1 Crón 17:8 - Kaqchiquel Bible

⁸ Kan ink'o awik'in ri akuchi at beneq-wi, janipe' k'a ri e etzelanel awichin kan xenk'is. Kan xinnimirisaj k'a ri abi', achi'el ri nima'q taq achi'a' ri ek'o chuwech ri ruwach'ulew.

1 Crón 17:8 ပူးပေါင်းရင်းမြစ်များ

1 Crón 17:2

Y ri Natán xubij: Tabana' k'a ri janipe' ri nach'ob pan awánima richin naben, roma ri Dios kan k'o-wi awik'in.

1 Sam 18:14

Y ri David kan rik'in na'oj xuben ronojel re', roma ri Jehová kan k'o-wi rik'in.

Wuj Richin Bix Chire ri Dios 75:7

Ri Jehová ri chojmirisey richin ronojel ri yebanatej; k'o ri nuqasaj kiq'ij y k'o ri nunimirisaj kiq'ij.

Wuj Richin Bix Chire ri Dios 71:21

Xtanimirisaj k'a nuq'ij, y kan xtakuquba' chik k'a nuk'u'x.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

1 Sam 18:28

Jak'a ri Saúl xutz'et chi ri Jehová kan k'o-wi rik'in ri David y chuqa' ri rumi'al kan nrajo-wi.

Wuj Richin ri Rutikeribel 28:15

Jare' ink'o awik'in y xabakuchi xkabe-wi in beneq awik'in, y xkatink'en chik pe jun bey chupan re ruwach'ulew re', man xkatinya' ta kan, k'a toq xtinben awik'in ri xinbij chawe, xcha' ri Dios chire.

San Lucas 1:52

Xerelesaj ri nima'q taq q'atoy-tzij chupan ri kajawaren, y xeruya-apo ri xa man jun ok kiq'ij.

Wuj Richin Bix Chire ri Dios 18:1

Jehová, yin kan janila yatinwajo', roma kan ja rat yaya'on wuchuq'a'.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

1 Crón 17:17

Y pa ruwi' re', chawech rat kan ti juba' ok: Nata' Dios, kan xach'on yan chikij ri nuk'ajol yin, ri in asamajel. Y chuqa' kan xinatz'et achi'el jun achin ri kan k'o rejqalen. ¡Jehová Dios!

2 Sam 22:1

Toq ri David xkolotej yan roma ri Jehová pa kiq'a' ri etzelanel richin, y pa ruq'a' ri Saúl, jari' toq xuben re jun bix re' chire ri Jehová:

2 Sam 8:8

Keri' chuqa' xeruk'uaj-el ri q'enq'oj-pueq ri ek'o chupan ri tinamit Bétah y Berotai ri e richin ri rey Hadad-ézer.

2 Sam 8:6

Chirij ri' ri David xeruyala' tzobaj chajinela' chupan chijun ri ruwach'ulew Siria. Y ri aj-Siria xe'ok rusamajela' ri David, y kan k'o chi xkitoj chire ri k'atzinel. Keri' ri Jehová xuya' k'a ch'akonik chire ri David xabakuchi xbe-wi.

2 Sam 7:9

Y kan ink'o k'a pe awik'in xabakuchi at beneq-wi, y kan e nuch'akon konojel ri etzelanel awichin. Wakami k'a, kan xtinnimirisaj ri abi' achi'el ri kibi' ri e nima'q taq achi'a' ri ek'o wawe' chuwech re ruwach'ulew.

1 Sam 26:10

Kan k'es ri Jehová, chi kan ja rija' ri xtikamisan richin toq xtapon ruq'ij y xtiken, o toq xtibe pa jun oyowal chiri' xtiken-wi.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

1 Crón 17:7

Keri' tabij chire ri David ri nusamajel, chi yin Jehová ri k'iytisanel richin ronojel ninbij chi xatinwelesaj-pe chikikojol ri karne'l richin man ye'ayuq'uj ta chik, richin keri' xatok jun tata'al pa ruwi' ri nutinamit Israel.

1 Crón 17:9

Y chire ri' xinch'er jun ruwach'ulew iwichin rix, ri nutinamit; y xinya' k'a chiwe richin xiwichinaj kan, ri akuchi man jun yixnaqon. Ni ta ri e itzel taq achi'a', ni ri itzel kibanobal man xkixkiya' ta pa tijoj-poqonal achi'el ri ojer kan,

1 Crón 14:17

Ri xuben ri David kan xtalutej k'a rutzijol kik'in ri winaqi' richin chijun ruwach'ulew, y ri Jehová xuben k'a chire ri David chi kan k'o rukiy chikiwech chijun ruwach'ulew.