1 Crón 17:23 - Kaqchiquel Bible

²³ Wakami k'a, Jehová, kan xtaben ri asujun chuwe yin ri asamajel, y chike ri ek'o pa wachoch. Kan xtaben ta k'a achi'el ri abin,

1 Crón 17:23 ပူးပေါင်းရင်းမြစ်များ

San Lucas 1:38

Kan jari' toq ri María xubij: Jare' ink'o pa ruq'a' ri ajaw. Kan tibanatej k'a achi'el ri xabij chuwe, xcha' ri María chire ri ángel. Jari' toq ri ángel xel-el chiri' rik'in ri María, y xbe.

Wuj Richin ri Jeremías 11:5

Y re wakami wi rix ninimaj nutzij, yin kan xtintaqej ri ya'on-tzij ri xinben kik'in ri iwati't-imama' ojer kan, toq xinsuj chike rije' ri ruwach'ulew ri akuchi nuya' ronojel tiko'n, ri akuchi ixk'o-wi rix wakami, xcha' ri Dios chuwe. Y yin xinbij chire ri Jehová chi kan keri' xtibanatej.

Wuj Richin Bix Chire ri Dios 119:49

Man namestaj ri asujun chuwe chupan ri ach'abel, ri kan rubanon chuwe chi nukuquban nuk'u'x rik'in.

Wuj Richin ri Rutikeribel 32:12

Y rat xabij chuqa' chuwe: Yin janila jebel xtinben chawe y ri awijatzul ri xkebek'oje' kan achi'el ri sanayi' ri k'o chuchi' ri palou ri man jun nitikir najlan kichin, xacha' chuwe, xcha' ri Jacob chire ri Dios.

1 Crón 17:22

Y xaben chiqe chi roj xojok atinamit richin q'asen, y ja rat Jehová, xatok qa-Dios.

1 Crón 17:24

richin chi ri wijatzul xtik'oje' richin q'asen, y richin chi ri abi' kan xtinimirisex k'a. Y roma ri' ri winaqi' xtikibij chi ja rat Jehová, ri Dios ri k'iytisanel richin ronojel; ja rat ri Dios ri atk'o pa qawi' roj ri oj aj-Israel. Y chuqa' keri' rat xtajikiba' ri wijatzul richin q'asen.

1 Crón 28:4

Jak'a man rik'in ri' ri Jehová ri qa-Dios xirucha' yin chikikojol ri ek'o pa rachoch ri nata' richin xirukusaj kan rey, y ri wijatzul richin jantape'. Rija' xucha' ri qatzobaj Judá richin ja tzobaj ri' ri xtiq'aton-tzij; y chukojol ri qatzobaj xucha' ri aj pa rachoch ri nata'; y chikikojol ri wach'alal xirucha' yin, richin chi xinok rey pa ruwi' chijun re ruwach'ulew Israel.

1 Rey 8:26

Wakami k'a Jehová ri at qa-Dios richin Israel, kan tabana' k'a ri ach'abel ri asujun kan chire ri asamajel David ri nata', xcha' ri Salomón.

2 Crón 1:9

Wakami k'a, Jehová Dios tajikiba' k'a ri asujun chire ri nata', roma ja yin ri xinaya' kan rey pa ruwi' re jun tinamit re janila nim, ri kan man e ajlatel ta, achi'el ri poqolaj ri k'o chuwech re ruwach'ulew.