moabita, amonita, amalecita y ri aj-Filistea.

1 Crón 18:13

Y ri David xeruya' kan chajinela' chijun ri ruwach'ulew Edom. Y keri' konojel ri aj chiri' xeyuqe' pa samaj rik'in ri David. Ri Jehová kan xuya' k'a ch'akonik pa ruq'a' ri David xabakuchi xbe-wi.

Wuj Richin Bix Chire ri Dios 60:2

Kan xaben chi xsilon ri ruwach'ulew y xaben chire chi xjobojo-qa; Tabana' utzil tachojmirisaj chik ri xwopotej-qa, roma beneq ruwech nisilon.