1 Crón 17:9 - Kaqchiquel Bible

⁹ Y chire ri' xinch'er jun ruwach'ulew iwichin rix, ri nutinamit; y xinya' k'a chiwe richin xiwichinaj kan, ri akuchi man jun yixnaqon. Ni ta ri e itzel taq achi'a', ni ri itzel kibanobal man xkixkiya' ta pa tijoj-poqonal achi'el ri ojer kan,

1 Crón 17:9 ပူးပေါင်းရင်းမြစ်များ

Apocalipsis 21:4

Y ri Dios kan xtusu' k'a el ri ruya'al runaq'-kiwech, roma kan xtuben chi xtik'is-el ri q'axo'n y ri jiloj. Kan xtik'is-el chuqa' ri kamik y ri oq'ej. Kan xkek'is k'a ronojel ri xek'oje' pa nabey, xcha'.

Efesios 5:6

Man kixq'olotej pa kiq'a' ri winaqi' ri nikibij ch'abel ri man jun rejqalen, roma man nikinimaj ta rutzij ri Dios. Kan qitzij wi chi xtiqaqa ruk'ayewal pa kiwi'

Ez 28:4

Xach'ob chi rik'in ri ana'oj y ri anojibal kan xamol k'iy abeyomel, y kan anojisan ri ak'ojelibal rik'in saqipueq y q'anapueq,

Wuj Richin Bix Chire ri Dios 44:2

Rik'in ri aq'a' xe'awelasaj ri winaqi' chuwech ri kiruwach'ulew y xe'ajikiba' ri qati't-qamama' chuwech ri ruwach'ulew ri'; xaya' k'a ruk'ayewal pa kiwi' ri winaqi' ri', jak'a ri qati't-qamama' xaben chi xek'iyer-q'anej ri kijatzul.

Ex 2:23

Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Am 9:15

Kan jebel xkixinya' chik chupan ri iruwach'ulew achi'el jun che' ri jebel tikil. Y man jun chik xtelesan-el iwichin, akuchi xkixinya-wi. Yin Jehová ri i-Dios ri yibin.

Ez 37:25

Xkek'ase' k'a chupan chijun ri ruwach'ulew ri xinya' chire ri ánima Jacob, ri nusamajel y ri akuchi chuqa' xek'ase-wi ri iwati't-imama'. Kan chiri' k'a xkek'ase-wi richin jantape' ri winaqi' ri xtinmol kichi', ri kalk'ual y ri kijatzul. Keri' xtikiben toq ri rey ri achi'el ri David ri nusamajel xtok aj-raqen pa kiwi' richin jantape'.

Ez 34:13

Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Wuj Richin ri Jeremías 32:41

Yin Jehová kan xkikikot k'a roma utz xtinben kik'in. Kan xkenya' k'a rik'in qitzijri'il chupan re ruwach'ulew re', rik'in ronojel wánima y ronojel nuk'u'x.

Wuj Richin ri Jeremías 24:6

Xtinben k'a ri utz kik'in rije', richin utz xkebe. Y xtinben chike richin xketzolin chik pe chupan re ruwach'ulew. Xkenjikiba' chuwech ri ruwach'ulew achi'el nitik jun wíkix y man xkenwelesaj ta chik el. Xkenwinaqirisaj chik q'anej y man xkenk'is ta chik el.

Wuj Richin ri Isaías 61:3

Xiruteq-pe kik'in ri winaqi' aj-Sión ri ek'o pa bis, richin xtik'oje' kikoten kik'in, achi'el toq niya'ox jun corona pa ruk'exel ri chaj ri k'o pa kiwi'. Pa ruk'exel ri bis xtik'oje' jubulej taq aq'om, y pa ruk'exel nikikusaj tzieq richin bis, nikikusaj tzieq richin kikoten. Ri winaqi' ri' kan jantape' xtikiben pa ruchojmilal, roma rije' e achi'el jun paten-che' ri tikon roma ri Jehová, ri man niq'ochotej ta roma ri kaq'iq'. Y ri winaqi' ri' e banon richin nikiya' ruq'ij rija'.

Wuj Richin ri Isaías 60:18

Chupan ri iruwach'ulew man xtibebanatej ta chik kamik; ni man jun bey chik xtipe wululen. Xa kan xtibij chike ri tz'aq richin ri itinamit, chi rije' e achi'el ri kolonel, y ri chiri' pa taq okibel niya' nuq'ij yin.

Wuj Richin ri Isaías 49:17

Kan chi'anin k'a xkepe ri xkepaban chik jun bey ri itinamit, jak'a ri xeyojon iwichin kan chi'anin xke'animej-el.

Wuj Richin Bix Chire ri Dios 92:13

Rije' kan xkebe k'a pa jotol achi'el ri che' ri e tikil chuwa-rachoch ri Jehová, achi'el ri che' ri yesijan chuwa-jay chire ri rachoch.

Wuj Richin Bix Chire ri Dios 89:22

Ri e etzelanel richin, kan man xketikir ta k'a chirij. Kan man xtich'akatej ta k'a koma ri e banoy taq etzelal.

1 Crón 17:8

Kan ink'o awik'in ri akuchi at beneq-wi, janipe' k'a ri e etzelanel awichin kan xenk'is. Kan xinnimirisaj k'a ri abi', achi'el ri nima'q taq achi'a' ri ek'o chuwech ri ruwach'ulew.

1 Crón 17:10

toq yin xenya' ri e chojmirisey ri yebanatej pan iwi'. Yin kan xtinqasaj kiq'ij konojel ri etzelanel awichin, y kan ninq'alajirisaj k'a chawe chi kan xkek'iyer k'a ri awijatzul.