1 Crón 17:20 - Kaqchiquel Bible

²⁰ Jehová, man jun chik k'o achi'el rat, y man jun chik dios ri k'o ta chawech. Y ronojel re' kan qetaman chik roj.

1 Crón 17:20 ပူးပေါင်းရင်းမြစ်များ

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Wuj Richin ri Isaías 63:12

Ri Dios xuteq-pe ri nimalej ruchuq'a' richin xuyuqej chiruq'a' ri Moisés, ri xbanon chi xch'aratej ri palou ri', richin xnimirisex rubi' ri Jehová tibe-q'ij tibe-seq,

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

Wuj Richin ri Isaías 45:5

Ja yin Jehová y kan man jun chik. Kan man jun chik Dios k'o. Yin kan xtinya' awuchuq'a', stape' rat man jani awetaman ta nuwech.

Wuj Richin ri Isaías 43:10

Jak'a rix israelita ri ix tz'eteyon ronojel, rix nusamajela' ri xixincha' yin, richin chi rix niwetamaj nuwech yin, y richin nikuquba' ik'u'x wik'in, y niq'ax chiwech chi ja yin Jehová. Pa nabey chuwe yin man jun dios xk'oje', y chuwij yin man jun chik dios xtik'oje'.

Wuj Richin ri Isaías 40:25

Ri Dios nubij: ¿Achoq ik'in k'a xkinijunamaj-wi? ¿Achoq ik'in kami in junan yin ri Loq'olej richin Israel?, xcha'.

Wuj Richin ri Isaías 40:18

Ri Dios man jun achoq ik'in nijunamex-wi, ni man nijunamex ta rik'in jun wachibel.

Wuj Richin Bix Chire ri Dios 89:8

Nimalej Jehová, Dios k'iytisanel richin ronojel, ¿achike ta chik k'a jun ri achi'el rat? Rat kan k'o ronojel uchuq'a' pan aq'a'. Ronojel ri asujun, kan abanon.

Wuj Richin Bix Chire ri Dios 89:6

Man jun k'o chila' chikaj ri achi'el rat. Man jun ri k'o chila' awik'in ri junan ta awik'in rat.

Wuj Richin Bix Chire ri Dios 86:8

Nimalej ajaw, ¡kan man jun chik k'a k'o achi'el rat chikikojol ri ch'aqa' chik dios! Ri asamaj rat kan man jun chik achoq ik'in ta xtijunamex-wi.

Wuj Richin Bix Chire ri Dios 44:1

Nimalej Dios, kan rik'in k'a qaxikin qak'axan ri utzilej rutzijol. Ri qate-qatata' xetzijon kan chiqe chi rat xaben ri meyel taq banobel ri ojer kan.

1 Sam 2:2

Man jun loq'olej k'o, achi'el rat Jehová: kan xaxe wi rat ri atk'o. Man jun chik achi'el rat, y man jun chik tobel niqil achi'el ri k'o awik'in rat.

Deut 33:26

Kan man jun chik Dios k'o achi'el ri qa-Dios. Rija' achi'el xa ta pa ruwi' ri sutz' niqaqa-pe chikaj richin yixruto-el chi'anin, y chuqa' achi'el xa ta pa sutz' nipe-wi rik'in ri nimalej ruq'ij-ruk'ojlen.

Deut 4:39

Roma ri' tiwetamaj y tik'oje' chi'ik'u'x chi ri Jehová kan ja rija' ri rajaw ri kaj y ri ruwach'ulew, y kan man jun chik achi'el rija'.

Deut 4:35

ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.

Deut 3:24

Ajaw Jehová, rat kan achapon k'a pe ruk'utik chinuwech yin ri asamajel, ri nimalej ak'ojlen y ri awuchuq'a', ¿k'o kami jun chik Dios chila' chikaj y chuwech re ruwach'ulew ri nitikir nuben meyel taq banobel ri achi'el ye'aben rat?

Ex 18:11

Wakami jebel k'a xq'alajin chinuwech chi ja ri Jehová jari' ri más nim chikiwech ri ch'aqa' chik dios, roma xuya' rutojbalil pa kiwi' ri winaqi' ri nim xkina-ki', roma xekiya' pa tijoj-poqonal ri israelita, xcha'.

Ex 8:10

Ja ri chua'q ninwajo' yin, xcha' ri rey. Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj.

Ex 9:14

Roma wi man keri' ta xtaben, wakami yin xtinteq-pe ronojel ruwech nima'q taq ruk'ayewal pan awi' rat, pa kiwi' ri aj-raqen y pa kiwi' konojel ri awinaq, richin chi tawetamaj chi kan man jun chik Dios k'o chuwech re chuwach'ulew, ri achi'el yin.

1 Crón 17:19

Jehová, roma ri nimalej ajowabel ri k'o pan awánima kan xajikiba' k'a ri xasuj chuwe, richin chi niq'alajin ri nunimirinen.

1 Crón 17:21

Man jun chik tinamit k'o achi'el roj ri atinamit ri k'o ta jun ru-Dios achi'el rat; roma kan xaxe rat ri xatikir xojakol richin xojok atinamit. Chuqa' xel k'a atzijol chijun ri ruwach'ulew roma ri meyel taq abanobal ri xe'aben. Rat ri xatoqotan kichin ri winaqi' richin ch'aqa' chik ruwach'ulew chikiwech ri qate-qatata' ri xe'awelesaj-pe pan Egipto.

Wuj Richin Bix Chire ri Dios 97:9

roma rat Jehová kan at nim pa ruwi' chijun ruwach'ulew. Kan xaxe k'a rat ri ninimirisex aq'ij chikiwech ri ch'aqa' chik dios.