1 Crón 17:7 - Kaqchiquel Bible

⁷ Keri' tabij chire ri David ri nusamajel, chi yin Jehová ri k'iytisanel richin ronojel ninbij chi xatinwelesaj-pe chikikojol ri karne'l richin man ye'ayuq'uj ta chik, richin keri' xatok jun tata'al pa ruwi' ri nutinamit Israel.

1 Crón 17:7 ပူးပေါင်းရင်းမြစ်များ

2 Sam 6:21

K'ari' ri David xubij chire: Kan qitzij na wi chi xitzopiyaj, jak'a kan chuwech ri Jehová, roma ja rija' xicha'on richin xinok tata'al richin ri tinamit. Rija' kan xirucha' richin xinok kan pa ruk'exel kan ri atata' y pa kik'exel kan ri axibal. Roma ri' wi yin ninwajo', kan k'a xkitzopiyaj na richin xtinya' ruq'ij ri Jehová.

San Lucas 5:10

Keri' chuqa' ri Jacobo y ri Juan ri e ruk'ajol ri Zebedeo, ri e rachibil ri Simón. Jak'a ri Jesús xubij chire ri Simón: Man k'a tisach ak'u'x roma ri xatz'et. Kinawojqaj yin y xtinben chawe richin yatok chapoy taq winaqi' richin yinkitzeqelibej, xcha'.

San Mateo 2:6

Kan xtipe k'a jun q'atoy-tzij pa Belén richin ri Judá. Stape' ri tinamit ri' maneq ok rejqalen chikiwech konojel ri tinamit richin Judá, jak'a kan kik'in rije' xtel-wi-pe re q'atoy-tzij re'. Y ja rija' k'a xtiyuqen kichin ri nuwinaq judío, nicha'.

2 Sam 7:8

Wakami, yin Jehová k'iytisanel richin ronojel, ninbij k'a chawe rat David chi ja yin ri xinelesan-pe awichin chikikojol ri karne'l richin xatok tata'al pa ruwi' ri nutinamit Israel.

1 Sam 17:15

Y ri David nibe y nipe rik'in ri Saúl roma k'o chi nuyuq'uj ri rukarne'l ri rutata' chiri' pa Belén.

1 Crón 17:6

Ronojel mul yibe kela-yibe kela' xinben chupan chijun ri binen ri xkiben ri tinamit Israel, y man jun bey nuch'ojin ta chike ri aj-raqen ri ek'o pa ruwi' ri nutinamit richin nikipaba' ta q'anej jun wachoch rik'in tiox-che'.

1 Crón 17:8

Kan ink'o awik'in ri akuchi at beneq-wi, janipe' k'a ri e etzelanel awichin kan xenk'is. Kan xinnimirisaj k'a ri abi', achi'el ri nima'q taq achi'a' ri ek'o chuwech ri ruwach'ulew.

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.